Kpohọ eme nọ e riẹ eva

Kpohọ oria izoẹme

 ABỌ AVỌ 7

Ono Họ Jesu?

Ono Họ Jesu?

Jihova o vi Jesu ziọ otọakpọ. 1 Jọn 4:9

Ma tẹ gwọlọ ru Jihova eva were, o gwọlọ nọ ma rẹ gaviezọ kẹ omọfa jọ nọ o wuzou gaga. Taure Jihova ọ tẹ te ma Adamu, ọ ma omama ẹzi ologbo jọ evaọ obọ odhiwu.

Nọ oke jọ u te, Jihova o te vi omama ẹzi nana ziọ otọakpọ re ọmọtẹ jọ nọ ọ riẹ ọzae he nọ a re se Meri o yẹe evaọ Bẹtlẹhẹm. A te se odẹ ọmọ na Jesu.—Jọn 6:38.

Nọ ọ jọ otọakpọ, Jesu ọ rehọ uruemu riẹ dhesẹ ekwakwa-aghae Ọghẹnẹ via gbagba. Ọ jọ wowou, avọ uyoyou, o je se ahwo gboma. O wuhrẹ ahwo uzẹme na kpahe Jihova ababọ ozọ.

Jesu o ru ewoma rekọ ahwo a mukpahe iẹe. 1 Pita 2:21-24

 Jesu o siwi enọ e jẹ mọ, ọ tẹ jẹ kpare ahwo jọ nọ i whu ziọ uzuazọ.

Isu egagọ na a mukpahe Jesu fikinọ ọ jẹ fere iwuhrẹ erue rai gbe idhere imuomu rai via.

Isu egagọ na a ru nọ ahwo Rom a rọ lahiẹ Jesu je kpei.