Kpohọ eme nọ e riẹ eva

Kpohọ oria izoẹme

 Uwuhrẹ 1

Eme Họ Emamọ Usi Na?

Eme Họ Emamọ Usi Na?

1. Eme họ emamọ usi nọ u nọ obọ Ọghẹnẹ ze?

Ọghẹnẹ ọ gwọlọ nọ ahwo a reawere uzuazọ evaọ otọakpọ. Uyoyou nọ o wo kẹ ahwo-akpọ o wọ riẹ ma akpọ na gbe eware kpobi nọ e rrọ eva riẹ. Kẹle na, o ti ru nọ ahwo erẹwho kpobi a te rọ reawere uzuazọ. O ti si eware nọ e be wha uye se ahwo-akpọ kpobi no.​—Se Jerimaya 29:11.

Uvumọ egọmeti ọ re sai si ozighi, ẹyao, hayo uwhu n’otọ họ. Rekọ emamọ usi jọ o riẹ. Kẹle na, Ọghẹnẹ ọ te rehọ egọmeti riẹ nwene egọmeti akpọ na. Ahwo nọ a te jọ otọ esuo Ọghẹnẹ a ti wo udhedhẹ gbe omakpokpọ.​—Se Aizaya 25:8; 33:24; Daniẹl 2:44.

2. Fikieme o rọ gwọlọ nọ a yo emamọ usi na vẹrẹ?

Okenọ Ọghẹnẹ o te si ahwo oyoma no akpọ no ẹsiẹe uye-oruẹ u ti ro kuhọ. (Zefanaya 2:3) Oke vẹ Ọghẹnẹ o ti ro ru onana? Ebaibol ọ ruẹaro eware iyoma nọ e be via nẹnẹ na no vẹre. Eware nọ e be via enẹna i dhesẹ nọ oke nọ Ọghẹnẹ ọ te rọ j’owọ o kẹle no.​—Se 2 Timoti 3:1-5.

3. Eme u fo nọ ma re ru?

U fo nọ ma rẹ jọ Ebaibol na wuhrẹ kpahe Ọghẹnẹ. Ebaibol na ọ wọhọ ileta nọ i no obọ ọsẹ oyoyou ze. O vuẹ omai epanọ ma re ro yeri emamọ uzuazọ enẹna gbe epanọ ma te rọ reawere uzuazọ ebẹdẹ bẹdẹ evaọ obaro. Uzẹme, o te were ahwo jọ họ nọ a tẹ ruẹ nọ who bi wuhrẹ Ebaibol na. Ma rẹ kuvẹ hẹ re ohwo jọ ọ whaha omai ewuhrẹ kpahe emamọ uzuazọ nọ ma ti wo evaọ obaro.​—Se Itẹ 29:25; Eviavia 14:6, 7.