Kpohọ eme nọ e riẹ eva

Kpohọ eme nọ e kẹle obọ emuhọ

Isẹri Jihova

Isoko

Ẹvẹ Who Rri Ebaibol Na?

Ẹvẹ Who Rri Ebaibol Na?

Kọ who rri rie wọhọ . . .

  • obe ahwo-akpọ gheghe?

  • obe iku-esia?

  • manikọ Ẹme Ọghẹnẹ?

 OWARE NỌ EBAIBOL NA Ọ TA

“Ọghẹnẹ o gie ẹwolo ku ikereakere na kpobi.”—2 Timoti 3:16, Ebaibol Ẹri Na.

IRERE NỌ I RE TE OWHẸ OTẸRỌNỌ WHỌ RỌWO NỌ EBAIBOL NA YỌ ẸME ỌGHẸNẸ

U ti fi obọ họ kẹ owhẹ ruẹ iyo kẹ enọ jọ nọ i wuzou gaga evaọ uzuazọ.—Itẹ 2:1-5.

Whọ te jọ eva riẹ ruẹ ehrẹ nọ e te kpọ owhẹ evaọ uzuazọ.—Olezi 119:105.

Who ti wo ẹruore kpahe obaro na.—Ahwo Rom 15:4.

 KỌ MA SAI GINE FI EVA HỌ OWARE NỌ EBAIBOL NA Ọ TA?

Ee, fiki eware esa nana:

  • Oma Ebaibol na kpobi o rọwokugbe. Ezae 40 i kere Ebaibol na, yọ o rehọ etoke nọ o vrẹ ikpe odu ọvo gbe egba ezeza (1,600). Ibuobu ahwo nọ a kere Ebaibol na a rria etoke ovona na ha, fikiere a ruẹ ohwohwo vievie he. Ghele na, oma Ebaibol na soso o rọwokugbe je wo uzoẹme ọvo nọ o dhẹ riẹ duwu.

  • Ikuigbe uzẹme. Nọ ikere-ebe ahwo-akpọ a te bi kere kpahe ikuigbe orẹwho rai, a rẹ ko eware iyoma nọ ahwo obọrai a ru dhere. Rekọ ahwo nọ a kere Ebaibol na a kere kpahe ethobọ obọrai gbe erọ orẹwho rai.—2 Iruẹru-Ivie 36:15, 16; Olezi 51:1-4.

  • Eruẹaruẹ nọ a re fi eva họ. Ebaibol na ọ ruẹaro kpahe ọraha nọ o ti te okpẹwho Babilọn. A ruẹaro nana fihotọ ikpe udhusoi akuava (200) taure o tẹ te via. (Aizaya 13:17-22) Orọnikọ eruẹaruẹ na e ta kpahe oghẹrẹ nọ a te rọ raha Babilọn ọvo ho, rekọ e tubẹ fodẹ odẹ ovie nọ ọ te raha iẹe.—Aizaya 45:1-3.

    Eruẹaruẹ efa buobu evaọ Ebaibol na e r’obọ kotọ rugba ẹrẹrẹ re. Ere o gwọlọ nọ obe nọ u no obọ Ọghẹnẹ ze o rẹ jọ.—2 Pita 1:21.

 RORO KPAHE ONỌ NANA

Ẹvẹ Ebaibol na ọ sai ro fi obọ họ kẹ owhẹ yeri emamọ uzuazọ?

Ebaibol na ọ kẹ uyo onọ yena evaọ obe AIZAYA 48:17, 18 gbe 2 TIMOTI 3:16, 17.