Kpohọ eme nọ e riẹ eva

Kpohọ eme nọ e kẹle obọ emuhọ

Isẹri Jihova

Isoko

Ẹvẹ Who Roro nọ Akpọ na Ọ te Jọ Evaọ Obaro?

Ẹvẹ Who Roro nọ Akpọ na Ọ te Jọ Evaọ Obaro?

Kọ akpọ na . . .

  • ọ te jọ enenẹ ọvo?

  • o ti yoma vi enẹ?

  • manikọ o ti woma vi enẹ ẹdẹjọ?

 OWARE NỌ EBAIBOL NA Ọ TA

“Ọghẹnẹ o ve ti ririe irui kpobi no aro rai; uwhu o gbẹte jọ ofa ha, hayo kọ uweri hi, hayo oviẹ hẹ, hayo edada ọvuọvo ho, keme eware anwae evrẹ no.”—Eviavia 21:4, Ebaibol Ẹri Na.

IRERE NỌ I RE TE OWHẸ OTẸRỌNỌ WHỌ RỌWO ẸME YENA

Who ti ru iruo nọ e rẹ kẹ owhẹ evawere.—Aizaya 65:21-23.

Ẹyao gbe uye-oruẹ e gbẹ te jọ ofa ha.—Aizaya 25:8; 33:24.

Te owhẹ te uviuwou ra gbe egbẹnyusu ra wha te were eva kugbe.—Olezi 37:11, 29.

 KỌ MA SAI GINE FI EVA HỌ OWARE NỌ EBAIBOL NA Ọ TA?

Ee, fiki eware ivẹ nana:

  • Ọghẹnẹ o wo ẹgba nọ o re ro ru eyaa yena gba. Evaọ Ebaibol na, Jihova ọvo a se Ọghẹnẹ “Erumeru,” keme ogaga riẹ u wo umuo ho. (Eviavia 15:3) Fikiere o wo ogaga nọ ọ sai ro nwene akpọ na zihe ruọ ọkpokpọ. Ebaibol na ọ ta nọ: “Eware kpobi e rẹ lọlọhọ eva obọ Ọghẹnẹ.”—Matiu 19:26.

  • O rrọ isiuru Ọghẹnẹ re o ru eyaa yena gba. O rrọ isiuru Jihova re ọ kpare ahwo nọ a whu no ziọ uzuazọ.—Job 14:14, 15.

    Ebaibol na ọ tẹ jẹ ta nọ Jesu o siwi ahwo nọ a jẹ mọ. Fikieme o ro ru ere? Keme u no rie eva ze. (Mak 1:40, 41) O jọ isiuru Jesu re o fi obọ họ kẹ ahwo, wọhọ epanọ o rrọ isiuru Ọsẹ riẹ na.—Jọn 14:9.

    Fikiere o rẹ sai mu omai ẹro nọ Jihova avọ Jesu a gwọlọ fi obọ họ kẹ omai wo evawere evaọ akpọ ọkpokpọ na.—Olezi 72:12-14; 145:16; 2 Pita 3:9.

 RORO KPAHE ONỌ NANA

Ẹvẹ Ọghẹnẹ o ti ro nwene akpọ na zihe ruọ ọkpokpọ?

Ebaibol na ọ kẹ uyo onọ yena evaọ obe MATIU 6:9, 10 gbe DANIẸL 2:44.