Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Eme Ebaibol na O Gine Wuhrẹ?

 EME-OFIBA

Jesu Kristi—Mesaya nọ A Ya Eyaa Riẹ Na

Jesu Kristi—Mesaya nọ A Ya Eyaa Riẹ Na

RE Ọ ruẹsi fi obọ họ kẹ omai vuhu Mesaya na, Jihova Ọghẹnẹ ọ rehọ ẹgba ẹzi riẹ wọ eruẹaro Ebaibol na buobu kere eware sa-sa kpahe eyẹ, odibọgba, gbe uwhu Osiwi ọnana nọ a ya eyaa riẹ na. Eruẹaruẹ Ebaibol nana kpobi i rugba evaọ oma  Jesu Kristi. I rugba tọkọ toni. Wọhọ oriruo, joma ta ẹme kpahe eruẹaruẹ jọ nọ i kie kpahe eyẹ Mesaya na gbe uzuazọ oke emaha riẹ.

Aizaya ọruẹaro na ọ ta inọ Mesaya na ọ te jọ ọmọ uyẹ Devidi Ovie na. (Aizaya 9:7) Uyẹ Devidi a gine jo yẹ Jesu.—Matiu 1:1, 6-17.

Ọruẹaro Ọghẹnẹ ọfa nọ a re se Maeka ọ ta nọ a ti yẹ ọmọ nana evaọ “Bẹtelehẹm Efrata,” yọ o ti zihe ruọ osu. (Maeka 5:2) Eva okenọ a ro yẹ Jesu, ewho ivẹ e jọ Izrẹl nọ a re se Bẹtlẹhẹm. Ọjọ ọ kẹle Nazarẹt evaọ ofẹ ẹkpẹlobọ ovatha-ọre orẹwho na, ọnọ o kiọkọ ọ tẹ kẹle Jerusalẹm evaọ Juda. A jẹ hai se Bẹtlẹhẹm nọ ọ kẹle Jerusalẹm na Efrata. Evaọ ẹwho yena a jọ yẹ Jesu, nwane wọhọ epanọ eruẹaruẹ na e ta na!—Matiu 2:1.

Eruẹaruẹ efa e ta nọ a re ti se Ọmọ Ọghẹnẹ no “eva otọ Ijipti” ze. Okenọ Jesu ọ jọ ọmaha, a rehọ e riẹ kpohọ Ijipti. A tẹ rehọ iẹe zihe ze okenọ Herọd o whu no, onọ u ru eruẹaruẹ yena gba.—Hosia 11:1; Matiu 2:15.

Evaọ ẹkpẹti nọ ọ rrọ  ẹwẹ-obe avọ 200 na, ikereakere nọ e rrọ otọ ẹme na “Eruẹaruẹ” e ta ẹme kpahe Mesaya na. Iviena rehọ enana wawo ikereakere nọ e rrọ otọ ẹme na “Orugba Riẹ.” Ere oruo o te bọ ẹrọwọ ra kpahe ẹgbagba Ẹme Ọghẹnẹ ga ziezi.

Nọ whọ be kiẹ ikereakere nana riwi na, kareghẹhọ inọ ikere nọ i wobọ kpahe eruẹaruẹ na, a ruẹaro rai ikpe buobu no taure a te ti yẹ Jesu. Jesu ọ ta nọ: “Eware kpobi erẹte gba hrọ enọ a kere họ eva uzi Mosis gbe eruaro na gbe ilezi kpahe omẹ.” (Luk 24:44) Wọhọ epanọ whọ rẹ sae ruẹ evaọ Ebaibol ra na, eware nọ a ruẹaro rai na kpobi i gine rugba re—tọkọ toni!