Kpohọ eme nọ e riẹ eva

Kpohọ eme nọ e kẹle obọ emuhọ

Isẹri Jihova

Isoko

Ono Ọ be Ginẹ Kpọ Iruẹru Akpọ Na?

Ono Ọ be Ginẹ Kpọ Iruẹru Akpọ Na?

Kọ who roro nọ . . .

  • Ọghẹnẹ?

  • ahwo-akpọ?

  • manikọ omọfa jọ?

 OWARE NỌ EBAIBOL NA Ọ TA

“Akpọ na ọsoso ọ rọ obọ ogaga oyoma na.”—1 Jọn 5:19.

“Ọmọ Ọghẹnẹ [ọ ze], re ọ ruẹse te raha iruo ukumuomu na.”—1 Jọn 3:8, Ebaibol Ẹri Na.

IRERE NỌ I RE TE OWHẸ OTẸRỌNỌ WHO VUHU ONANA MU

O rẹ lẹliẹ owhẹ riẹ oware nọ o soriẹ nọ ebẹbẹ i ro bu akpọ na tenẹ.—Eviavia 12:12.

U re fi obọ họ kẹ owhẹ riẹ nọ eware i ti woma vi enẹ ẹdẹjọ.—1 Jọn 2:17.

 KỌ MA SAI GINE FI EVA HỌ OWARE NỌ EBAIBOL NA Ọ TA?

Ee, fiki eware esa nana:

  • A te raha Ẹdhọ no. Jihova ọ te rọ esuo Setan te oba kẹle. Ọ ta nọ ọ te “raha . . . ukumuomu na,” koyehọ Setan Ẹdhọ na no riẹriẹriẹ, je si okpẹtu nọ ọ wha ze kpobi no otọ.—Ahwo Hibru 2:14.

  • Ọghẹnẹ ọ rehọ Jesu mu no re o su akpọ na. Jesu o wo ohẹriẹ gaga no Setan Ẹdhọ na, ọnọ o bi su akpọ na enẹna. Ọghẹnẹ ọ ya eyaa kpahe isuẹsu Jesu inọ: “Ọ [te] re ohrọ eyẹlẹ gbe iruori . . . O [ti] siwi uzuazọ rai no okienyẹ avọ ozighi.”—Olezi 72:13, 14.

  • Ọghẹnẹ ọ rẹ ta ọrue he. Ebaibol na ọ ta nọ: “Ọghẹnẹ ọ sae ta erue” he. (Ahwo Hibru 6:18) Jihova ọ tẹ ya eyaa nọ o ti ru oware jọ, o rẹ wọhọ ẹsenọ o tube ru ei no. (Aizaya 55:10, 11) “A ti le ọgba [hayo osu, New World Translation] akpọ na no.”—Jọn 12:31.

 RORO KPAHE ONỌ NANA

Oghẹrẹ vẹ akpọ na ọ te jọ evaọ okenọ a tẹ raha osu riẹ no?

Ebaibol na ọ kẹ uyo onọ yena evaọ obe OLEZI 37:10, 11 gbe EVIAVIA 21:3, 4.