Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Uvie Ọghẹnẹ U Muhọ Esuo No!

Ẹkpẹlobọ: Ukpe nọ inievo nọ e rrọ Ebẹtẹle obọ Brooklyn a ru Kresimesi ba, 1926; obọze: Ahwo a re muẹrohọ nọ Isẹri Jihova a wo ohẹriẹ

 ABỌ AVỌ 3

Oware nọ O Gwọlọ re A Jọ Otọ Uvie Na​—Gwọlọ Ẹrẹreokie Ọghẹnẹ

Oware nọ O Gwọlọ re A Jọ Otọ Uvie Na​—Gwọlọ Ẹrẹreokie Ọghẹnẹ

 WHO muẹrohọ nọ ohwo jọ nọ wha gbẹ rrọ iyẹrẹ ọ be hai rri owhẹ avọ uviuwou ra nọ wha tẹ be nyavrẹ. Ẹdẹjọ, who te yere iei, ọyomariẹ o te yere owhẹ, kẹsena o te se owhẹ nọ whọ wẹriẹ. Ọ tẹ ta kẹ owhẹ nọ: “Ivie, mẹ gwọlọ nọ owhẹ onọ jọ. Mẹ ruẹ nọ whẹ avọ uviuwou ra wha wo ohẹriẹ no amọfa, eme ọ soriẹ ze?” Whọ tẹ ta nọ: “Mẹ nwani wo otoriẹ ẹme ra na ha.” Ọ tẹ ta nọ: “Mẹ riẹ nọ whai yọ Isẹri Jihova. Wha wọhọ amọfa ha. Wha wo ohẹriẹ no ahwo egagọ efa, wha re ru ehaa nọ egagọ edekọ a re ru hu, yọ wha re dhomahọ esuo-ohrowo gbe ẹmo-ofio ho. Wha re vovo isigareti hi. Yọ whẹ avọ ahwo uviuwou ra wha wo emamọ uruemu, wha tẹ jẹ rrọ kpatiẹ. Eme ọ wha riẹ ze nọ wha rọ nwani wo ohẹriẹ no amọfa ga tere?”

Whọ riẹ nọ oware nọ o soriẹ ze họ: Ma bi yoẹme kẹ esuo Ọghẹnẹ. Jesu nọ ọ rrọ Ovie ọrọ Uvie Ọghẹnẹ o bi ru omai fo n’oke t’oke. O bi fiobọhọ kẹ omai rọ aro kele iei, re ma wo ohẹriẹ no amọfa evaọ akpọ omuomu nana. Evaọ abọ nana, ma te ruẹ epanọ Uvie Mesaya na u bi ro ru idibo Ọghẹnẹ fo evaọ ofẹ iwuhrẹ, uruemu, gbe ẹruorote iruẹru ukoko na, yọ enana kpobi e be wha orro se Jihova.

ENỌ E RRỌ OFẸ NANA

UZOU AVỌ 10

Ovie na O bi Ru Idibo Ọghẹnẹ Fo Evaọ Abọ Iwuhrẹ

Bovẹ ehaa Kresimesi gbe uruwhere i no ze?

UZOU AVỌ 11

A Ru Idibo Ọghẹnẹ Fo Evaọ Uruemu​—Onọ U Dhesẹ Ẹfuọ Ọghẹnẹ Via

Ọgwa irọwa gbe inuẹthẹ nọ Izikiẹl ọ ruẹ evaọ eruẹaruẹ kpahe etẹmpol na i wo obọdẹ otofa kẹ idibo Ọghẹnẹ anwọ ukpe 1914 ze.

UZOU AVỌ 12

A Koko Omai Họ re Ma Gọ “Ọghẹnẹ Udhedhẹ Na”

Orọnikọ Ebaibol na ọ ta nọ o gbẹ rrọ ozighi hi kọ ẹkpatiẹ hẹ, rekọ o gbẹ rrọ ozighi hi kọ udhedhẹ. Fikieme? Ẹvẹ uyo na u ro kpomahọ Ileleikristi nẹnẹ?