Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Amono A bi Ru Oreva Jihova Nẹnẹ?

 UWUHRẸ AVỌ 5

What Will You Experience at Our Christian Meetings?

What Will You Experience at Our Christian Meetings?

Argentina

Sierra Leone

Belgium

Malaysia

Ahwo buobu a siọ ichọche ba ẹnya no fikinọ a be jọ etẹe wo uduotahawọ họ. Rekọ fikieme o rọ gwọlọ nọ who kpohọ iwuhrẹ ukoko Isẹri Jihova? Eware jọ vẹ e te jọ iwuhrẹ na si owhẹ urru?

Who ti wo oghọghọ fikinọ whọ rrọ udevie ahwo nọ a re dhesẹ uyoyou kẹ ohwohwo. Evaọ ikpe-udhusoi ọsosuọ, Ileleikristi a jẹ hai koko oma họ ru iwuhrẹ evaọ ikoko sa-sa, re a sae gọ Ọghẹnẹ, wuhrẹ Ebaibol na kugbe, jẹ tuduhọ ohwohwo awọ. (Ahwo Hibru 10:24, 25) Evaọ etoke itieye na nọ a jọ iwuhrẹ ukoko na, o jẹ hae jarai oma inọ a rrọ udevie egbẹnyusu uzẹme, yọ onana o jẹ lẹliẹ udu te ae otọ. (2 Ahwo Tẹsalonika 1:3; 3 Jọn 14) Epọvo na ma bi koko oma họ gọ Ọghẹnẹ nẹnẹ, yọ onana o be wha oghọghọ se omai re.

Who re wo irere fikinọ who bi wuhrẹ epanọ whọ sai ro ru lele oware nọ Ebaibol ọ ta. Wọhọ epanọ o jọ evaọ ikpe-udhusoi ọsosuọ, t’ezae t’eyae, gbe emaha a bi kuomagbe gọ Ọghẹnẹ nẹnẹ. Evaọ iwuhrẹ nana, ahwo nọ i wo eriariẹ ziezi a re fi obọ họ dhesẹ epanọ ma sai ro fi eme Ebaibol họ iruo evaọ uzuazọ mai. (Iziewariẹ 31:12; Nehemaya 8:8) Ahwo kpobi nọ a rrọ ewuhrẹ na a rẹ sae kpahe fihọ enọ, jẹ suile no udu ze kugbe, rọ ere dhesẹ ẹruore nọ ma wo via.—Ahwo Hibru 10:23.

Iwuhrẹ na i ti fi obọ họ kẹ owhẹ bọ ẹrọwọ ra kpahe Ọghẹnẹ ga. Pọl ukọ na o kere se ukoko jọ evaọ oke riẹ inọ: “Uru ẹruẹ rai u bi siomẹ, re . . . ma wo oma osasọ kugbe eva orọwọ [ovo], onọ o rọ orai gbe omẹ.” (Ahwo Rom 1:11, 12) Oma nọ ma bi kugbe inievo ukoko mai ẹsikpobi evaọ obọ iwuhrẹ o be bọ ẹrọwọ gbe ọtamuo mai ga, onọ ma rọ gwọlọ fi ehri-izi Ebaibol họ iruo.

Ma zizie owhẹ nọ nyaze ewuhrẹ ukoko mai nọ ọ be tha na, whọ te jariẹ wo oghọghọ. Ma ti dede owhẹ rehọ ziezi. Iwuhrẹ mai kpobi ọvọvẹ, yọ ma rẹ jarai ghoro umudo ho.

  • Oghẹrẹ oriruo vẹ ma bi lele ro ru iwuhrẹ ukoko mai?

  • Irere jọ vẹ ma re wo rono iwuhrẹ ukoko mai ze?