Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Amono A bi Ru Oreva Jihova Nẹnẹ?

 UWUHRẸ AVỌ 26

Ẹvẹ Ma Sai ro Fi Obọ Họ Rẹrote Ọgwa Uvie Mai?

Ẹvẹ Ma Sai ro Fi Obọ Họ Rẹrote Ọgwa Uvie Mai?

Estonia

Zimbabwe

Mongolia

Puerto Rico

Odẹ ofuafo Ọghẹnẹ a ro se Ọgwa Uvie Isẹri Jihova kpobi. Fikiere, Ọgwa Uvie mai nọ ma re ru fuafo tẹtẹtẹ jẹ ruẹrẹ eria nọ e raha evaọ eva riẹ, yọ uvẹ-ọghọ, o tẹ jẹ rrọ abọjọ egagọ mai nọ u wuzou gaga. Onana yọ oware nọ ohwo kpobi ọ rẹ sai ru.

Fialoma via nọ ewuhrẹ o te kuhọ no re wha ru Ọgwa Uvie na fo. Nọ ewuhrẹ o te kuhọ no, inievo-emetẹ gbe erọ emezae a re hwere Ọgwa Uvie na je ru ei fo. N’oke t’oke, a re ru orufuọ evaọ Ọgwa Uvie na. Ọkpako ukoko hayo odibo oruiruo ọye ọ rẹ rẹrote iruo na, jẹ nya lele omaa eware nọ i fo eruo evaọ Ọgwa Uvie na. Ohwo kpobi ọ rẹ sae fialoma via ru oware jọ, inievo jọ a re hwere otuwou na, ruẹrẹ egbara na họ, ru oria nọ a jo kuame na fo, wozẹ je ririe ighẹgbe na, ku erara kufiẹ, jẹ gbẹbe otọ na. Ma tẹ be wha emọ mai lele oma kpohọ orufuọ otiọnana, yọ ma bi wuhrẹ ae epanọ a re ro wo adhẹẹ kẹ eria egagọ mai.

Fi obọ họ ruẹrẹ eria nọ e raha. K’ukpe k’ukpe, a rẹ nya Ọgwa Uvie kpobi riwi sọ a be rẹrotei ziezi, te obeva gbe otafe riẹ. Onana o soriẹ ze nọ a be rọ ruẹrẹ eria nọ e raha ẹsikpobi, jẹ be rọ ere whaha igho nọ a re mu raha kufiẹ fiki abogbekẹ. (2 Iruẹru-Ivie 24:13; 34:10) Ọgwa Uvie nọ a be rẹrote ziezi nọ ọ rrọ fuafo o fo oria nọ ma rẹ jọ gọ Ọghẹnẹ. Ma tẹ be fialoma via kẹ iruo nana, u re dhesẹ nọ ma you Jihova je se oria egagọ mai gboja. Onana o rẹ jẹ jọ emamọ oriruo kẹ ahwo ẹwho na.—2 Ahwo Kọrint 6:3.

  • Fikieme ma gbe gbabọkẹ eria egagọ mai hi?

  • Eruẹrẹfihotọ vẹ e riẹ nọ a re ro ru Ọgwa Uvie fo?