Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Ebaibol Evaọ Itanẹte | EFAFA AKPỌ ỌKPOKPỌ ỌRỌ IKEREAKERE EFUAFO NA (ỌRỌ 1984)

Taitọs 2:1-15

EWARE NỌ E RIẸ EVA

  • Obọdẹ ehrẹ rọkẹ emaha gbe ekpako (1-15)

    • Siọ emuemu (12)

    • Ọwhọ kẹ iruo iwoma (14)

2  Rekọ whẹ omara, hae ta eme nọ e rọwokugbe omamọ uwuhrẹ* na.  Jọ ezae nọ e kpako no a wo uruemu nọ o rrọ owowa, osegboja, iroro egbagba, ẹrọwọ ọgaga, uyoyou udidi, gbe ithihakọ egaga.  Epọvo na re, jọ eyae nọ e kpako no a wo uruemu nọ o rẹ wha ọghọ se Ọghẹnẹ, a rẹ jọ enọ e rẹ ta ahwo raha ha, hayo roma kẹ ẹda udi buobu hu, a rẹ jọ enọ i re wuhrẹ oware nọ u woma,  re a sae hrẹ* uvovo-eyae na nọ a you ezae rai, je you emọ rai,  re a wo iroro egbagba, wo uruemu ofuafo, ru iruo evaọ uwou,* ru ewoma, romakpotọ kẹ ezae rai, re ahwo a gbẹ ta eme iyoma kpahe ẹme Ọghẹnẹ hẹ.  Epọvo na re, hae tuduhọ ezae nọ e gbẹ maha inọ a wo iroro egbagba,  jọ oriruo ọrọ iruo iwoma evaọ kabọ kabọ. Wuhrẹ ahwo oware nọ o gba avọ osegboja kpobi,  ru ere avọ emamọ eme* nọ a rẹ jọ ruẹ afuẹwẹ hẹ, re oma o ruẹse vuọ enọ e be wọso omai, fikinọ a te ruẹ oware uyoma ovo ta kpahe omai hi.  Jọ erigbo a romakpotọ kẹ ilori rai evaọ oware kpobi, jẹ daoma ru ae eva were, a za ẹme zihe kẹ ae he, 10  a tho eware rai hi, rekọ jọ a dhesẹ nọ ae yọ ahwo nọ a rẹ sai fievahọ riẹriẹriẹ, re a sae jọ kabọ kabọ whẹ erru họ uwuhrẹ Osiwi mai, Ọghẹnẹ. 11  Keme uwowou ulogbo Ọghẹnẹ u dhesẹ oma via no, be wha esiwo se oghẹrẹ ahwo kpobi. 12  U bi wuhrẹ omai re ma siọ emuemu gbe isiuru akpọ, re ma yeri uzuazọ avọ iroro egbagba gbe ẹrẹreokie gbe omarọkẹ Ọghẹnẹ evaọ udevie uyero-akpọ* nana, 13  nọ ma be hẹrẹ erugba ẹruore evawere na gbe okenọ Ọghẹnẹ oride na o ti dhesẹ oma via avọ oruaro gbe okenọ Osiwi mai, Jesu Kristi o ti dhesẹ oma via avọ oruaro, 14  ọnọ o siobọno uzuazọ riẹ re o si omai no igbo oghẹrẹ emuemu kpobi jẹ họ omai fo kẹ omariẹ re o wo ahwo nọ a rẹ jọ okwakwa obọdẹ riẹ, nọ i wo ọwhọ kẹ iruo iwoma. 15  Hae ta eme nana, hae kẹ uduotahawọ jẹ kẹ ọwhọkuo ududu. Who ru re ohwo ọvo o rri owhẹ vo ho.

Oruvẹ-Obotọ

Hayo “uwuhrẹ omokpokpọ; uwuhrẹ nọ o rẹ kẹ erere.”
Hayo “kareghẹhọ; wuhrẹ.”
Hayo “rẹrote uwou rai.”
Hayo “eme omokpokpọ; eme nọ e rẹ kẹ erere.”
Rri oria Otofa Eme.