Kpohọ eme nọ e riẹ eva

Kpohọ eme nọ e kẹle obọ emuhọ

Isẹri Jihova

Isoko

Eme Ọ rẹ Wha Evawere Ziọ Uviuwou?

Eme Ọ rẹ Wha Evawere Ziọ Uviuwou?

Kọ who roro nọ . . .

  • uyoyou?

  • ugho?

  • manikọ oware ofa jọ?

 OWARE NỌ EBAIBOL NA Ọ TA

“Enọ i yo ẹme Ọghẹnẹ, a [ve je] ru ei a wo eghale!”—Luk 11:28, Ebaibol Ẹri Na.

IRERE NỌ I RE TE OWHẸ OTẸRỌNỌ WHO RU LELE OHRẸ YENA

O rẹ lẹliẹ uyoyou jọ uviuwou ra.—Ahwo Ẹfẹsọs 5:28, 29.

U ti fi obọ họ kẹ owhẹ avọ uviuwou ra wo adhẹẹ kẹ ohwohwo.—Ahwo Ẹfẹsọs 5:33.

O rẹ lẹliẹ udhedhẹ jọ uwou ra.—Mak 10:6-9.

 KỌ MA SAI GINE FI EVA HỌ OWARE NỌ EBAIBOL NA Ọ TA?

Ee, fiki eware ivẹ nana:

  • Ọghẹnẹ họ ọnọ ọ to uviuwou kpobi họ. Ebaibol na ọ ta nọ ‘a rehọ odẹ Ọghẹnẹ se uviuwou kpobi.’ (Ahwo Ẹfẹsọs 3:14, 15) Fikinọ Jihova họ ọnọ ọ to uviuwou na họ, ọye o wo rie. Eme onana o rẹ lẹliẹ omai ru?

    Roro kpahe onana: Whọ tẹ be re emu nọ ọ were gaga, yọ whọ gwọlọ riẹ eware nọ a ro there emu na, ono whọ rẹ nọ? Ababọ avro, ohwo nọ o there emu na.

    Epọvo na re, ma tẹ gwọlọ riẹ eware nọ e rẹ lẹliẹ uviuwou wo evawere, Jihova nọ ọ to uviuwou họ na ma rẹ nyabru.—Emuhọ 2:18-24.

  • Ọghẹnẹ ọ be daezọ ra. O gwọlọ nọ uviuwou kpobi u fi ehrẹ Jihova nọ e rrọ Ebaibol na họ iruo. Fikieme? “Keme ọye ọ be sẹro ra.” (1 Pita 5:6, 7) Jihova ọ gwọlọ nọ eware i woma kẹ owhẹ, yọ ehrẹ riẹ e rrọ rọkẹ erere ra.—Itẹ 3:5, 6; Aizaya 48:17, 18.

 RORO KPAHE ONỌ NANA

Ẹvẹ whọ sae rọ jọ emamọ ọzae, aye, hayo ọyewọ?

Ebaibol na ọ kẹ uyo onọ yena evaọ obe AHWO ẸFẸSỌS 5:1, 2 gbe AHWO KỌLỌSI 3:18-21.