Kpohọ eme nọ e riẹ eva

Eme Họ Uvie Ọghẹnẹ?

Eme Họ Uvie Ọghẹnẹ?

Kọ whọ te ta nọ . . .

  • oware nọ o rrọ udu ohwo?

  • ẹme ọtadhesẹ?

  • egọmeti obọ odhiwu?

 OWARE NỌ EBAIBOL NA Ọ TA

“Ọghẹnẹ obọ odhiwu na ọ rẹte rehọ uvie nọ a rẹ raha ha muẹ.”Daniẹl 2:44, Ebaibol Ẹri Na.

“A yẹ ọmọzae kẹ omai, mai a rọ ọmọ na kẹ re isuẹsu e jọ obọ riẹ.’ —Aizaya 9:6.

IRERE NỌ I RE TE OWHẸ

  • Emamọ egọmeti nọ o ti su owhẹ evaọ edhere nọ u kiehọ.Aizaya 48:17, 18.

  • Evaọ akpọ ọkpokpọ nọ ọ be tha na, whọ te gbẹ mọ họ, yọ who ti wo evawere.Eviavia 21:3, 4.

 KỌ MA SAI GINE FIEVAHỌ OWARE NỌ EBAIBOL NA Ọ TA?

Ee, fiki eware ivẹ nana:

  • Jesu ọ fodẹ oware nọ Uvie Ọghẹnẹ u ti ru. Jesu o wuhrẹ ilele riẹ nọ a lẹ re Uvie Ọghẹnẹ o ze re a jọ otọakpọ na ru oreva Ọghẹnẹ. (Matiu 6:9, 10) Jesu o dhesẹ oghẹrẹ nọ Ọghẹnẹ o ti ro yo olẹ yena.

    Nọ Jesu ọ jọ otọakpọ, ọ ko ahwo nọ ohọo u je kpe, o siwi ahwo nọ e jẹ mọ, ọ tẹ jẹ kpare ahwo nọ i whu no. (Matiu 15:29-38; Jọn 11:38-44) Jesu nọ ọ te jọ Ovie Uvie Ọghẹnẹ na ọ rọ enana dhesẹ nọ Uvie na u ti ru eware nọ e rro vrẹ ere kẹ ahwo nọ o ti su.—Eviavia 11:15.

  • Eware nọ e be jọ akpọ na via i dhesẹ nọ Uvie Ọghẹnẹ o te ze kẹle. Jesu ọ ruẹaro nọ omoke kakao taure Uvie na o tẹ te wha udhedhẹ ziọ akpọ na, ahwo a ti fi ẹmo, ohọo u ti mu, yọ etọ i ti nuhu.—Matiu 24:3, 7.

    Eware nana e be via enẹna. Fikiere, u mu omai ẹro nọ Uvie Ọghẹnẹ u ti si ebẹbẹ nana kpobi n’otọ kẹle.

 RORO KPAHE ONỌ NANA

Ẹvẹ eware e te jọ nọ Uvie Ọghẹnẹ o tẹ ze no?

Ebaibol na ọ kẹ uyo onọ yena evaọ obe OLEZI 37:29 gbe AIZAYA 65:21-23.