Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Gaviezọ kẹ Ọghẹnẹ re Whọ Rria Bẹdẹ Bẹdẹ

 ABỌ AVỌ 8

Eme Uwhu Jesu U Ru kẹ Owhẹ?

Eme Uwhu Jesu U Ru kẹ Owhẹ?

Jesu o whu re ma ruẹsi wo uzuazọ. Jọn 3:16

Ẹdẹ avesa nọ Jesu o whu no, eyae jọ a te kpohọ uki riẹ, a tẹ ruẹ nọ o rrọ ufofe. Jihova ọ kpare Jesu no uwhu no.

Kẹsena Jesu ọ tẹ rọ oma via kẹ ikọ riẹ.

Ẹhẹ, Jihova ọ kpare Jesu ze uzuazọ wọhọ omama ẹzi nọ o wo ogaga ulogbo, nọ o re gbe whu ofa ha. Ilele Jesu a rue riẹ nọ o je muvrẹ kpohọ odhiwu.

Ọghẹnẹ ọ kpare Jesu no uwhu ze, ọ tẹ rehọ iẹe mu Ovie ọrọ Uvie Ọghẹnẹ. Daniẹl 7:13, 14

 Jesu o si obọ no uzuazọ riẹ rọ hwosa ẹtanigbo ahwo-akpọ. (Matiu 20:28) Ẹkwoma ẹtanigbo na, Ọghẹnẹ o ru rie lọhọ kẹ omai nọ ma sae rọ rria bẹdẹ bẹdẹ.

Jihova ọ rọ Jesu mu Ovie nọ o ti su otọakpọ na. A te kpare ahwo 144,000 nọ i wo ẹrọwọ kpobọ odhiwu nọ a ti lele iei su. Jesu avọ ahwo 144,000 na a ru egọmeti obọ odhiwu via—Uvie Ọghẹnẹ.—Eviavia 14:1-3.

Uvie Ọghẹnẹ u ti zihe otọakpọ na ruọ aparadase. Ẹmo, ethube, uvuhu, gbe ohọo e te gbẹ jọ ofa ha. Ahwo a ti gine wo evawere.—Olezi 145:16.