Kpohọ eme nọ e riẹ eva

Kpohọ oria izoẹme

Ikuigbe avọ 5: Uzuazọ Ẹgaga u Te Muhọ

Ikuigbe avọ 5: Uzuazọ Ẹgaga u Te Muhọ

EVA obọ otafe ogege Idẹn, Adamu avọ Ivi a wo ikpokpoma buobu. A re ru iruo egaga re a te wo emu. Ukpenọ a wo ire ibi iwowoma, kọ enwẹnwẹ gbe idhigbo eye idi wariae họ. Ona họ oware nọ o via oke nọ Adamu avọ Ivi a ghọẹmeeyo kẹ Ọghẹnẹ, a tẹ se egbẹnyusu Riẹ ba ẹjọ.

Adamu avọ ọmọ riẹ nọ a bi ru iruo gaga

Rekọ mai yoma na, Adamu avọ Ivi a te muhọ ewhuo. Kareghẹhọ nọ Ọghẹnẹ ọ vẹvẹ e rai unu nọ ae a re whuẹ otẹrọnọ ae a re ubiure jọ. Whaọ, ẹdẹdẹ nọ a re a te muhọ ewhuo. Ẹvẹ ae a ghẹ te nọ a gbẹ gaviezọ kẹ Ọghẹnẹ hẹ!

A yẹ emọ Adamu avọ Ivi kpobi eva oke nọ Ọghẹnẹ o le ọsẹ gbe oni rai no ogege Idẹn no. Onana u dhesẹ nọ emọ rai re e rẹ whoa a ve je whu.

Ohẹ jọ nọ Adamu avọ Ivi a yoẹme kẹ Jihova, uzuazọ o hẹ vọ avọ oghọghọ kae gbe emọ rai. Ai kpobi a hẹ ria bẹdẹ bẹdẹ avọ oghọghọ eva otọakpọ. Ohwo ọvuọvo ọ hẹ who, mọ ẹyao, hayo whu hu.

Ọghẹnẹ ọ gwọlọ nọ ahwo a ria bẹdẹ bẹdẹ eva oghọghọ, yọ Ọ ya nọ ẹdẹ jọ a ti ru ere. Otọakpọ na kpobi o te jọ wowoma ọvo ho, rekọ ahwo a ti wo oma okpokpọ re. Yọ kohwo kohwo eva otọakpọ ọ rẹ te jọ omamọ ogbẹnyusu kugbe ohwo kpobi je kugbe Ọghẹnẹ.

Ivi gbe emọ riẹ

Rekọ Ivi ọ gbẹ jọ ogbẹnyusu Ọghẹnẹ hẹ. Fikiere nọ o je yẹ emọ riẹ, o gbẹ jọ lọlọhọ kẹe he. O wo edada. Ẹme ọ seba eyo kẹ Jihova ọ wha uweli ulogbo lele oma, u mu owhẹ ẹro?

Adamu avọ Ivi a wo emezae gbe emetẹ buobu. Nọ a yiẹ ọmọzae ọsosuọ rai, a te se odẹ riẹ Keni. A se odẹ ọmọzae avivẹ rai Ebẹle. Eme ọ via kae? Whọ riẹ?

Emuhọ 3:16-23; 4:1, 2; Eviavia 21:3, 4.



Enọ

  • Ẹvẹ uzuazọ o jọ kẹ Adamu avọ Ivi evaọ otafe ogba Idẹn na?
  • Eme o muhọ ẹvia kẹ Adamu avọ Ivi, kọ fikieme?
  • Fikieme emọ Adamu avọ Ivi a jẹ te rro kpako je whu?
  • O hae jọnọ Adamu avọ Ivi a yo ẹme kẹ Jihova, ẹvẹ uzuazọ o jae jọ kẹ ae gbe emọ rai?
  • Ẹvẹ aghẹmeeyo Ivi o rọ wha edada sei?
  • Didi odẹ emezae ivẹ ọsosuọ erọ Adamu avọ Ivi?
  • Emọ edekọ nọ e rrọ uwoho na yọ amono?

Enọ efa

  • Se Emuhọ 3:16-23 gbe 4:1, 2.

    Ẹvẹ eka nọ a la otọ na u ro kpomahọ uzuazọ Adamu? (Emu. 3:17-19; Rom 8:20, 22)

    Fikieme odẹ na Ivi, onọ otofa riẹ o rrọ “Ọnọ Ọ Rrọ Uzuazọ,” u ro fo? (Emu. 3:20)

    Ẹvẹ Jihova o ro dhesẹ ororokẹ rọkẹ Adamu avọ Ivi makọ okenọ a raha uzi no? (Emu. 3:7, 21)

  • Se Eviavia 21:3, 4.

    “Eware anwae” vẹ who bi rẹro nnọ a ti si no?