Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Amono A bi Ru Oreva Jihova Nẹnẹ?

 UWUHRẸ AVỌ 8

Fikieme O rọ Gwọlọ nọ Ma rẹ Gọ Ẹgọ nọ Ọ Rrọ Kpatiẹ Kpohọ Iwuhrẹ Ukoko Mai?

Fikieme O rọ Gwọlọ nọ Ma rẹ Gọ Ẹgọ nọ Ọ Rrọ Kpatiẹ Kpohọ Iwuhrẹ Ukoko Mai?

Iceland

Mexico

Guinea-Bissau

Philippines

Kọ whọ jọ iwoho nọ e rrọ ibroshọ nana muẹrohọ no inọ Isẹri Jihova a rẹ g’ẹgọ nọ ọ rrọ kpatiẹ nọ a te bi kpohọ iwuhrẹ ukoko rai? Fikieme ẹgọ nọ ma rẹ gọ kpatiẹ o jẹ rrọ omai oja t’ere?

Re ma rehọ adhẹẹ kẹ Ọghẹnẹ mai. Uzẹme riẹ họ, orọnikọ erru okafe mai Ọghẹnẹ ọ be mai rri hi. (1 Samuẹle 16:7) Ghele na, nọ ma te bi kuomagbe kẹ egagọ, o rrọ isiuru mai re ma rọ adhẹẹ kẹ Ọghẹnẹ gbe inievo Ileleikristi mai. Otẹrọnọ ma be nyai gu ẹdhọ kẹ obruoziẹ evaọ uwou-ẹdhoguo, ma te gwọlọ muẹrohọ oghẹrẹ nọ ma gọ ẹgọ fiki adhẹẹ nọ ma gwọlọ rọ kẹe. Epọvo na, oghẹrẹ nọ ma g’ẹgọ evaọ iwuhrẹ ukoko mai u re dhesẹ sọ ma be rehọ adhẹẹ kẹ Jihova Ọghẹnẹ, ọnọ ọ rrọ “obruoziẹ akpọ na,” gbe sọ ma be rehọ adhẹẹ kẹ oria nọ ma be jọ gọe.—Emuhọ 18:25.

Re ma ro dhesẹ oghẹrẹ itee nọ ma be rria lele. Ebaibol na o tuduhọ Ileleikristi awọ inọ a ‘gọ umutho ẹgọ nọ o re fo, avọ omaurokpotọ.’ (1 Timoti 2:9, 10) Re ma gọ ẹgọ “avọ omaurokpotọ” u dhesẹ nọ ma rẹ whaha iwu nọ i re ru amọfa t’ovao vi omai, enọ i re kpe oma ohwo fihọ hayo nọ e rẹ kpare isiuru owezẹ. Ofariẹ, uvi iroro nọ ma re wo u re fi obọ họ kẹ omai dẹ iwu nọ i re fi erru họ omai oma rekiyọ e rrọ kpatiẹ. Onana u dhesẹ nọ ohwo kpobi o wo udu nọ ọ sae rọ dẹ oghẹrẹ ewu nọ ọ were riẹ rekọ nọ ọ rrọ kpatiẹ. Ma gbẹ make ta ẹme no unu ze dede he, oghẹrẹ nọ ma gọ ẹgọ o rẹ sai ru ahwo jiri “uwuhrẹ Ọghẹnẹ Osiwi mai,” jẹ kẹ “Ọghẹnẹ oro.” (Taitọs 2:10; 1 Pita 2:12) Ma tẹ be gọ ẹgọ nọ ọ rrọ kpatiẹ kpohọ iwuhrẹ ukoko mai, u re ru nọ amọfa a je wo ọghọ kẹ egagọ Jihova.

Whọ gbẹ maki wo iwu nọ e rrọ kpatiẹ obọnana ha, who ru re oyena o whaha owhẹ iwuhrẹ ukoko mai hi. U du gwọlọ nọ ma rẹ dẹ iwu eghaghae taure ma te ti kpohọ iwuhrẹ mai hi; oware nọ o gwọlọ kpobi họ, jọ iwu na e jọ fuafo jẹ jọ kpatiẹ.

  • Ẹvẹ ẹgọ mai o wuzou te nọ ma tẹ be nyae gọ Ọghẹnẹ?

  • Ehri-izi Ebaibol vẹ e rẹ kpọ omai kpahe ẹgọ gbe osẹ?