Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Amono A bi Ru Oreva Jihova Nẹnẹ?

 UWUHRẸ 1

Oghẹrẹ Ahwo Vẹ Isẹri Jihova A Rrọ?

Oghẹrẹ Ahwo Vẹ Isẹri Jihova A Rrọ?

Denmark

Taiwan

Venezuela

India

Bro Isẹri Jihova whọ riẹ? Ẹsejọhọ ejọ rai yọ ibe-iruiruo ra, ibe emọ-eklase ra, hayo wha be rria okegbe ọvona. Hayo o sae jọnọ ma rehọ Ebaibol na lele owhẹ ta ẹme no. Oghẹrẹ ahwo vẹ ma ginẹ rrọ, kọ fikieme ma jẹ be ta oware nọ ma rọwo kẹ ahwo kpobi?

Mai yọ ahwo gheghe. Ma no eghagha avọ eghagha ze. Otu mai jọ a jọ egagọ efa vẹre, yọ efa evaọ usu mai a rọwo Ọghẹnẹ vẹre he. Rekọ taure ma te ti kurẹriẹ ruọ ukoko Isẹri Jihova, ma romatotọ kiẹ oware nọ Ebaibol na ọ ta riwi. (Iruẹru Ikọ Na 17:11) Ma rọwo eware nọ ma wuhrẹ no Ebaibol na ze, yọ onana u ru nọ ma rọ gbaemu inọ ma rẹ gọ Jihova Ọghẹnẹ.

Ma bi wo erere no eware nọ ma bi wuhrẹ no Ebaibol ze. Wọhọ epanọ o rrọ kẹ ahwo kpobi, mai Isẹri Jihova ma bi lele ebẹbẹ gbe sebaẹgba omobọ mai muabọ. Rekọ fikinọ ma be daoma fi eware nọ ma wuhrẹ no Ebaibol ze họ iruo kẹdẹ kẹdẹ evaọ uzuazọ mai, u fi obọ họ kẹ omai wo irere buobu no. (Olezi 128:1, 2) Oyena yọ ẹjiroro jọ nọ o be wọ omai whowho eware iwoma nọ ma wuhrẹ no Ebaibol ze kẹ amọfa.

Ma be rria lele ehri-izi Ọghẹnẹ. Wọhọ epanọ ma jọ Ebaibol wuhrẹ, ehri-izi nana nọ ma rẹ rria lele i re fi obọ họ kẹ omai wereva jẹ kẹ amọfa adhẹẹ, je dhesẹ uruemu oruọzewọ avọ ẹwo. Ehri-izi Ebaibol nana i re fi obọ họ kẹ ahwo rria kugbe dhedhẹ, jẹ wha evawere fihọ uviuwou. Fikinọ u mu omai ẹro inọ “Ọghẹnẹ ọ rẹ jẹ ahwo [jọ] ọvo rehọ họ,” ma be sai lele ibe eg’Ọghẹnẹ mai nọ i no eghagha avọ eghagha ze rria dhedhẹ ababọ omagbẹre. Dede nọ mai yọ ahwo gheghe, ma wo ohẹriẹ no amọfa.—Iruẹru Ikọ Na 4:13; 10:34, 35.

  • Ẹvẹ Isẹri Jihova a rọ wọhọ amọfa kpobi?

  • Iruemu iwoma jọ vẹ Isẹri Jihova a wuhrẹ no Ebaibol ze no?