Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Uvie Ọghẹnẹ U Muhọ Esuo No!

Ẹkpẹlobọ: Ọgbaẹmo-aro nọ ọ be ta usiuwoma evaọ obọ Korea, ukpe, 1931; Obọze: Inievo nọ e be rọ ẹvẹrẹ obọ rọ t’ẹme ta usiuwoma evaọ Korea

 ABỌ AVỌ 2

Usiuwoma Ota Uvie Na​—Ewhowho Emamọ Usi na Evaọ Akpọ na Soso

Usiuwoma Ota Uvie Na​—Ewhowho Emamọ Usi na Evaọ Akpọ na Soso

 WHỌ gwọlọ kpohọ usiuwoma evaọ ohiohiẹ ẹdẹjọ nọ who kpohọ iruo ho. Rekọ o be ruọ owhẹ oma tere he keme oma o be dina rrọ owhẹ. Oma u bi ru owhẹ nọ who serihọ. Kẹsena whọ tẹ lẹ kpahe onana jẹ gbaemu nọ who re kpohọ usiuwoma na. A te dhe owhẹ kugbe oniọvo-ọmọtẹ jọ nọ ọ kpako no nọ o kruga ziezi, omodawọ riẹ evaọ egagọ Ọghẹnẹ gbe ẹwo riẹ i duobọte owhẹ udu. Nọ whọ be ta usiuwoma n’uwou ruọ uwou na, whọ tẹ kareghẹhọ nọ ibe Ileleikristi ra wariẹ akpọ na họ a bi ru iruo evona, be rọ oghẹrẹ ebe evona nọ e rrọ owhẹ obọ na wuhrẹ amọfa, yọ oghẹrẹ ovona a wuhrẹ owhai kpobi kẹ iruo na. Oma o jọ owhẹ sasasa nọ who te uwou no. Oma o tẹ be were owhẹ inọ Ọghẹnẹ o ru nọ who ro kpohọ usiuwoma.

Obọnana, usiuwoma ota na họ iruo nọ e mai wuzou nọ Uvie Ọghẹnẹ o be tẹrovi. Jesu ọ ta nọ a te ta usiuwoma na nya akpọ na soso duwu evaọ edẹ urere na. (Mat. 24:14) Ẹvẹ eruẹaruẹ nana i bi ro rugba? Evaọ abọ avọ 2 nana, ma te ta kpahe ahwo nọ a be ta usiuwoma na, idhere nọ a be rọ tae, gbe ekwakwa nọ a bi ro ru onana, onọ u bi fiobọhọ kẹ ima ahwo buobu evaọ akpọ na riẹ nọ Uvie Ọghẹnẹ o ginẹ rrọ.

ENỌ E RRỌ OFẸ NANA

UZOU AVỌ 6

Ahwo nọ A be Ta Usiuwoma Na​—Egbodibo E be Fialoma Via

Fikieme u ro mu Jesu ẹro nọ ahwo buobu a te rọ unevaze ta usiuwoma na evaọ edẹ urere na? Ẹvẹ whọ sai ro dhesẹ nọ whọ be rọ Uvie na karo?

UZOU AVỌ 7

Idhere nọ A be rọ Ta Usiuwoma Na​—A be rọ Oghẹrẹ Kpobi Te Ahwo Oma

Se kpahe idhere sa-sa nọ idibo Ọghẹnẹ a be rọ wha ovuẹ Uvie na te ahwo buobu oma re urere na o tẹ te ze.

UZOU AVỌ 8

Ekwakwa nọ Ma be rọ Ta Usiuwoma​—A Kere Ebe nọ A rẹ rọ Ta Usiuwoma Evaọ Akpọ na Soso

Ẹvẹ iruo efafa mai i ro dhesẹ nọ Ovie na ọ be tha omai uke? Eme who muẹrohọ kpahe ebe mai nọ u ru owhẹ wo imuẹro nọ a ginẹ rọ Ovie na mu no?

UZOU AVỌ 9

Iyẹrẹ Usiuwoma Ota—“Idhu na . . . E Who no kẹ Ivuẹvu”

Jesu o wuhrẹ ilele riẹ eware ivẹ jọ nọ i wuzou kpahe iruo ivuẹvu nọ e mae rro na. Ẹvẹ eware nọ o wuhrẹ i rai na i bi ro fiobọhọ kẹ omai nẹnẹ?