Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Obe Ikuigbe Ebaibol Mẹ

Ikuigbe avọ 85: Ayẹ Jesu Evaọ Uwou-erao

Ikuigbe avọ 85: Ayẹ Jesu Evaọ Uwou-erao

WHỌ riẹ ohwo nọ ọmọ ọfofa ọnana ọ rọ? Ẹhẹ, ọye họ Jesu. Ivobọ na a yẹ riẹ evaọ uwou-erao. Uwou-erao yọ oria nọ a re fi erao họ. Meri ọ rehọ Jesu kiẹzẹ evaọ etehe erao, oye họ oria nọ u re kru emuore eketekete gbe erao efa nọ e rẹ ria. Rekọ fikieme Meri avọ Josẹf a jẹ rọ etenẹ kugbe erao? Onana yọ o ria nọ a je yẹ ọmọ họ, orọ ere?

Ijo, orọ ere he. Rekọ onọ osoriẹ nọ a jẹ rọ etenẹ ona: Osu Rom, Siza Ọgọstọs, o je uzi nọ kohwo kohwo o re zihe hrọ kpobọ okpẹwho o ria nọ a je yẹe re okere odẹ riẹ họ obe. Whaọ evaọ Bẹtelẹhẹm ọnana a je yẹ Josẹf. Rekọ oke nọ ọ ye avọ Meri a nyaze, ubruwou ovuovo u gbe kiọkọ kae he. Fikiere a jẹ nyaze etenẹ kuomagbe erao. Yọ evaọ ẹdẹ ọnana Meri o ro yẹ Jesu! Rekọ, wọhọ epanọ whọ rẹ ruẹ, orọ kẹe ziezi.

Josẹf, Meri, gbe Jesu ọmọfofa na

Whọ sae ruẹ ithuru igodẹ na nọ e be nyaze re a ruẹ Jesu? A jọ evaọ obọ ẹwọ oke aso jẹ sẹro igodẹ rai, elo ọnwranwra o te lo wariae họ. Kpakiyọ ẹnjẹle! Ozọ u te mu ithuru igodẹ na gaga. Rekọ ẹnjẹle na ọ tẹ ta nọ: ‘Ozọ umu owhai hi! Me wo emamọ usi rọ kẹ owhai. Nẹnẹ na, a yẹ Kristi Olori na evaọ Bẹtelẹhẹm. O re ti siwi ahwo! Wha rẹ te rue riẹ a rehọ ehọ wowie, okiẹzẹ evaọ etehe emuore erao.’ Idudhe na enjẹle buobu e tẹ lahwe a te mu Ọghẹnẹ họ ejiro. Koyehọ ithuru igodẹ enana e tẹ nwane nya vẹrẹ vẹrẹ e gwọlọ Jesu, enẹna a gwọlọ kuei no.

Whọ riẹ o nọ osoriẹ nọ Jesu ọ jẹ rọ oghẹrẹsa te ere? Whọ riẹ ohwo nọ ọghinẹ rọ? Kareghẹhọ, evaọ ikuigbe ọsosuọ erọ obe onana ma gbe kpahe Ọmọ ọsosuọ Ọghẹnẹ. Ọmọ nana o lele Jihova ru iruo evaọ ẹma idhiwu gbe akpọ na jegbe koware koware ofa kpobi. Whaọ Jesu họ ọ nọ ọ rọ ohwo ọnana!

Ẹhẹ, Jihova ọ rehọ uzuazọ Ọmọ riẹ no obọ odhiwu o te fiei họ eva Meri. Atẹme na, ọmọ o te muhọ ẹrro evaọ eva riẹ nwanọ epanọ emọ efa e rẹ jọ eva ini rai rro na. Rekọ ọmọ boba ọnana ọ jọ Ọmọzae Ọghẹnẹ. Ukuhọ riẹ a te yẹ Jesu evaọ uwou-erao etenẹ evaọ Bẹtelẹhẹm. Kọ enẹna whọ sae riẹ o nọ osoriẹ nọ eva erọ were enjẹle na ga te ere nọ a sae rọ ta kẹ ahwo nnọ a yẹ Jesu no?

Luk 2:1-20.



Enọ

  • Ono họ ọmọfofa nọ ọ rrọ uwoho na, kọ diẹse Meri ọ be wọe fihọ na?
  • Fikieme a ro yẹ Jesu evaọ uwou-erao?
  • Evaọ uwoho na, amono họ ezae nọ e be ruọ uwou-erao na, kọ eme ẹnjẹle jọ ọ ta kẹ ae no?
  • Fikieme Jesu ọ rọ rrọ obọdẹ ọmọ?
  • Fikieme a jẹ sai se Jesu Ọmọ Ọghẹnẹ?

Enọ efa

  • Se Luk 2:1-20.

    Didi abọ Siza Ọgọstọs o wo evaọ orugba eruẹaruẹ nọ i kie kpahe eyẹ Jesu? (Luk 2:1-4; Mae. 5:2)

    Ẹvẹ ohwo ọ sae rọ jọ usu enọ a re se “ahwo nọ a were” Ọghẹnẹ? (Luk 2:14; Mat. 16:24; Jọn 17:3; Iruẹru 3:19; Hib. 11:6)

    Otẹrọnọ ithuru-igodẹ omarokpotọ ahwo Juda yena a wo ẹjiroro nọ a rẹ rọ ghọghọ fiki eyẹ Osiwi, ẹjiroro vẹ ọ rro viere nọ idibo Ọghẹnẹ a rẹ rọ ghọghọ nẹnẹ? (Luk 2:10, 11; Ẹf. 3:8, 9; Evia. 11:15; 14:6)