Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Ebaibol Evaọ Itanẹte | EFAFA AKPỌ ỌKPOKPỌ ỌRỌ IKEREAKERE EFUAFO NA (ỌRỌ 1984)

Jọn 20:1-31

EWARE NỌ E RIẸ EVA

  • Uki ufofe (1-10)

  • Jesu ọ romavia kẹ Meri Magdalini (11-18)

  • Jesu ọ romavia kẹ ilele riẹ (19-23)

  • Tọmọs ọ vro rekọ ọ rọwo uwhremu na (24-29)

  • Ẹjiroro nọ a ro kere uko-obe nana (30, 31)

20  Evaọ ẹdẹ ọsosuọ oka na,* Meri Magdalini ọ tẹ riọ kpobọ uki* na nọ oria kpobi u gbe muebi, ọ tẹ ruẹ nọ a ghelie utho na no uki* na no.  Fikiere ọ tẹ dhẹ ohrẹ bru Saemọn Pita gbe olele ọdekọ nọ Jesu o you na, ọ tẹ ta kẹ ae nọ: “A wọ Olori na no uki na no, yọ ma riẹ oria nọ a wọ riẹ fihọ họ.”  Kẹsena Pita avọ olele ọdekọ na a tẹ ruọ edhere bi kpohọ obọ uki na.  Aimava na a te mu ohrẹ họ ẹdhẹ, rekọ olele ọdekọ na ọ tẹ dhẹ vẹrẹ vi Pita, ọ tẹ kaki te obei.  Nọ o ruwẹ rri eva riẹ ọ tẹ ruẹ ehọ na nọ e rrọ etẹe, rekọ ọ ruọ eva riẹ hẹ.  Saemọn Pita ọ tẹ dhẹze re, ọ tẹ ruọ evaọ uki na. Ọ tẹ ruẹ ehọ na nọ e rrọ etẹe.  Ohọ nọ a rọ variẹ uzou riẹ o jọ kugbe ehọ edekọ na ha, rekọ a kpiri rie fihọ oria riẹ sa.  Kẹsena olele ọdekọ nọ ọ kaki te uki na ọ tẹ ruọ eva re, ọ tẹ ruẹ jẹ rọwo ẹme nọ a vuẹ rai na.  Oke yena yọ a ri wo otoriẹ ikereakere na ghele he inọ ọ te kparoma no uwhu ze. 10  Fikiere ilele na a te zihe kpobọ iwou rai. 11  Rekọ Meri o te gbe dikihẹ kẹle uki na be viẹ. Epanọ ọ jẹ rọ viẹ na, o te ruwẹ re o rri uki na 12  ọ tẹ ruẹ ikọ-odhiwu ivẹ nọ i ku iwu efuafo họ nọ e keria oria nọ ori Jesu ọ jọ vẹre na, ọjọ ọ keria oria nọ uzou riẹ o jọ, ọdekọ kọ oria nọ awọ riẹ ọ jọ. 13  A tẹ nọe nọ: “Aye, eme whọ jẹ be viẹ?” Ọ tẹ ta kẹ ae nọ: “A wọ Olori mẹ vrẹ no, yọ mẹ riẹ oria nọ a wọ riẹ fihọ họ.” 14  Nọ ọ ta ẹme nana no, o te kuomarẹriẹ ọ tẹ ruẹ Jesu nọ o dikihẹ etẹe, rekọ ọ riẹ nọ Jesu hu. 15  Jesu ọ tẹ nọe nọ: “Aye, eme whọ jẹ be viẹ? Ono whọ be gwọlọ?” Fikinọ o je roro nọ ohwo nana yọ ọruẹrẹ-ọgbọ na, ọ tẹ ta kẹe nọ: “Ọga, otẹrọnọ whẹ ọ wọ riẹ vrẹ, vuẹ omẹ oria nọ whọ wọ riẹ fihọ, re mẹ wọe vrẹ.” 16  Jesu o te sei nọ: “Meri!” Nọ Meri o kuomarẹriẹ, ọ tẹ rọ ẹvẹrẹ Hibru sei nọ: “Raboni!” (onọ otofa riẹ o rrọ “Owuhrẹ!”) 17  Jesu ọ tẹ ta kẹe nọ: “Siọ omẹ ba ẹtalamu, keme me ri muvrẹ bru Ọsẹ na no ho. Rekọ nya bru inievo mẹ re whọ ta kẹ ae nọ, ‘Me bi muvrẹ bru Ọsẹ mẹ gbe Ọsẹ rai, je bru Ọghẹnẹ mẹ gbe Ọghẹnẹ rai.’” 18  Meri Magdalini ọ tẹ nyaze te vuẹ ilele na usi na: “Mẹ ruẹ Olori na no!” Ọ tẹ vuẹ ae eme nọ ọ ta kẹe. 19  Nọ owọwọ ẹdẹ yena nọ o rrọ ẹdẹ ọsosuọ oka na u te, yọ ilele na a kare ethẹ oria nọ a jọ dhoma fiki ozọ ahwo Ju na, Jesu ọ tẹ romavia je dikihẹ udevie rai, ọ tẹ ta kẹ ae nọ: “Jọ udhedhẹ u te owhai.” 20  Nọ ọ ta onana no, o te dhesẹ abọ gbe abefẹ riẹ kẹ ae. Ilele na a tẹ ghọghọ inọ a ruẹ Olori na. 21  Jesu ọ tẹ wariẹ ta kẹ ae nọ: “Jọ udhedhẹ u te owhai. Wọhọ epanọ Ọsẹ na o vi omẹ ze na, ere me bi vi owhai re.” 22  Nọ ọ ta onana no, o te vovo ofou ku ae ọ tẹ ta kẹ ae nọ: “Jọ ẹzi ọfuafo o te owhai obọ. 23  Wha tẹ rọ izieraha rọvrẹ ohwo jọ kpobi, yọ a rehọ e rai rọvrẹ riẹ no; ohwo kpobi nọ wha rọvrẹ hẹ, yọ a rọvrẹ riẹ hẹ.” 24  Rekọ Tọmọs omọvo Ikpegbivẹ na, nọ a je se Ejime na, ọ jọ kugbe ae he okenọ Jesu ọ rọ nyaze. 25  Fikiere ilele edekọ na a tẹ be ta kẹe nọ: “Ma ruẹ Olori na no!” Rekọ ọ tẹ ta kẹ ae nọ: “Ajokpanọ mẹ rẹ jọ abọ riẹ ruẹ oka itu na jẹ rọ uziobọ mẹ te eka itu na je dhe obọ mẹ te abefẹ riẹ, o gbẹ rrọ ere he, mẹ te rọwo vievie he.” 26  Whaọ, nọ edẹ eree e vrẹ no, ilele riẹ a tẹ wariẹ kokohọ evaọ uwou, yọ Tọmọs ọ jọ kugbe ae. Jesu ọ tẹ ruọ eva dede nọ a kare ethẹ na, o te dikihẹ udevie rai ọ tẹ ta nọ: “Jọ udhedhẹ u te owhai.” 27  Kẹsena ọ tẹ ta kẹ Tọmọs nọ: “Fi uziobọ ra họ etenẹ re whọ ruẹ abọ mẹ, je dhe obọ ra te abefẹ mẹ, re whọ seba ẹvro, rekọ rọwo.” 28  Tọmọs ọ tẹ ta kẹe nọ: “Olori mẹ gbe Ọghẹnẹ mẹ!” 29  Jesu ọ tẹ ta kẹe nọ: “Fikinọ whọ ruẹ omẹ no whọ be rọ rọwo? Eva e were ahwo nọ a ruẹ hẹ rekọ a rọwo.” 30  Ababọ avro, Jesu o ru iruo igbunu buobu efa evaọ iraro ilele na, enọ a kere fihọ uko-obe nana ha. 31  Rekọ a kere enana fihọ otọ re wha sae rọwo nọ Jesu họ Kristi na, Ọmọ Ọghẹnẹ, re fikinọ wha rọwo, wha vẹ sai wo uzuazọ ẹkwoma odẹ riẹ.

Oruvẹ-Obotọ

Ẹdẹ nana ma bi se Ẹdoka nẹnẹ na. Rọkẹ ahwo Ju, ẹdẹ yena ọ jọ ẹdẹ ọsosuọ oka na.
Hayo “uki ekareghẹhọ.”
Hayo “uki ekareghẹhọ.”