Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Ebaibol Evaọ Itanẹte | EFAFA AKPỌ ỌKPOKPỌ ỌRỌ IKEREAKERE EFUAFO NA (ỌRỌ 1984)

Matiu 20:1-34

EWARE NỌ E RIẸ EVA

  • Ahwo nọ a ru iruo evaọ udhu nọ a hwa osa ẹrẹrẹe kẹ (1-16)

  • Jesu ọ wariẹ ta kpahe uwhu riẹ (17-19)

  • Jesu yọ ẹtanigbo kẹ ibuobu (20-28)

    • Jesu yọ ẹtanigbo kẹ ibuobu (28)

  • O siwi ezae ituaro ivẹ (29-34)

20  “Keme Uvie odhiwu o wọhọ ohwo nọ o wo udhu nọ ọ kpama evaọ irioke nyae gwọlọ enọ i re ru iruo evaọ udhu riẹ.  Nọ ọ rọwo kẹ iruiruo na no inọ ọ te hwa ae dinariọs* ọvo evaọ okpẹdẹ, o te vi ai kpobọ udhu riẹ.  Nọ ọ wariẹ nya evaọ auwa avọ esa,* ọ tẹ ruẹ amọfa nọ a dikihẹ oria eki nọ a rehọ iruo ho;  ọ tẹ ta kẹ ae nọ, ‘Wha kpobọ udhu mẹ re, mẹ te kẹ owhai oware kpobi nọ u fo.’  Fikiere a tẹ nya. Ọ tẹ wariẹ nya evaọ auwa avọ ezeza* gbe auwa avọ izii,* o te ru epọvo na.  Ukuhọ riẹ, evaọ oware wọhọ auwa avọ ikpegbọvo,* ọ tẹ nya jẹ ruẹ amọfa nọ i dikihẹ, ọ tẹ ta kẹ ae nọ, ‘Fikieme wha ro dikihẹ etenẹ anwọ ohiohiẹ ababọ iruo?’  A tẹ ta nọ, ‘Fikinọ ohwo ọvo ọ rehọ omai iruo ho.’ Ọ tẹ ta kẹ ae nọ, ‘Wha kpobọ udhu mẹ re.’  “Nọ owọwọ u te, ọnọ o wo udhu na ọ tẹ ta kẹ ọnọ ọ be rẹrote eyero riẹ nọ, ‘Se iruiruo na ze re whọ hwa ae osa rai, rehọ erọ urere na muhọ whọ vẹ rehọ erọ ọsosuọ na kuhọ.’  Nọ ahwo nọ a rehọ iruo evaọ auwa avọ ikpegbọvo na a nyaze, a tẹ kẹ ae omomọvo dinariọs* ọvo. 10  Fikiere nọ erọ ọsosuọ na a nyaze, a te roro nọ a te kẹ ae bu viere, rekọ dinariọs* ọvo a hwa kẹ ae omomọvo re. 11  Nọ a kẹ ae ugho na, a te muhọ ẹgo kpahe ọnọ o wo udhu na 12  a tẹ ta nọ, ‘Auwa ọvo ahwo urere na a ru iruo; ghele na unuigho ovona whọ hwa kẹ ae gbe omai nọ i ru iruo okikpo evaọ uvo ogaga na!’ 13  Rekọ ọ tẹ kpahe kẹ omọvo rai jọ nọ, ‘Oko, me ru owhẹ thọ họ. Kọ ogbẹrọnọ dinariọs* ọvo whọ rọwo kugbe omẹ? 14  Rehọ osa ra re who kpo. Mẹ gwọlọ kẹ ahwo urere na unu ovona nọ mẹ kẹ owhẹ na. 15  Kọ me gbe wo udu nọ mẹ rẹ rọ rehọ eware obọmẹ ru onọ u je omẹ? Manikọ ubiẹro ra o be re ihri* fiki ewoma* mẹ?’ 16  Enẹ erọ urere e te rọ jọ erọ ọsosuọ, erọ ọsosuọ e vẹ te jọ erọ urere.” 17  Nọ a je kpobọ Jerusalẹm, Jesu o te se ilele ikpegbivẹ riẹ ruọ akotọ ọ tẹ ta kẹ ae nọ: 18  “Rri! Jerusalẹm ma be nya na, yọ a te rehọ Ọmọ ohwo kẹ ilori izerẹ gbe otu ikere-obe na. A ti bruoziẹ uwhu kpei, 19  a vẹ te rehọ iẹe kẹ ahwo erẹwho na re a rehọ iẹe jijehwẹ jẹ fae jẹ kare iẹe fihọ ure kpe; ẹdẹ avọ esa ọ vẹ te kparoma ze.” 20  Kẹsena oni emezae Zẹbẹdi avọ emezae ivẹ na a tẹ nya bru Jesu ze, oni na ọ tẹ be rọ uzou kpotọ kẹe jẹ be yare iẹe oware jọ. 21  Ọ tẹ nọe nọ: “Eme whọ gwọlọ?” Aye na ọ tẹ ta kẹe nọ: “Mẹ be yare inọ emezae ivẹ mẹ nana a keria kẹle owhẹ evaọ Uvie ra, ọjọ obọze ra ọdekọ ẹkpẹlobọ ra.” 22  Jesu ọ tẹ kuyo nọ: “Wha riẹ oware nọ wha be yare na ha. Kọ wha sae da egho nọ mẹ be te da na?” A tẹ kuyo nọ: “Ee.” 23  Ọ tẹ ta kẹ ae nọ: “Wha te ginẹ da egho mẹ, rekọ orọnọ mẹ ọ rẹ salọ enọ e rẹ keria obọze gbe ẹkpẹlobọ mẹ hẹ, rekọ oria yena o rrọ rọkẹ enọ Ọsẹ mẹ ọ ruẹrẹ e riẹ họ kẹ.” 24  Nọ ilele ikpe edekọ a yo kpahe iẹe, eva inievo ivẹ na e tẹ dha ae. 25  Rekọ Jesu o te se ae kẹle oma, ọ tẹ ta nọ: “Wha riẹ nọ isu erẹwho na a re ru omarai ilori kẹ enọ a bi su, yọ ahwo ologbo rai a rẹ rọ obọ ogaga su ae. 26  O rẹ jọ ere evaọ udevie rai vievie he; ukpoye, ohwo kpobi nọ ọ gwọlọ jọ ruaro evaọ udevie rai ọ rẹ jọ ọgbodibo rai, 27  yọ ohwo kpobi nọ ọ gwọlọ jọ ohwo ọsosuọ evaọ udevie rai ọ rẹ jọ ọrigbo rai. 28  Wọhọ epanọ Ọmọ ohwo ọ nyaze, orọnikọ re a gbodibo kẹe he, rekọ re ọ gbodibo o ve je siobọno uzuazọ riẹ rọkẹ ẹtanigbo ọrọ ahwo buobu.” 29  Nọ a je no Jẹriko vrẹ, ogbotu obuobu a te lele iei. 30  Rri! Ezae ivẹ jọ nọ i tuaro nọ e keria akotọ edhere a te yo nọ Jesu ọ be nyavrẹ, a te bo nọ: “Jọ ohrọ mai o re owhẹ, Olori, Ọmọ Devidi!” 31  Rekọ ogbotu na a te do ku ae, be ta kẹ ae nọ a fibo; rekọ a te bo ga viere inọ: “Jọ ohrọ mai o re owhẹ, Olori, Ọmọ Devidi!” 32  Fikiere Jesu o te dikihẹ, o te se ae, jẹ nọ ae nọ: “Eme wha gwọlọ nọ me ru kẹ owhai?” 33  A tẹ ta kẹe nọ: “Olori, jọ ma wariẹ mu ude họ ẹruẹ.” 34  Ohrọ rai o tẹ re Jesu, ọ tẹ rọ obọ te ibiaro rai, a tẹ nwani mu ude họ ẹruẹ, a te lele iei.

Oruvẹ-Obotọ

Rri oria Otofa Eme.
Oware wọhọ ighọjọ izii ohiohiẹ.
Oware wọhọ ighọjọ ikpegbivẹ uvo.
Oware wọhọ ighọjọ esa uvo.
Oware wọhọ ighọjọ isoi owọwọ.
Rri oria Otofa Eme.
Rri oria Otofa Eme.
Rri oria Otofa Eme.
Evaọ Griki, “yoma; muomu.”
Hayo “ọghọruo.”