Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Obe Ikuigbe Ebaibol Mẹ

Ikuigbe avọ 12: Ahwo a Bọ Ukpehru Ulogbo

Ikuigbe avọ 12: Ahwo a Bọ Ukpehru Ulogbo

IKPE buobu e tẹ vrẹ. Emọ Noa i te wo emọ buobu gaga. Emọ rai e tẹ kpako ze, je wo emọ efa. U ri kri hi, ahwo buobu a tẹ vọ otọakpọ na.

Omọvo ahwo ọnana kọ ọmọ-uruọmọ ologbo Noa nọ a se Nimrod. Ohwo oyoma ọ jọ nọ o je kpe te erao te ahwo. Nimrọd ọ tẹ jẹ rehọ oma riẹ ru ovie nọ oje su amọfa. Nimrọd ọ were Ọghẹnẹ hẹ.

Omọvo ahwo ọnana kọ ọmọ-uruọmọ ologbo Noa nọ a se Nimrod. Ohwo oyoma ọ jọ nọ o je kpe te erao te ahwo. Nimrọd ọ tẹ jẹ rehọ oma riẹ ru ovie nọ oje su amọfa. Nimrọd ọ were Ọghẹnẹ hẹ.

Ebabọ enana e were Jihova Ọghẹnẹ hẹ. Ọghẹnẹ ọ gwọlọ nọ ahwo na a vaha abọ re a ria otọakpọ na soso. Rekọ ahwo na a tẹ ta nọ: ‘Wha nyaze! Jọ ma bọ okpẹwho avọ ukpehru nọ u re kpehru te epanọ u re ro du họ obọ idhiwu na. Kẹsena odẹ mai u ve ti do!’ Ahwo na a jẹ gwọlọ orro k’oma rai, orọnikọ kẹ Ọghẹnẹ hẹ.

Fikiere Ọghẹnẹ o te ru ahwo na se ebabọ ukpehru na ba. Whọ riẹ oghẹrẹ nọ o ro ruei? Ẹkwoma ahwo na nọ o ru re a jẹ evẹrẹ oghoghẹrẹ ukpenọ a jẹ ọvo. Ebebabọ na a gbe je yo ẹme ohwo ohwo ho. Fiki onana a je se okpẹwho rai nọ Bebẹl, hayo Babilọn, otọ riẹ họ “Ozighi.”

Ahwo na a te muhọ ẹvaha no Bebẹl. Eko ahwo nọ a rẹ jẹ ẹvẹrẹ ọvo a tẹ nya e ria kugbe eva eria efa otọakpọ na.

Emuhọ 10:1, 8-10; 11:1-9.

Ahwo nọ a be bọ ukpehru ulogbo


Enọ

  • Ono họ Nimrọd, kọ ẹvẹ Ọghẹnẹ o rri rie?
  • Evaọ uwoho na, fikieme ahwo na a je ro ru ibriki?
  • Fikieme iruo ebabọ na o gbẹ rọ were Jihova ha?
  • Ẹvẹ Ọghẹnẹ ọ rọ da ebabọ uwou-ukpehru na ji?
  • Eme họ odẹ okpẹwho na, kọ eme họ otofa odẹ na?
  • Eme ọ via kẹ ahwo na nọ Ọghẹnẹ ọ whẹ ozighi họ ẹvẹrẹ rai no?

Enọ efa

  • Se Emuhọ 10: 1, 8-10.

    Didi uruemu Nimrọd o dhesẹ, kọ didi unuovẹvẹ onana o rrọ kẹ omai? (Itẹ 3:31)

  • Se Emuhọ 11:1-9.

    Eme ọ jọ ẹjiroro ebabọ uwou-ukpehru na, kọ fikieme ebabọ na e gbẹ te rọ kparobọ họ? (Emu. 11:4; Itẹ 16:18; Jọn 5:44)