Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Obe Ikuigbe Ebaibol Mẹ

Obe Ikuigbe Ebaibol Mẹ

Obe Ikuigbe Ebaibol Mẹ
Jesu nọ ọ be ta ẹme kugbe emọ na

ONANA obe iku uzẹme. A rehọ e rai no obe nọ o mae rro eva akpọ na ze, Ebaibol na. Iku enana e k’owhẹ ikuigbe akpọ na ri no oke nọ Ọghẹnẹ o ro muhọ ẹma te oke mai onana. Tobọ e ta eware nọ Ọghẹnẹ ọ ya nọ o re ti ruẹ evaọ obaro.

Obe onana o kẹ owhẹ iroro oware nọ Ebaibol na kpobi u dikihẹ kẹ. U gbiku kpahe ahwo Ebaibol na gbe eware nọ a ru. O tẹ jẹ ta kpahe ẹruore ologbo ọ uzuazọ ebẹdẹ bẹdẹ evaọ aparadase otọakpọ nọ Ọghẹnẹ ọ rọ kẹ ahwo.

Iku 116 e rọ obe na. A koko i rai fihọ abọ eree. Abọ ẹwẹobe eva emuhọ abọ ọvuọvo ọ ta ẹme kpẹkpẹe kpahe oware nọ o rọ abọ ọyena. A gbe iku na othotha epanọ eware na e rọ via eva eyero ahwo. Onana u re fiobọhọ k’owhẹ wuhrẹ, epanọ eware nọ e via eva ikuigbe eyere e kẹle ohwo ohwo te.

Ẹvẹrẹ ọlọlọhọ a ro gbe iku na. Ibuobu rai emaha esese na wha sae se ai k’oma rai. Whai esẹ gbe ini wha te ruẹ nọ o rẹ te were emọ esese rai gaga re a he se iku enana kae kẹse kẹse. Wha te ruẹ nọ obe onana o vọ avọ eware nọ e rẹ were te emaha te ekpako.

A dhesẹ eria Ebaibol eva obọ urere iku evuevo. A ta udu h’owhẹ awọ nọ who se eria Ebaibol enana nọ a rehọ iku na no ze.

Eme nọ a si no Ebaibol ze eva obe onana a wariẹ rai ta. A fi rai họ ẹvẹrẹ ọlọlọhọ re emaha esese e sai wo otoriẹ rai. Idhesẹ nọ a fihọ obọ urere iku na i dhesẹ oria Ebaibol nọ iku na i no ze.