Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Obe Ikuigbe Ebaibol Mẹ

Abọ Avọ 5: Noke Igbo evaọ Babilọn ri te Ọwariẹbọ Igbẹhẹ Jerusalem

Abọ Avọ 5: Noke Igbo evaọ Babilọn ri te Ọwariẹbọ Igbẹhẹ Jerusalem

Nọ Ahwo-Izrẹl ajọ igbo evaọ Babilọn, edawọ buobu i te orọwọ rai. Shedrak, Mishak gbe Abẹdinigo agboli rai fihọ egidi erae ọroro, rekọ Ọghẹnẹ o te si ai noize ekpokpọ. Uwhremuna, nọ ahwo Midia gbe Pasia afi Babilọn kparobọ no, a te gbolo Daniẹl fihọ ọgọdọ ikpohrokpo, rekọ Ọghẹnẹ ọ tẹ jẹ thọe uke nọ ọ rọ fare enu ikpohrokpo na.

Urere riẹ, Sairọs ovie Pasia o te si Ahwo-Izrẹl no igbo. Ikpe 70 a ro mua’i erigbo kpobọ Babilọn enwane gba no a te zihe ze obọ otọ-ẹwho rai. Oware ovo jọ nọ akaki ru oke nọ a zihe ze obọ Jerusalem họ ebabọ tẹmple Jihova nọ a muhọ. Dede na ukrihi ewegrẹ etẹ da iruo rai ji. Fikiere nọ a ziheze Jerusalem no oware wọhọ ikpe 22 evrẹ a te te ku tẹmple na họ ukuhọ ovo.

Ofariẹ, ma yo kpahe onya Ẹzra zihe kpobọ Jerusalem re ọruẹrẹ tẹmple na. Onana ojọ oware kerọ ikpe 47 nọ aku tẹmple họ no. Kẹsena, ikpe 13 nọ onya Ẹzra ovrẹ no, Nehemaya o te fiobọhọ re awariẹ bọ igbẹhẹ Jerusalem nọ ikporo fihọ otọ. Abọ Avọ ISOI ọrehọ iku-igbe ikpe 152 ri te oke onana.

Ẹzra avọ ahwo na nọ a be lẹ