Kpohọ eme nọ e riẹ eva

Kpohọ eme nọ e kẹle obọ emuhọ

Isẹri Jihova

Isoko

Kọ Ahwo nọ A Whu no A Sae Ginẹ Wariẹ Ziọ Uzuazọ?

Kọ Ahwo nọ A Whu no A Sae Ginẹ Wariẹ Ziọ Uzuazọ?

Kọ whọ te ta nọ . . .

  • Ee?

  • ijo?

  • mẹ sae ta gbiae he?

 OWARE NỌ EBAIBOL NA Ọ TA

‘Ẹkparomatha ọ rẹ te jarọ.’ —Iruẹru Ikọ Na 24:15, Ebaibol Ẹri Na.

IRERE NỌ I RE TE OWHẸ OTẸRỌNỌ WHỌ RỌWO ẸKPAROMATHA NA

U ti fi obọ họ kẹ owhẹ wo omosasọ nọ ohwo nọ who you o te whu.2 Ahwo Kọrint 1:3, 4.

Ozọ uwhu u ti gbe mu owhẹ hẹ.Ahwo Hibru 2:15.

Who ti wo ẹruore inọ whẹ avọ iyoyou ra nọ i whu no wha te wariẹ kuomagbe ẹdẹjọ.Jọn 5:28, 29.

 KỌ MA SAI GINE FI EVA HỌ OWARE NỌ EBAIBOL NA Ọ TA?

Ee, fiki eware esa nana:

  • Ọghẹnẹ họ ọnọ ọ kẹ omai uzuazọ. Ebaibol na ọ ta nọ Jihova họ ọnọ o “wo eyeri azọ.” (Olezi 36:9; Iruẹru Ikọ Na 17:24, 25) Jihova nọ ọ kẹ ahwo kpobi uzuazọ na o wo ẹgba nọ ọ sae rọ kpare ohwo nọ o whu no ziọ uzuazọ.

  • Ọghẹnẹ ọ kpare ahwo no uwhu ze evaọ oke nọ u kpemu. Ebaibol na ọ fodẹ imaree nọ a kpare ziọ uzuazọ evaọ oke nọ u kpemu, te emaha te ekpako, te ezae te eyae. Nọ ejọ i whu no, u lehie gahrọ re a tẹ te kpare ae ze he, rekọ ọvo jọ ọ rria uki te edẹ ene.—Jọn 11:39-44.

  • O rrọ isiuru Ọghẹnẹ re ọ wariẹ kpare enọ i whu no. Jihova o mukpahe uwhu; ọ tubẹ rehọ iẹe wọhọ ọwegrẹ. (1 Ahwo Kọrint 15:26) O rrọ isiuru Ọghẹnẹ re o si uwhu no otọ. O rrọ isiuru riẹ re ọ kpare ahwo nọ a rrọ ekareghẹhọ riẹ ziọ uzuazọ evaọ otọakpọ na.—Job 14:14, 15.

 RORO KPAHE ONỌ NANA

Fikieme ma be rọ who je whu?

Ebaibol na ọ kẹ uyo onọ yena evaọ obe EMUHỌ 3:17-19 gbe AHWO ROM 5:12.