Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Obe Ikuigbe Ebaibol Mẹ

Ikuigbe avọ 11: Usi-Ame Ọsosuọ

Ikuigbe avọ 11: Usi-Ame Ọsosuọ

WHỌ riẹ oware ọsosuọ nọ Noa o ru nọ ọe avọ ekru riẹ a no eva ak na ze? O ru akpẹwẹ hayo okẹ rọ kẹ Ọghẹnẹ. Whọ sae rue riẹ nọ o bi ru onana eva ifoto nọ e rọ obotọ na. Noa ọ kẹ okẹ erao onana re o ro yere Ọghẹnẹ fiki nọ o siwi uviuwou riẹ no owhe ologbo na.

Ak avọ usi-ame na

Who roro nọ okẹ na o were Jihova? Ẹhẹ, o were riẹ. Fikiere ọ tẹ ya kẹ Noa nọ ọe ọ gbẹ rehọ owhe raha akpọ na ofa ha.

U ri kri hi, otọ na o tẹ ya no, Noa avọ uviuwou riẹ a te mu uzuazọ okpokpọ họ eva otafe ak na. Ọghẹnẹ ọ ghale rae ọ tẹ ta kae nọ; ‘Wha re wo emọ buobu. Wha re vi gaga bẹsenọ otọakpọ na o rẹ vọ avọ ahwo.’

Rekọ oke ofa, nọ ahwo a te yo kpahe owhe ologbo na ozọ o sai muai sọ oware utioye o te wariẹ via. Fikiere Ọghẹnẹ ọ tẹ kẹ oware jọ nọ o rẹ kareghẹhọ ahwo kpahe eya riẹ nọ ọ gbẹ rehọ owhe ku otọakpọ na soso ofa ha. Whọ riẹ oware nọ ọ kẹ re o kareghẹhai? Oye họ usi-ame.

Noa gbe uviuwou riẹ

A rẹ jọ ehru ruẹ usi-ame okenọ ọre ọ tẹ bẹ ze lele oso. Isi-ame i re wo egheghẹrẹ ame iwowoma buobu. Kọ whọ ruẹ ojọ no? Whọ be ruẹ onọ o rọ ifoto na?

Ona họ onọ Ọghẹnẹ ọ ta. ‘Mẹ ya nọ oke ovuovo o gbẹ jọ nọ owhe ọ rẹ raha t’ahwo t’erao kpobi hi. Me bi fi usi-ame mẹ họ ẹgho na. Nọ usi-ame na o tẹ rehọ oma via, mẹ rẹ rue riẹ jẹ kareghẹhọ eya mẹ enana.’

Fikiere, whọ tẹ ruẹ usi-ame, eme o rẹ kareghẹhọ owhẹ? Ẹhẹ, eya Ọghẹnẹ nnọ ọ gbẹ rehọ owhe ologbo raha akpọ na kpobi ofa ha.

Emuhọ 8:18-22; 9:9-17.



Enọ

  • Wọhọ epanọ o rrọ uwoho na, eme Noa o ru nọ ọ nwani no okọ na ze?
  • Didi ujaje Ọghẹnẹ ọ kẹ Noa gbe uviuwou riẹ nọ Owhe na ọ vrẹ no?
  • Didi eyaa Ọghẹnẹ ọ yaa?
  • Ma tẹ ruẹ usi-ame, eme o rẹ kareghẹhọ omai?

Enọ efa

  • Se Emuhọ 8:18-22.

    Ẹvẹ ma sae rọ kẹ Jihova “oreawere” nẹnẹ? (Emu. 8:21; Hib. 13:15, 16)

    Eme Jihova ọ ta kpahe udu ohwo-akpọ, kọ didi oma u fo nọ ma rẹ yọrọ? (Emu. 8:21; Mat. 15:18, 19)

  • Se Emuhọ 9:9-17.

    Didi ọvọ Jihova ọ re kugbe emama otọakpọ kpobi? (Emu. 9:10, 11)

    Ẹvẹ ọvọ usi-ame na o ti kri otọ te? (Emu. 9:16)