Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Uvie Ọghẹnẹ U Muhọ Esuo No!

Ẹkpẹlobọ: Oniọvo-ọmọzae nọ a be gwọlọ mu fikinọ ọ jẹ ta usiuwoma evaọ obọ Eindhoven, Netherlands, 1945; Obọze: Kọ egọmeti e be kẹ owhai uvẹ ta usiuwoma na evaọ orẹwho nọ whọ rrọ?

 ABỌ AVỌ 4

Obokparọ Uvie Na​—A Ru Usi Uwoma na Dikihẹ Evaọ Abọ Egọmeti

Obokparọ Uvie Na​—A Ru Usi Uwoma na Dikihẹ Evaọ Abọ Egọmeti

 DAE rehọ iẹe nọ whọ rrọ usiuwoma, nọ who rri emu, whọ tẹ jọ ugbo ruẹ omoto iporisi nọ ọ be dhẹ ze. Nọ whọ be ta usiuwoma kẹ ohwo jọ na, oniọvo nọ wha gbẹ rrọ usu ọ tẹ tẹrovi iporisi na keme o wọhọ nọ whai a be nya bru ze. Nọ a te owhai oma no, ọjọ evaọ usu rai ọ tẹ nọ owhai nọ: “Kọ whai họ ahwo nọ a be hae ta usiuwoma n’uwou ruọ uwou na? Ma yo nọ wha bi kpokpo ahwo gaga.” Wha te dhesẹ oma rai avọ adhẹẹ inọ whai yọ Isẹri Jihova. Kọ eme who roro nọ a ti ru owhai?

Oghẹrẹ nọ a rehọ Isẹri Jihova evaọ orẹwho rai u ti dhesẹ oware nọ a ti ru owhai. Anwọ ikpe jọ ze na, oghẹrẹ ubiẹro vẹ egọmeti orẹwho rai o bi ro rri Isẹri Jihova? Kọ a be kẹ owhai uvẹ gọ Ọghẹnẹ? O tẹ rrọ ere, kiyọ anwọ ikpe buobu ze na, ibe Ileleikristi ra a daoma gaga no re a thọ “usi uwoma na je ru ei dikihẹ evaọ abọ egọmeti.” (Fil. 1:7) Makọ oria kpobi nọ whọ rrọ kẹhẹ, nọ who te roro kpahe edhọ ekọto nọ Isẹri Jihova a jọ rease no, o rẹ bọ ẹrọwọ ra ga. Evaọ abọ nana ma te ta kpahe edhọ ekọto nana jọ. Edhọ ekọto nọ ma rease rai no i dhesẹ vevẹ nọ a ginẹ rehọ Uvie na mu no keme ma hae sae rọ ẹgba obọmai rease edhọ yena vievie he.

ENỌ E RRỌ OFẸ NANA

UZOU AVỌ 13

Etausiuwoma Uvie na A Wọ Ẹdhọ Rai Kpohọ Ekọto

Ibruoziẹ buobu evaọ oke mai na a wọhọ Gamaliẹl oke anwae.

UZOU AVỌ 14

Abọ Egọmeti Ọghẹnẹ Ọvo Ma Dadamu

Setan ọ jẹ rọ ame ọwọsuọ ku Isẹri Jihova, wọhọ odẹme, fikinọ a rọwo dhomahọ iruẹru akpọ na ha, rekọ otọakpọ na o da ame “ethẹ” na no.

UZOU AVỌ 15

Edhọ Ekọto Rọkẹ Ufuoma Egagọ

Idibo Ọghẹnẹ a họre kẹ udu nọ a re ro yoẹme kẹ izi Uvie Ọghẹnẹ.