Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Ebaibol Evaọ Itanẹte | EFAFA AKPỌ ỌKPOKPỌ ỌRỌ IKEREAKERE EFUAFO NA (ỌRỌ 1984)

Jemis 2:1-26

EWARE NỌ E RIẸ EVA

  • Ọriẹwẹ yọ uzioraha (1-13)

    • Uyoyou họ uzi ovie na (8)

  • Ẹrọwọ nọ a be rọ iruo dhesẹ via ha o whu no (14-26)

    • Idhivẹri na a rọwo je bi nuhu fiki ozọ (19)

    • A se Abraham ogbẹnyusu Jihova (23)

2  Inievo mẹ, kọ a sae ta nọ wha bi lele ẹrọwọ Olori mai nọ o wo oruaro na Jesu Kristi kpakiyọ wha bi dhesẹ ọriẹwẹ?  Keme otẹrọnọ ohwo nọ ọ whẹ emero igoru họ iziabọ riẹ jẹ wha okpẹgọ ọ ziọ oria nọ wha kokohọ, yọ oyogbere nọ o ku ewu ogbegbe họ ọ nyaze re,  kọ wha re rri ọnọ ọ wha okpẹgọ na avọ ọghọ wha vẹ ta kẹe nọ, “Nyaze te keria emamọ oria nana,” rekọ wha vẹ ta kẹ oyogbere na nọ, “Whẹ, gbe dikihẹ” hayo, “Keria oria yena nọ o rrọ otọ oria nọ mẹ rẹ rọ awọ mẹ kpahe na”?  O tẹ rrọ ere, kọ ogbẹrọnọ wha bi rri utu ahwo jọ woma vi ejọ, kọ wha gbe ri zihe ruọ ibruoziẹ nọ i bi bruoziẹ omuomu no?  Wha gaviezọ, inievo iyoyou mẹ. Kọ ogbẹrọnọ enọ a rri fihọ iyogbere evaọ akpọ na eye Ọghẹnẹ ọ salọ re a fe evaọ ẹrọwọ jẹ jọ ereuku Uvie na, onọ ọ ya eyaa riẹ kẹ enọ i you rie?  Rekọ wha bi kpomovuọ họ iyogbere na oma. Kọ ogbẹrọnọ edafe na i bi kienyẹ owhai je bi tu owhai ẹdhọ kpohọ ekọto?  Kọ ogbẹrọnọ ae a be ta eme-aghọ kpahe odẹ uwoma nọ a ro se owhai na?  Whaọ, otẹrọnọ wha bi koko obọdẹ uzi Ovie na wọhọ epanọ o rrọ ikereakere na inọ, “Who re you ọrivẹ ra wọhọ omobọ ra hrọ,” yọ wha be riẹ ru.  Rekọ wha tẹ ruabọhọ bi dhesẹ ọriẹwẹ, wha be raha uzi, yọ uzi na u brukpe owhai nọ whai yọ erahaizi. 10  Keme otẹrọnọ ohwo o bi koko izi na kpobi, rekọ ọ tẹ nyathọ evaọ uzi ovo jọ, yọ ọ raha izi na kpobi no. 11  Keme ọnọ ọ ta nọ, “Who bruẹnwae vievie he,” ọye ọvona ọ ta nọ, “Who kpe ohwo vievie he.” Fikiere, otẹrọnọ who bruẹnwae he rekọ who te kpe ohwo, whẹ yọ ọnọ ọ be raha uzi. 12  Jọ wha hae ta ẹme je ru eware wọhọ enọ a be te rehọ uzi emuyẹ* bruoziẹ rai. 13  Keme ohwo nọ ọ rẹ re ohrọ họ a te re ohrọ riẹ gbe he okenọ a te rehọ iẹe gu ẹdhọ. Ohwo nọ ọ rẹ re ohrọ ọ rẹ kparobọ evaọ ẹdhoguo.* 14  Inievo mẹ, kọ didi erere ọ riẹ nọ ohwo jọ ọ tẹ be ta nọ o wo ẹrọwọ rekọ o bi ru iruo ro dhesẹ iẹe via ha? Ẹrọwọ yena ọ sai siwi ei hi, kọ o sai siwi ei? 15  Otẹrọnọ oniọvo-ọmọzae hayo oniọvo-ọmọtẹ jọ o wo ewu nọ o re kuhọ họ yọ o wo emu nọ o re tei re evaọ okpẹdẹ na ha, 16  rekọ ohwo jọ evaọ usu rai ọ tẹ ta kẹe nọ, “Jọ tou; ajọ whọ ruẹ ewu kuhọ jẹ re eva vọ,” rekọ wha kẹ riẹ oware nọ o kare riẹ hẹ, didi erere o riẹ? 17  Epọvo na re, ẹrọwọ nọ a be rọ iruo dhesẹ via ha, o whu no. 18  Rekọ, ohwo jọ ọ sae ta nọ: “Who wo ẹrọwọ, me te wo iruo. Ẹvẹ whọ sai ro dhesẹ nọ who wo ẹrọwọ kpakiyọ who bi ru iruo ho? Mẹ te rọ iruo mẹ dhesẹ via kẹ owhẹ nọ me wo ẹrọwọ.” 19  Whọ rọwo nọ Ọghẹnẹ ọvo ọ rrọ, o gbẹ rrọ ere? Whọ riẹ ru. Rekọ idhivẹri na a rọwo re, yọ a bi nuhu fiki ozọ. 20  O, whẹ ọnọ o wo iroro ho na, kọ whọ ginẹ gwọlọ riẹ inọ ẹrọwọ nọ a be rọ iruo dhesẹ via ha yọ ufofe? 21  Kọ ogbẹrọnọ fiki iruo a ro kuenu kẹ Abraham ọsẹ mai inọ o kiẹrẹe okenọ ọ gba Aiziki ọmọ riẹ fihọ agbada-idhe na no? 22  Whọ ruẹ nọ o wo ẹrọwọ o te je ru iruo, yọ iruo riẹ i ru ẹrọwọ riẹ gbunu, 23  ikereakere na i te rugba onọ o ta nọ: “Abraham o fi ẹrọwọ họ Jihova,* a tẹ rọ fiki oyena rri rie nọ o kiẹrẹe,” a te sei ogbẹnyusu Jihova.* 24  Wha ruẹ nọ a re kuenu kẹ ohwo nọ o kiẹrẹe fiki iruo orọnọ fiki ẹrọwọ ọvo ho. 25  Ere ọvona, kọ ogbẹrọnọ fiki iruo a ro kuenu kẹ Rehab ogberẹ na inọ o kiẹrẹe, okenọ o dede enọ a vi uwou na rehọ ziezi no je dhesẹ edhere ọfa kẹ ae nọ a rọ dhẹ? 26  Evaọ uzẹme, wọhọ epanọ ugboma nọ u wo ẹzi* hi u whu no na, ere ọvona ẹrọwọ nọ a be rọ iruo dhesẹ via ha o whu no re.

Oruvẹ-Obotọ

Evaọ Griki, “uzi ufuoma.”
Evaọ Griki, “Ohrọ-oriọ o rẹ kparobọ evaọ ẹdhoguo.”
Rri oria Otofa Eme.
Rri oria Otofa Eme.
Hayo “ẹwẹ.”