Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Ebaibol Evaọ Itanẹte | EFAFA AKPỌ ỌKPOKPỌ ỌRỌ IKEREAKERE EFUAFO NA (ỌRỌ 1984)

Ahwo Hibru 4:1-16

EWARE NỌ E RIẸ EVA

  • Ma rẹ yọroma re ma gbe ku uvẹ ẹruọ eriosehọ Ọghẹnẹ fiẹ hẹ (1-10)

  • Joma daoma re ma ruọ eriosehọ Ọghẹnẹ (11-13)

    • Ẹme Ọghẹnẹ ọ rrọ uzuazọ (12)

  • Jesu ozerẹ okpehru ologbo na (14-16)

4  Fikiere, nọ eyaa nọ a rẹ rọ ruọ evaọ eriosehọ riẹ e gbẹ riẹ na, joma yọroma* re ohwo ọvo evaọ usu rai ọ siọ uvẹ nọ a re ro wo eyaa na ba ekufiẹ.  Keme a whowho usi uwoma na kẹ omai no re wọhọ epanọ a whowho kẹ ai; rekọ ẹme nọ a yo na ọ kẹ rai erere he keme a wo ẹrọwọ họ wọhọ otu nọ a yoẹme.  Mai nọ ma wo ẹrọwọ na ma rẹ ruọ evaọ eriosehọ na, wọhọ epanọ ọ ta nọ: “Fikiere me te duwu iyei fiki eva nọ e dha omẹ na nọ, ‘A te ruọ evaọ eriosehọ mẹ hẹ,’” dede nọ o ku iruo riẹ họ anwọ emuhọ akpọ* na ze.  Keme ọ jọ oria jọ ta kpahe ẹdẹ avọ ihrẹ na nọ: “Ọghẹnẹ o te serihọ no iruo riẹ kpobi evaọ ẹdẹ avọ ihrẹ na,”  ghele na ọ wariẹ ta nọ: “A te ruọ evaọ eriosehọ mẹ hẹ.”  Fikiere, nọ orọnọ o gbẹ lọhọ re ahwo jọ a ruọ eva riẹ na, yọ enọ a kaki whowho usi uwoma na kẹ a ruọ eva riẹ hẹ fiki aghẹmeeyo na,  ọ wariẹ fi ẹdẹ ọfa họ nọ ọ jọ olezi Devidi ta nọ “Nẹnẹ” nọ ikpe buobu e vrẹ no; wọhọ epanọ me kere no vẹre na inọ, “Nẹnẹ otẹrọnọ wha yo urru mẹ, wha ru udu rai gaga ha.”  Keme o hae jọnọ Joshua o su rai ruọ oria eriosehọ, Ọghẹnẹ ọ gbẹ hae ta kpahe ẹdẹ ọfa ha nọ oyena o vrẹ no.  Fikiere ẹdijala eriosehọ ọ gbẹ riẹ rọkẹ ahwo Ọghẹnẹ. 10  Keme ohwo nọ ọ ruọ evaọ eriosehọ Ọghẹnẹ no o serihọ no iruo obọriẹ no re, wọhọ epanọ Ọghẹnẹ o serihọ no iruo riẹ. 11  Fikiere joma dawo ẹgba mai kpobi re ma ruọ evaọ eriosehọ yena, re ohwo ọvo o gbe kie ruọ ọkpọ aghẹmeeyo yena ha. 12  Keme ẹme Ọghẹnẹ ọ rrọ uzuazọ o te je wo ẹgba yọ ọ da vi ọgbọdọ akọava, o re duwu thabọ te epanọ o rẹ rọ fere oghẹrẹ nọ ohwo ọ ginẹ rrọ evaọ okafe gbe obeva via, gbe ezo-oma avọ iwhri ighogho-enwa na. O rẹ sae kiẹ iroro gbe ẹjiroro udu na via. 13  Yọ omama ọvuọvo ọ riẹ hẹ nọ u dhere no aro riẹ, rekọ eware kpobi e ba fihọ je rovie fihọ gbaladha evaọ aro ọnọ ma ti gu epanọ ma ru te kẹ hrọ. 14  Fikiere, nọ orọnọ ma wo ozerẹ okpehru ologbo ọnọ ọ ruọ eva odhiwu no na, koyehọ Jesu Ọmọ Ọghẹnẹ, joma gbẹ hai whowho via nọ ma fi ẹrọwọ họ iẹe. 15  Keme orọnikọ ozerẹ okpehru nọ ọ rẹ sai roro kẹ omai hi evaọ oria nọ ma jọ ga ha ma wo ho, rekọ ọnọ a dawo no evaọ kabọ kabọ wọhọ omai, rekọ nọ ọ kare uzioraha. 16  Fikiere joma si kẹle agbara-uvie Ọghẹnẹ ọnọ o re dhesẹ uwowou ulogbo na jẹ lẹ sei ududu, re a sai dhesẹ ohrọ-oriọ gbe uwowou ulogbo kẹ omai okenọ ma tẹ gwọlọ obufihọ.

Oruvẹ-Obotọ

Evaọ Griki, “jọ ozọ u mu omai.”
Onana u dhesẹ okenọ Adamu avọ Ivi a ro mu emọ họ eyẹ.