Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Obe Ikuigbe Ebaibol Mẹ

Ikuigbe avọ 54: Ọzae Nọ Ọmae Ga Na

Ikuigbe avọ 54: Ọzae Nọ Ọmae Ga Na

WHỌ riẹ odẹ ọzae nọ ọmae ga nọ ọ jẹ ria eva oke jọ? Obruoziẹ ọ rọ, odẹ riẹ Samsin. Jihova họ ọnọ ọ kẹ riẹ ẹgba. Dede re a te yẹ Samsin, Jihova ọ ta kẹ oni riẹ nọ: ‘O bi ti yẹ ọmọzae jọ kẹle. Ọye ọ rẹ te karo eva esiwo Izrẹl rono obọ Ahwo-Filistia.’

Samsin nọ o bi kpe okpohrokpo

Ahwo-Filistia yọ ahwo yoma nọ e be ria eva Kenan. A wo egbaohọre buobu, yọ a ghinẹ jẹ nwa Ahwo-Izrẹl oma. Oke jọ, nọ Samsin ọ rọ ruọ edhere bi kpohọ oria nọ Ahwo-Filistia a be ria, okpohrokpo ologbo jọ ọ tẹ be nyaze yọ o bi d’enu nyai zeriei. Rekọ Samsin ọ tẹ rehọ ababọ ro kpe okpohrokpo na. Okpe ibuobu Ahwo yoma Filistia na re.

Oke ofa Samsin o te kie ruọ uyoyou kugbe aye nọ odẹ riẹ o rọ Dilala. Isu Ahwo-Filistia a tẹ yaeya kẹ Dilala nọ ọ tẹ sae ta oware nọ oru Samsin nọ ọ rọ ga te re na ai kpobi omomọvo ọ rẹ kẹe ewẹre idọlọ 1,100. Dilala ọ gwọlọ igho ye na kpobi. Ọ rọ ogbẹnyusu uzẹme Samsin hi, hayo ọ rọ ahwo Ọghẹnẹ hẹ. Fikiere kọ ọ jẹ hai dhe Samsin ẹnẹnọ kpahe oware nọ u rurie ga te ere.

Dilala avọ Samsin

Ukuhọriẹ, Dilala o te ru Samsin ta idhere ọ rọ ẹgba riẹ rọ kẹe. Ọ tẹ ta nọ, ‘A ri bru eto mẹ ẹdẹvo ho. No eva oke nọ a ro yẹ omẹ ze, Ọghẹnẹ ọ rọ salọ omẹ jọ uvi-odibo riẹ nọ a re se Ohwoaghọ. A te bru eto mẹ, yọ ogaga mẹ uvru no.’

Koyehọ, nọ Dilala ọ riẹ onana no, o te ru Samsin wezẹ fihọ awọ riẹ. O te se ọzae jọ ruọ eva uwou ti bru eto riẹ. Nọ Samsin ọrọwo no owezẹ ze, o gbe wo ẹgba ha. Ahwo-Filistia a tẹ rueva a te muei. A te vre ibiaro noi, a tẹ rehiẹe ru ọrigbo rai.

Samsin nọ o bi kporo odẹe

Ẹdẹjọ Ahwo-Filistia a wo arozaha ologbo jọ rọ gọ ọghẹnẹ rai nọ a re se Dagọn, a tẹ rehọ Samsin rono uwou-odi ze te rọ zaharo. Eva etoke nana yọ eto Samsin ewariẹ rro no. Samsin ọ tẹ ta kẹ ọmọ nọ okru rie na nọ: ‘Jọ abọ mẹ i te edẹẹ nọ ikru uwou na dikihẹ na.’ Koyehọ Samsin ọyare ẹgba mi Jihova, o te kru edẹẹ na. O te bo via nọ: ‘Jọ me whu kugbe Ahwo-Filistia.’ Ahwo nọ a jọ etẹe a bu te 3,000 Ahwo-Filistia eva arozaha na, whaọ nọ Samsin ọ jẹ vẹ tu edẹẹ na i te wiri uwou na zurie kienyẹ ahwo oyoma nọ e jọ eva uwou na kpobi.

Ibruoziẹ izou 13 ri te 16.



Enọ

  • Didi odẹ ọzae nọ ọ mae ga nọ ọ rria no, kọ ono ọ kẹ riẹ ogaga riẹ?
  • Evaọ ẹdẹjọ, eme Samsin o ru okpohrokpo ologbo jọ, wọhọ epanọ whọ be jọ uwoho na ruẹ na?
  • Ẹme idhere vẹ Samsin ọ be ta kẹ Dilala evaọ uwoho na, kọ ẹvẹ onana o rọ whae ze nọ ahwo Filistia a ro mu ei?
  • Ẹvẹ Samsin o ro si uwhu kpe ahwo Filistia 3,000 ewegrẹ riẹ evaọ ẹdẹ uwhu riẹ?

Enọ efa

  • Se Ibruoziẹ 13:1-14.

    Ẹvẹ Manoa avọ aye riẹ a rọ rrọ emamọ oriruo kẹ esẹgbini evaọ ẹyọrọ emọ rai? (Ibr. 13:8; Ol. 127:3; Ẹf. 6:4)

  • Se Ibruoziẹ 14:5-9 gbe 15:9-16.

    Ikuigbe kpahe Samsin nọ o kpe okpohrokpo, epanọ ọ rọ sae ifi ekpokpọ nọ a rọ gbae, gbe ugbonwa eketekete nọ o ro kpe ezae 1,000 na, eme enana i dhesẹ via kpahe ẹgba ẹzi ọfuafo Jihova?

    Ẹvẹ ẹzi ọfuafo o bi ro fi obọ họ kẹ omai nẹnẹ? (Ibr. 14:6; 15:14; Zek. 4:6; Iruẹru 4:31)

  • Se Ibruoziẹ 16:18-31.

    Ẹvẹ usu uyoma u ro kpomahọ Samsin, kọ eme ma rẹ sae jọ onana wuhrẹ? (Ibr. 16:18, 19; 1 Kọr. 15:33)