Kpohọ eme nọ e riẹ eva

Kpohọ eme nọ e kẹle obọ emuhọ

Isẹri Jihova

Isoko

Kọ Uye-Oruẹ U ti Kuhọ Ẹdẹjọ?

Kọ Uye-Oruẹ U ti Kuhọ Ẹdẹjọ?

Kọ whọ te ta nọ . . .

  • Ee?

  • ijo?

  • mẹ sae ta gbiae he?

 OWARE NỌ EBAIBOL NA Ọ TA

“Ọghẹnẹ o ve ti ririe irui kpobi no aro rai; uwhu o gbẹte jọ ofa ha, hayo kọ uweri hi, hayo oviẹ hẹ, hayo edada ọvuọvo ho.”—Eviavia 21:4, Ebaibol Ẹri Na.

IRERE NỌ I RE TE OWHẸ OTẸRỌNỌ OYENA U MU OWHẸ ẸRO

U ti fi obọ họ kẹ owhẹ riẹ nọ orọnikọ Ọghẹnẹ ọ be wha ebẹbẹ mai ze he.—Jemis 1:13.

Who ti wo omosasọ inọ Ọghẹnẹ ọ riẹ oghẹrẹ nọ o rẹ da te nọ ma tẹ be ruẹ uye.—Zekaraya 2:8.

U ti fi obọ họ kẹ owhẹ riẹ nọ uye-oruẹ kpobi u ti kuhọ kẹle.—Olezi 37:9-11.

 KỌ MA SAI GINE FI EVA HỌ OWARE NỌ EBAIBOL NA Ọ TA?

Ee, fiki eware ivẹ nana:

  • Ọghẹnẹ o mukpahe uye-oruẹ gbe okienyẹ. Dai roro kpahe oghẹrẹ nọ o jọ Jihova oma nọ a je kienyẹ idibo riẹ evaọ okenọ u kpemu. Ebaibol na ọ ta nọ o jẹ kẹ Jihova uye “fiki ahwo nọ a [je] kpokpo ai” na.—Ibruoziẹ 2:18.

    O rẹ kẹ Ọghẹnẹ uye gaga nọ ohwo o te bi kienyẹ amọfa. Wọhọ oriruo, Ebaibol ọ ta nọ “ahwo o kpe ọhaha” o rẹ dha Jihova eva.—Itẹ 6:16, 17.

  • Ọghẹnẹ o you omai omomọvo. Wọhọ epanọ mai omomọvo ma riẹ eware nọ e be kẹ omai uye na, ere Jihova ọ riẹ kpahe ai re.—2 Iruẹru-Ivie 6:29, 30.

    Jihova ọ te rọ ẹkwoma Uvie riẹ si uye-oruẹ kpobi no kẹle. (Matiu 6:9, 10) Bọwo oke yena, Jihova ọ rẹ sasa ahwo nọ a rẹroso ẹe oma.—Iruẹru Ikọ Na 17:27; 2 Ahwo Kọrint 1:3, 4.

 RORO KPAHE ONỌ NANA

Fikieme Ọghẹnẹ ọ rọ kuvẹ kẹ uye-oruẹ?

Ebaibol na ọ kẹ uyo onọ yena evaọ obe

AHWO ROM 5:12 gbe 2 PITA 3:9.