Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Ebaibol Evaọ Itanẹte | EFAFA AKPỌ ỌKPOKPỌ ỌRỌ IKEREAKERE EFUAFO NA (ỌRỌ 1984)

Ahwo Hibru 8:1-13

EWARE NỌ E RIẸ EVA

  • Uwou-udhu na u dikihẹ kẹ eware obọ odhiwu (1-6)

  • Ohẹriẹ nọ o rrọ ọvọ anwae na gbe ọvọ ọkpokpọ na (7-13)

8  Whaọ ugogo ẹme nọ ma be ta na ona: Ma wo oghẹrẹ ozerẹ okpehru otiọye, yọ ọ keria obọze agbara-uvie Ọghẹnẹ evaọ obọ odhiwu,  ọ rrọ ọgbodibo evaọ oria ọrẹri gbe emamọ uwou-udhu egagọ na, onọ Jihova* ọ bọ orọnikọ ohwo jọ họ.  Keme a rẹ rehọ ozerẹ okpehru kpobi mu re ọ rehọ ekẹ se Ọghẹnẹ je dhe idhe; fikiere o gwọlọ nọ ọnana ọ rẹ rọ oware jọ dhe idhe re.  O hae jọnọ ọ rrọ otọakpọ, ọ hae te jọ ozerẹ hẹ nọ orọnọ ezae e riẹ vẹre nọ e rẹ rọ ekẹ se Ọghẹnẹ wọhọ epanọ Uzi na o ta.  Keme ezae nana a bi ru iruo ọrẹri, onọ o rrọ oriruo gbe uwoho eware obọ odhiwu; wọhọ epanọ ovuẹ Ọghẹnẹ u te Mosis obọ taure o te ti mu uwou-udhu egagọ na họ ẹbọ: Ọ ta nọ: “Ruẹ nọ who ru eware kpobi lele oriruo nọ me dhesẹ kẹ owhẹ evaọ ugbehru na.”  Rekọ enẹna a kẹ Jesu iruo nọ e mai woma no keme ọ rrọ obruthe ọvọ nọ ọ mai woma re, onọ u wo eyaa nọ i woma vi erọ ọvọ ọsosuọ na.  O hae rọnọ ọvọ ọsosuọ yena ọ kare afuẹwẹ, a hae gwọlọ ọrọ avọ ivẹ hẹ.  Keme ọ jọ oma ahwo na ruẹ afuẹwẹ nọ ọ ta nọ: “‘Rri! Edẹ e be tha,’ ere Jihova* ọ ta, ‘nọ mẹ te re ọvọ ọkpokpọ kugbe uwou Izrẹl gbe uwou Juda.  Orọnikọ o te jọ wọhọ ọvọ nọ mẹ re kugbe esẹ-ode rai hi evaọ ẹdẹ nọ me ro kru rai obọ su ai no otọ Ijipti ze, keme a daji ọvọ mẹ hẹ, fikiere mẹ gbẹ jẹ rẹrote ai hi,’ ere Jihova* ọ ta. 10  “‘Onana họ ọvọ nọ mẹ te re kugbe uwou Izrẹl nọ edẹ yena e tẹ vrẹ no,’ ere Jihova* ọ ta. ‘Me ti fi izi mẹ họ iroro rai, yọ me ti kere ai fihọ udu rai. Mẹ te jọ Ọghẹnẹ rai, a vẹ te jọ ahwo mẹ. 11  “‘Ae ọvuọvo o gbe ti wuhrẹ ohwo orẹwho riẹ hayo oniọvo riẹ hẹ, inọ: “Riẹ Jihova!”* Keme aikpobi a te riẹ omẹ, no ọnọ ọ mae kawo rite ọnọ ọ mae rro evaọ udevie rai. 12  Keme me ti dhesẹ ohrọ-oriọ kẹ ae evaọ izieraha rai, mẹ te gbẹ kareghẹhọ izieraha rai ofa ha.’” 13  Nọ orọnọ ọ fodẹ “ọvọ ọkpokpọ” na, u dhesẹ nọ o ru ọrọ ọsosuọ na họ onọ u gbe wo iruo ho no. Whaọ, onọ u gbe wo iruo ho jẹ be who no na o be te vrẹ no riẹriẹriẹ kẹle.

Oruvẹ-Obotọ

Rri oria Otofa Eme.
Rri oria Otofa Eme.
Rri oria Otofa Eme.
Rri oria Otofa Eme.
Rri oria Otofa Eme.