Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Gaviezọ kẹ Ọghẹnẹ re Whọ Rria Bẹdẹ Bẹdẹ

 ABỌ 1

Ẹvẹ Ma rẹ rọ Gaviezọ kẹ Ọghẹnẹ?

Ẹvẹ Ma rẹ rọ Gaviezọ kẹ Ọghẹnẹ?

Ẹkwoma Ebaibol na Ọghẹnẹ ọ be rọ ta ẹme kẹ omai. 2 Timoti 3:16

Ọghẹnẹ uzẹme na ọ ta oware nọ o rrọ iroro riẹ kẹ ahwo jẹ ta inọ a kere iei fihọ obe ẹri. Obe yena họ Ebaibol na. Eware nọ i wuzou gaga nọ Ọghẹnẹ ọ gwọlọ nọ whọ riẹ e rrọ eva riẹ.

Ọghẹnẹ ọ riẹ oware nọ o mai woma kẹ omai, Ọye o wo areghẹ kpobi. Whọ tẹ be gaviezọ kẹe, who ti gine wo areghẹ.—Itẹ 1:5.

Ọghẹnẹ ọ gwọlọ nọ ohwo kpobi evaọ otọakpọ na o se Ebaibol na. A fa Ebaibol na fihọ evẹrẹ buobu no.

Whọ tẹ gwọlọ gaviezọ kẹ Ọghẹnẹ, o gwọlọ nọ who re se Ebaibol na je wo otoriẹ riẹ.

Ahwo a be gaviezọ evaọ oria kpobi. Matiu 28:19

 Isẹri Jihova a rẹ sai fi obọ họ kẹ owhẹ wo otoriẹ Ebaibol na.

Wariẹ akpọ na soso họ, a bi wuhrẹ ahwo uzẹme na kpahe Ọghẹnẹ.

A re mi owhẹ ugho kẹ uwuhrẹ nana ha. Whọ rẹ sai je wuhrẹ kpahe Ọghẹnẹ evaọ Ọgwa Uvie Isẹri Jihova nọ ọ rrọ ẹwho ra.