Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Obe Ikuigbe Ebaibol Mẹ

Ikuigbe avọ 80: Ahwo Ọghẹnẹ Anyano Babilọn

Ikuigbe avọ 80: Ahwo Ọghẹnẹ Anyano Babilọn

OMOJỌ uno ikpe ivẹ evrẹno anwẹnọ ahwo Midia gbe Pasia a rọ rehọ Babilọn. Who rri oware nọ o be via enẹna! Ẹhẹ, Ahwo-Izrẹl a be nyano Babilọn. Ẹvẹ a rehọ wo ufuoma? Ono o si obọ nai kpo?

Sairọs, ovie Pasia, o ru rie. Oke krẹkri re a te yẹ Sairọs, Jihova ọ rehọ Aizaya ọruẹaro riẹ kere kpahiẹe: ‘Onọ mẹ gwọlọ ru ọvo who re ti ruẹ. Inu i re ti rovie fihọ kẹ owhẹ enya e rehọ okpẹwho na.’ Yọ Sairọs ọ ghinẹ karo evaọ Babilọn ọrehọ. Ahwo Midia gbe Pasia evaọ aso a rehọ nya inu nọ irovie fihọ ruọ evaọ okpẹwho na.

Rekọ Aizaya ọruẹaro Jihova ọ ta re nọ Sairọs ọ rẹ te kẹ uzi nọ awariẹ Jerusalem gbe tẹmple riẹ bọ. Kọ Sairọs ọ kẹ uzi onana? E, oru ere. Onana họ oware nọ Sairọs ọ ta kẹ Ahwo-Izrẹl: ‘Wha nya, enẹna, kpobọ Jerusalem re wha bọ tẹmple Jihova, Ọghẹnẹ rai.’ Onana ọvo họ oware nọ Ahwo-Izrẹl enana a rọ onya riẹ na.

Ahwo-Izrẹl nọ a bi no Babilọn

Rekọ Ahwo-Izrẹl kpobi nọ e rọ evaọ Babilọn a rẹ sae nya onya uthethei zihe kpo Jerusalem hu. Onya na utheri gaga te oware wọhọ emaele 500 (ikilomita 800) ibuobu ekpako hrọ hayo ẹmọ hrọ vi epanọ arọ nya ugbo utioye. Yọ eware efa jọ erọ nọ e whaha ahwo jọ ekpo. Rekọ Sairọs ọ tẹ ta kẹ otunọ okpo ho: ‘Wha rehọ idọlọ efuafo gbe idọlọ oro gbe ekẹ efa kẹ ahwo nọ a bi zihe nyae bọ Jerusalem gbe tẹmple riẹ.’

Fikiere, kọ ekẹ buobu a rọ kẹ Ahwo-Izrẹl enana enọ e be nya kpobọ Jerusalem. Ofariẹ, Sairọs ọ kẹ rae ido ero gbe igho nọ Nebukadneza ọ rehọ no tẹmple Jihova okenọ ọ raha Jerusalem. Ahwo na a wo eware buobu nọ a rẹ wha lele oma zihe kpo.

Nọ a nya wọhọ emera ene vrẹno, Ahwo-Izrẹl a tẹ rehọ ẹruoke te Jerusalem. Nwanọ ikpe 70 kọkọ no oke nọ a rọ raha okpẹwho na ze, a tẹ nya se otọ na ba ufofe tẹtẹtẹ kakọ ohwo. Rekọ dede nọ Ahwo-Izrẹl akpozi ẹwho obọ rai no enẹna, a re ti wo oke ogaga jọ ghele, wọhọ epanọ ma te wariẹ wuhrẹ.

Aizaya 44:28; 45:1-4; Ẹzra 1:1-11.



Enọ

  • Wọhọ epanọ uwoho na u dhesẹ na, eme emọ Izrẹl a bi ru na?
  • Ẹvẹ Sairọs o ro ru eruẹaruẹ Jihova nọ ọ ta ẹkwoma Aizaya gba?
  • Eme Sairọs ọ ta kẹ emọ Izrẹl nọ e te sai zihe kpohọ Jerusalẹm ho?
  • Eme Sairọs ọ kẹ ahwo na re a wha zihe kpohọ Jerusalẹm?
  • Ẹvẹ o raha emọ Izrẹl oke te re a te ti zihe te Jerusalẹm?
  • Bro ikpe e vrẹ no anwẹnọ a rọ nya se otọ na ba ofofe riẹriẹriẹ ababọ ohwo?

Enọ efa

  • Se Aizaya 44:28 gbe 45:1-4.

    Ẹvẹ Jihova o ro fi ẹgba họ iẹe inọ eruẹaruẹ riẹ kpahe Sairọs i ti rugba hrọ? (Aiz. 55:10, 11; Rom 4:17)

    Eme eruẹaruẹ Aizaya kpahe Sairọs i dhesẹ kpahe ẹgba Jihova Ọghẹnẹ nọ ọ rẹ rọ ruẹaro kpahe obaro? (Aiz. 42:9; 45:21; 46:10, 11; 2 Pita 1:20)

  • Se Ẹzra 1:1-11.

    Evaọ elele oriruo enọ e sai zihe kpohọ Jerusalẹm ho na, ẹvẹ ma sae rọ ‘tha abọ’ enọ e sae roma kẹ iruo ọkobaro oke-kpobi nẹnẹ? (Ẹzra 1:4, 6; Rom 12:13; Kọl. 4:12)