Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Obe Ikuigbe Ebaibol Mẹ

Ikuigbe avọ 115: Aparadase Ọkpokpọ Evaọ Otọakpọ

Ikuigbe avọ 115: Aparadase Ọkpokpọ Evaọ Otọakpọ

RRI ire ithethe eyena, idodo iwoma gbe igbehru ikpehru. Etenẹ o gbe wo erru? Rri epanọ umuyo o be jọ ẹrobọ ọmọzae ọsese na riemu. Who rri ikpohrokpo avọ enyenya nọ idikihẹ alare evaọ etẹe. Kọ ogbẹ were owhẹ re whọ ria uwou nọ orọ oria utiona?

Ọghẹnẹ ọ gwọlọ nọ whọ ria bẹdẹ bẹdẹ evaọ aparadase otọakpọ. Yọ ọ gwọlọ nọ eyao gbe edada nọ erọ ahwo ẹlahiẹ nẹnẹ na who wo ọvuọvo ho. Enana họ eya Ebaibol kẹ enọ erẹ te ria evaọ aparadase ọkpokpọ na: ‘Ọghẹnẹ ọ rẹ te jọ kugbae. Uwhu orẹ gbẹ te jọ ofa ha hayo oviẹ hayo edada. Eware anwae evrẹ no.’

Jesu ọ rẹ te ruẹ nnọ enwene ogbunu ọnana ọvia. Kọ whọ riẹ oke na? Ẹhẹ, okenọ osi emuemu kpobi no otọakpọ na jegbe ahwo omuomu. Kareghẹhọ, okenọ Jesu ọ jọ akpọ o siwi koghẹrẹ koghẹrẹ eyao kpobi no ahwo oma, ọ tẹ jẹ kpare ahwo no iwhuowhu ze. Jesu o ru onana ro dhesẹ epanọ o re ti ruẹ evaọ otọakpọ na soso okenọ o ti zihe ruọ Ovie uvie Ọghẹnẹ no.

Tubọ dai faki roro epanọ u re ti gbunu te evaọ aparadase otọakpọ! Jesu, avọ ejọ evaọ enọ ọ salọ na a re ti suẹ evaọ obọ odhiwu. Isu enana erẹ te sẹro kohwo kohwo nọ ọrọ otọakpọ na a vẹ jẹ ruẹ nnọ oma owere rae. J’oma ruẹ oware nọ ufo mai eruo re ma rue’i muẹro nnọ Ọghẹnẹ ọ rẹ te kẹ omai uzuazọ ebẹdẹ bẹdẹ evaọ aparadase ọkpokpọ riẹ.

Eviavia 21:3, 4; 5:9, 10; 14:1-3.

Epanọ aparadase ọ te jọ


Enọ

  • Didi iyero Ebaibol na i dhesẹ nọ ma te reawere rai evaọ Aparadase otọakpọ na?
  • Eme họ eyaa Ebaibol na kẹ ahwo nọ a te rria Aparadase?
  • Okevẹ Jesu ọ te rọ ruẹ nnọ enwene ogbunu nana ọ roma via?
  • Okenọ Jesu ọ jọ otọakpọ, eme o ru ro dhesẹ oware nọ o ti ru wọhọ Ovie ọrọ Uvie Ọghẹnẹ?
  • Eme Jesu avọ ibe-isu obọ odhiwu riẹ a te ruẹ nọ o via okenọ a ti su no odhiwu ziọ otọakpọ?

Enọ efa

  • Se Eviavia 5:9, 10.

    Ẹvẹ ma sai ro wo udu inọ enọ i bi ti su otọakpọ na evaọ etoke Esuo Odu-Ikpe na a te jọ ivie gbe izerẹ nọ i wo ohrọ gbe arodawẹ? (Ẹf. 4:20-24; 1 Pita 1:7; 3:8; 5:6-10)

  • Se Eviavia 14:1-3.

    Eme odẹ Ọsẹ na gbe orọ Omogodẹ na nọ a kere fihọ aruezo 144,000 na u dhesẹ? (1 Kọr. 3:23; 2 Tim. 2:19; Evia. 3:12)