Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Ebaibol Evaọ Itanẹte | EFAFA AKPỌ ỌKPOKPỌ ỌRỌ IKEREAKERE EFUAFO NA (ỌRỌ 1984)

Ahwo Galesha 4:1-31

EWARE NỌ E RIẸ EVA

  • Wha gbẹ rrọ erigbo ho, rekọ emọ (1-7)

  • Ọdawẹ Pọl kẹ inievo Galesha (8-20)

  • Hega avọ Sera: evọ ivẹ (21-31)

    • Jerusalẹm obehru, oni mai, ọ rrọ ọmuyẹ (26)

4  Whaọ mẹ be ta kẹ owhai nọ, ọreuku na ọ tẹ gbẹ rrọ ọmaha, o wo ohẹriẹ no ọrigbo ho, dede nọ ọye o wo eware na kpobi,  keme ọ gbẹ rrọ otọ enọ e be sẹro riẹ gbe irieyero bọo ẹdẹ nọ ọsẹ riẹ o fihọ.  Epọvo na re, okenọ ma jọ emaha, ma jọ erigbo kẹ eware esese akpọ na re.  Rekọ nọ okenọ Ọghẹnẹ o fihọ u te no, o te vi Ọmọ riẹ ze, ọnọ aye o yẹ, ọnọ a yẹ fihọ otọ Uzi,  re ọ sae dẹ enọ e rrọ otọ Uzi na no igbo, re Ọghẹnẹ ọ sai ru omai zihe ruọ emọ riẹ.  Whaọ fikinọ whai yọ emọ, Ọghẹnẹ o fi ẹzi Ọmọ riẹ họ udu mai, yọ ẹzi na o bi bo nọ: “Abba,* Ọsẹ.”  Fikiere wha gbẹ rrọ erigbo ho rekọ emọ; yọ otẹrọnọ emọ wha rrọ, kiyọ Ọghẹnẹ o ru owhai ereuku no re.  Rekọ, okenọ wha re riẹ Ọghẹnẹ hẹ, wha jọ erigbo kẹ enọ e rrọ eghẹnẹ hẹ.  Rekọ enẹna nọ wha riẹ Ọghẹnẹ no na, hayo, nọ Ọghẹnẹ ọ riẹ owhai no na, ẹvẹ wha be rọ wariẹ zihe bru eware esese nọ e rrọ ifofe nọ i fioka ha, jẹ gwọlọ wariẹ gbodibo kẹ ae? 10  Wha be robọ kotọ koko edẹ gbe emerae gbe ezi sa-sa, gbe ikpe. 11  Ozọ u bi mu omẹ kẹ owhai inọ, o wọhọ nọ omodawọ mẹ evaọ omarai uvrẹvru. 12  Inievo, mẹ be lẹ owhai, wha jọ wọhọ omẹ, keme mẹ jọ wọhọ epanọ wha rrọ na. Wha ru omẹ oware ovo thọ họ. 13  Wha riẹ nọ ẹyao o ru omẹ wo uvẹ ọsosuọ nọ me ro whowho usi uwoma na kẹ owhai. 14  Yọ dede nọ ẹyao mẹ ọ jọ odawọ kẹ owhai, wha rri omẹ vo hayo rri omẹ tọtọtọ họ;* rekọ wha dede omẹ rehọ wọhọ ukọ-odhiwu Ọghẹnẹ, wọhọ Kristi Jesu. 15  Kọ evawere nọ wha je wo evaọ oke ẹdẹ na o rrọ? Me re se isẹri kẹ owhai inọ, o hae lọhọ, wha hai ti vre ibiaro rai no kẹ omẹ. 16  Kọ me zihe ruọ ọwegrẹ rai no fikinọ mẹ be ta uzẹme na kẹ owhai? 17  Ahwo jọ a be daoma re a wo owhai tobọ, orọnọ fiki emamọ ẹjiroro ho; a gwọlọ hẹriẹ owhai no omẹ, re wha sae rọ ọwhọ lele ai. 18  Rekọ, u re woma nọ ohwo jọ ọ tẹ be daoma re o wo owhai tobọ fiki emamọ ẹjiroro, yọ orọnọ okenọ mẹ rrọ kugbe owhai ọvo ho, 19  emọ esese mẹ, edada e wariẹ rrọ omẹ oma fiki rai wọhọ edada-eyẹ bẹsenọ wha rẹ rọ jọ wọhọ Kristi no. 20  Dodokọ mẹ rrọ kugbe owhai obọnana re mẹ rọ unu kpotọ ta ẹme kẹ owhai keme mẹ gbẹ riẹ oware nọ me re ru kpahe owhai hi. 21  Wha ta kẹ omẹ, whai enọ e gwọlọ jọ otọ Uzi na, Kọ wha be gaviezọ kẹ Uzi na? 22  Wọhọ oriruo, a kere nọ Abraham o wo emezae ivẹ, odibo-ọmọtẹ na o yẹ ọjọ, aye nọ ọ rrọ ọmuyẹ na o yẹ ọjọ; 23  rekọ ọrọ odibo-ọmọtẹ na yọ ọnọ a rrọ ẹkwoma udihọ gheghe* yẹ, ọrọ aye ọmuyẹ na kọ ẹkwoma eyaa. 24  Iku nana i wo otofa ẹwoho; keme eyae ivẹ nana a dikihẹ kẹ evọ ivẹ, ọjọ ọnọ a re evaọ Ugbehru Sainai, enọ e rrọ otọ ọvọ nana kpobi yọ erigbo, yọ Hega o dikihẹ kẹ ọnana. 25  Whaọ Hega o dikihẹ kẹ Sainai, ugbehru nọ o rrọ Arebia, yọ o dikihẹ kẹ Jerusalẹm inẹnẹ na, keme Jerusalẹm avọ emọ riẹ a rrọ igbo. 26  Rekọ Jerusalẹm obehru na ọ rrọ ọmuyẹ, yọ ọye họ oni mai. 27  Keme a kere nọ: “Ghọghọ, whẹ aye nọ ọ rrọ ọga nọ o ri yẹ ọmọ họ; bo ubo oghọghọ, whẹ aye nọ ọ re ruẹ edada-eyẹ hẹ; keme emọ aye nọ a gbabọkẹ* na i bu vi erọ aye nọ o wo ọzae na.” 28  Inievo, mai yọ emọ eyaa na, wọhọ Aiziki. 29  Rekọ wọhọ epanọ ọnọ a rọ ẹkwoma udihọ gheghe yẹ na o je kpokpo ọnọ a rọ ẹkwoma ẹzi yẹ na, ere o rrọ enẹna re. 30  Ghele na, kọ eme ikereakere na e ta? “Le odibo-ọmọtẹ na avọ ọmọ riẹ vrẹ, keme ọmọ odibo-ọmọtẹ na ọ sai lele ọmọ nọ aye ọmuyẹ na o yẹ jọ ọreuku vievie he.” 31  Fikiere, inievo, ma rrọ emọ odibo-ọmọtẹ hẹ rekọ erọ aye ọmuyẹ na.

Oruvẹ-Obotọ

Ẹme ẹvẹrẹ ahwo Aremia nọ otofa riẹ o rrọ “O Ọsẹ.”
Hayo “nwoeya ku omẹ hẹ.”
Koyehọ, epanọ a ro yẹ ahwo-akpọ efa kpobi.
Hayo “ọga.”