Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Amono A bi Ru Oreva Jihova Nẹnẹ?

 UWUHRẸ AVỌ 21

Eme Họ Ebẹtẹle?

Eme Họ Ebẹtẹle?

Ẹko-iruo nọ o rẹ drọ iwoho evaọ uwou ogha America.

Germany

Kenya

Colombia

Ebẹtẹle yọ odẹ Hibru, yọ otofa riẹ họ “Uwou Ọghẹnẹ.” (Emuhọ 28:17, 19) Odẹ nana o nwani fo kẹ iwou Isẹri Jihova kpobi nọ a bi jo kere ebe mai evaọ akpọ na soso, oria nọ a be jọ kpọ jẹ be rẹrote iruo usiuwoma ota na. New York evaọ America họ oria nọ Ugboma Esuo na o rrọ, yọ obei a be kẹ ekpọvio no ze rọ rẹrote iruo iwou ogha kpobi nọ e rrọ akpọ na soso. A re se inievo nọ e be jọ Ebẹtẹle ruiruo inọ ahwo uviuwou Ebẹtẹle. Wọhọ uviuwou, a be rria je ru iruo kugbe, re emu kugbe, je wuhrẹ Ebaibol na kugbe.—Olezi 133:1.

Ebẹtẹle yọ obọdẹ oria nọ ahwo uviuwou na soso a be jọ rọ unevaze ru iruo. Evaọ uwou ogha kpobi, whọ rẹ ruẹ inievo-emezae gbe erọ emetẹ nọ a roma kpobi kẹ oreva Ọghẹnẹ uruo, jẹ be rọ iruo Uvie na karo evaọ oke-kpobi. (Matiu 6:33) A rẹ hwosa kẹ inievo nana ha, rekọ a rẹ kẹ ae uwou nọ a rẹ rria gbe emuore, a vẹ jẹ kẹ ae umutho ugho jọ rọkẹ araha rai. Ohwo kpobi evaọ Ebẹtẹle o wo ọvuọ iruo riẹ nọ o re ru, ahwo jọ a re ru iruo evaọ ọfisi, efa kọ ikichini hayo oria nọ a rẹ jọ re emu. Amọfa a re ru iruo evaọ oria nọ a rẹ jọ rehọ ijini kere ebe, hayo oria nọ a jọ ruẹrẹ ebe na họ nọ a ti jo vi ai se ikoko, efa i re ru iwou nọ a rẹ rria fo, fọrọ iwu gbe ehọ, ruẹrẹ eware nọ e raha, je ru eware efa buobu.

Ebẹtẹle yọ oria nọ a be jọ tha iruo usiuwoma ota na uke. Ugogo ẹjiroro ọ uwou ogha kpobi họ, re a jọ etẹe kere ebe no Ebaibol ze ro wuhrẹ ahwo kpobi uzẹme na. Ibroshọ nana yọ ovo jọ evaọ usu ebe na. Ugboma Esuo na o kẹ ọkpọvio kpahe oghẹrẹ nọ a re kere iei. Nọ inievo na a kere iei no, a tẹ rọ ekọmputa vi eme na se inievo nọ e be fa ebe mai evaọ iwou ogha sa-sa wariẹ akpọ na họ re a fae fihọ evẹrẹ sa-sa, kẹsena a tẹ rọ ijini ilogbo nọ i re ru iruo vẹrẹ gaga ro kere iei lahwe, je vi iei se ikoko nọ i bu vi idu udhusoi gbe ikpe (110,000). Inievo Ebẹtẹle kpobi a ru ẹkabọ rai evaọ ekere obe nana, jẹ rọ ere tha iruo nọ e mai wuzou kpobi na uke, oye họ iruo usiuwoma ota na.—Mak 13:10.

  • Amono a be jọ Ebẹtẹle ru iruo, kọ ẹvẹ a be rọ rẹrote ai?

  • Iruo jọ vẹ nọ i wuzou gaga ahwo nọ a bi ru iruo evaọ Ebẹtẹle a be tha uke?