Kpohọ eme nọ e riẹ eva

Kpohọ oria izoẹme

Ileta nọ Utu Ẹruorote Iruẹru Isẹri Jihova U Kere Ze

Ileta nọ Utu Ẹruorote Iruẹru Isẹri Jihova U Kere Ze

Ro se ahwo nọ a you Jihova Ọghẹnẹ gbe Ẹme riẹ, Ebaibol na:

Jesu ọ ta nọ: “Wha te riẹ uzẹme na, uzẹme na u ve ti si owhai no igbo.” (Jọn 8:32) Dai roro oghẹrẹ nọ o jọ owhẹ oma oke ọsosuọ nọ whọ riẹ uzẹme nọ o rrọ Ebaibol na! Eva e were omai gaga inọ dede nọ erue e da akpọ na fia, ma rẹ sai wuhrẹ uzẹme na.​—2 Timoti 3:1.

Jihova Ọghẹnẹ ọ gwọlọ nọ ma riẹ uzẹme na. Yọ fikinọ ma you amọfa, ma gwọlọ vuẹ ae uzẹme na re. Dede na, orọnikọ ma tẹ riẹ uzẹme na ọvo yọ u re no ho. Ma rẹ daoma kpobi re ma yeri uzuazọ uvi Ileleikristi, keme ma wo adhẹẹ kẹ izi Ọghẹnẹ gaga. Jesu ọ ta kpahe obọdẹ edhere jọ nọ ma sai ro dhesẹ nọ ma you Ọghẹnẹ. Ọ ta nọ: “Otẹrọnọ wha koko ijaje mẹ, wha te daji uyoyou mẹ, nwane wọhọ epanọ me bi koko ijaje Ọsẹ na nọ mẹ rọ daji uyoyou riẹ na.”​—Jọn 15:10.

Jesu o gine you Ọsẹ riẹ gaga, yọ o re ru oware kpobi nọ Ọsẹ riẹ ọ ta kẹe. Ma tẹ be rọ aro kele Jesu, Jihova o ti you omai yọ ma ti wo uvi evawere. Jesu ọ ta nọ: “Otẹrọnọ wha . . . riẹ eware nana, eva e rẹ were owhai otẹrọnọ wha te ru ai.”​—Jọn 13:17.

Ma bi rẹro nọ obe nana u ti fiobọhọ kẹ owhẹ yeri uzuazọ nọ o rọwokugbe eware nọ whọ jọ Ebaibol na wuhrẹ. U ti je fiobọhọ kẹ owhẹ jọ ogbẹnyusu Ọghẹnẹ. Ma be lẹ nọ uyoyou ra kẹ Ọghẹnẹ o ga vi epaọ anwẹdẹ, re whọ gbẹ hai “ru eware nọ Ọghẹnẹ o re ro you [owhẹ], nọ o te wha uzuazọ ebẹdẹ bẹdẹ ze.”​—Jud 21.

Utu Ẹruorote Iruẹru Isẹri Jihova