Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Ebaibol Evaọ Itanẹte | EFAFA AKPỌ ỌKPOKPỌ ỌRỌ IKEREAKERE EFUAFO NA (ỌRỌ 1984)

Iruẹru 9:1-43

EWARE NỌ E RIẸ EVA

  • Sọl o je kpobọ Damaskọs (1-9)

  • A vi Ananayas re ọ nyai fiobọhọ kẹ Sọl (10-19a)

  • Sọl ọ jẹ ta kpahe Jesu evaọ Damaskọs (19b-25)

  • Sọl o kpohọ Jerusalẹm (26-31)

  • Pita o siwi Ineas (32-35)

  • A kpare Dọkas oruọghọ na no uwhu ze (36-43)

9  Rekọ avọ ofu nọ ọ gbẹ vọ Sọl eva, yọ ọ gba riẹ mu nọ o re kpe ilele Olori na no, ọ tẹ nya bru ozerẹ okpehru na  ọ tẹ yare iẹe re ọ kẹe ileta ro se iwou-egagọ obọ Damaskọs, re ọ sai mu ohwo kpobi nọ ọ ruẹ nọ ọ rrọ Edhere Na* ziọ Jerusalẹm, te ezae te eyae.  Whaọ, epanọ ọ rọ rrọ edhere be kẹle Damaskọs no na, idudhe na elo o te lo no ehru ze wariẹe họ,  o te kie fihọ otọ, o te yo urru jọ nọ o ta kẹe nọ: “Sọl, Sọl, fikieme who bi ro kpokpo omẹ?”  Ọ tẹ nọ inọ: “Whẹ yọ ono, Olori?” Ọ tẹ ta nọ: “Mẹ yọ Jesu, ọnọ who bi kpokpo na.  Rekọ kpama re whọ ruọ okpẹwho na, a te vuẹ owhẹ oware nọ who re ru.”  Whaọ, ezae nọ a gbe je kpohọ erẹ na a dikihẹ ọvo, a jẹ sae ta ẹme he, a je yo edo urru na rekọ a jẹ ruẹ ohwo ọvo ho.  Kẹsena Sọl ọ tẹ kpama no otọ, yọ dede nọ ibiaro riẹ i rovie fihọ ọ jẹ ruẹ oware ovo ho. Fikiere a te kru rie obọ, a te su ei ruọ Damaskọs.  Evaọ edẹ esa ọ ruẹ oware ovo ho, yọ ọ re emu hayo da oware ovo ho. 10  Olele jọ nọ a re se Ananayas ọ jọ Damaskọs, Olori na ọ tẹ romavia kẹe evaọ eruẹaruẹ, o te sei nọ: “Ananayas!” O te yo nọ: “Mẹ na, Olori.” 11  Olori na ọ tẹ ta kẹe nọ: “Kpama, re who kpobọ iyẹrẹ nọ a re se Ọliọliọ, whọ vẹ nọ onọ ọzae jọ nọ a re se Sọl, ohwo obọ Tasọs, evaọ uwou Judas. Keme rri! ọ be lẹ, 12  yọ ọ jọ eruẹaruẹ ruẹ ọzae jọ nọ a re se Ananayas nọ ọ nya bru rie ze nọ ọ rọ abọ kpahe iẹe uzou re ọ sae wariẹ ruẹ ude.” 13  Rekọ Ananayas ọ tẹ ta nọ: “Olori, me yo mi ahwo buobu no kpahe ọzae nana, kpahe eware iyoma kpobi nọ o ru erezi ra evaọ obọ Jerusalẹm. 14  Yọ ọ nyaze obonẹ avọ udu nọ ilori izerẹ na a kẹ riẹ re o mu* ahwo kpobi nọ a bi se odẹ ra.” 15  Rekọ Olori na ọ tẹ ta kẹe nọ: “Nya, keme ọzae nana yọ ohwo nọ mẹ salọ no re o whowho odẹ mẹ kẹ erẹwho na, jegbe rọkẹ ivie gbe emọ Izrẹl. 16  Me ti dhesẹ kẹe vevẹ eware kpobi nọ ọ te ruẹ uye rai hrọ fiki odẹ mẹ.” 17  Fikiere Ananayas ọ tẹ nya ọ tẹ ruọ evaọ uwou na, ọ tẹ rọ abọ kpahe iẹe uzou jẹ ta nọ: “Sọl, oniọvo, Olori na Jesu, ọnọ ọ romavia kẹ owhẹ evaọ edhere okenọ whọ jẹ nyaze na, o vi omẹ ze re whọ sae wariẹ ruẹ ude re who je wo ẹzi ọfuafo.” 18  Ẹsiẹvo na, eware nọ e wọhọ egbẹ i te kie no aro riẹ ze, ọ tẹ wariẹ mu ude họ ẹruẹ. Ọ tẹ kpama, a tẹ họe ame, 19  ọ tẹ re emu o te wo ẹgba. Ọ tẹ jọ kugbe ilele na edẹ jọ evaọ Damaskọs, 20  ọ tẹ nwani muhọ ẹta kpahe Jesu evaọ iwou-egagọ na, inọ ọnana họ Ọmọ Ọghẹnẹ. 21  Rekọ u je gbe ahwo kpobi nọ a je yo eme riẹ unu, yọ a jẹ ta nọ: “Kọ ogbẹrọnọ ọzae nana o je kpokpo enọ e rrọ Jerusalẹm nọ i bi se odẹ nana? Kọ ogbẹrọnọ ọ nyaze obonẹ re ọ ruẹsi mu ai jẹ rehọ ai* se ilori izerẹ na?” 22  Rekọ Sọl o te gbe je wo ogaga viere, ọ jẹ ta eme nọ i je gbe ahwo Ju nọ a rrọ Damaskọs unu nọ ọ be kẹ imuẹro ivevẹ unọjọ utọjọ inọ Jesu họ Kristi na. 23  Whaọ nọ edẹ buobu e vrẹ no, ahwo Ju na a tẹ gba ẹgwae nọ a re kpei no. 24  Rekọ Sọl ọ tẹ te riẹ kpahe ẹgwae nọ a lẹlẹ gba kpahe iẹe na. Yọ a je rou* inuẹthẹ okpẹwho na kiọkiọkiọ taso tuvo re a ruẹsi kpei no. 25  Fikiere ilele riẹ a tẹ wọe fihọ ekete, a tẹ rọ unwido uwou jọ nọ o rrọ ugbẹhẹ okpẹwho na si ei kpotọ evaọ aso. 26  Nọ o te Jerusalẹm no, ọ tẹ daoma re o kuomagbe ilele na, rekọ ozọ riẹ u je mu ai kpobi keme a rọwo ho inọ o zihe ruọ olele no. 27  Fikiere Banabas o te fiobọhọ kẹe, o te su ei bru ikọ na, o te gbiku kẹ ae epanọ Sọl ọ rọ jọ edhere ruẹ Olori na gbe nọ Olori na ọ ta ẹme kẹ Sọl, gbe epanọ Sọl ọ rọ jọ Damaskọs ta ẹme ududu kpahe odẹ Jesu. 28  Fikiere ọ tẹ jọ kugbe ai, be nya ababọ ozọ evaọ Jerusalẹm, be ta ẹme ududu kpahe odẹ Olori na. 29  O je lele ahwo Ju nọ e rẹ jẹ Griki ta ẹme jẹ vravro, rekọ ahwo nana a tẹ jowọ nọ a re ro kpei no. 30  Nọ inievo na a riẹ kpahe onana, a tẹ rehọ iẹe kpohọ Sisaria, a tẹ jọ etẹe vi ei kpohọ Tasọs. 31  Kẹsena ukoko na evaọ Judia gbe Galili gbe Sameria soso o tẹ te ruọ etoke udhedhẹ, be ga evaọ ẹrọwọ na; ukoko na u te bi dhe evievihọ nọ o be nya evaọ ozodhẹ Jihova* je bi wo omosasọ nọ ẹzi ọfuafo na ọ rẹ kẹ. 32  Whaọ nọ Pita ọ jẹ nya ubrotọ na soso duwu, ọ nya bru erezi na nọ e rrọ Lida re. 33  Ọ tẹ jọ etẹe ruẹ ọzae jọ nọ a re se Ineas, ọnọ o kiẹzẹ ehwa anwọ ikpe eree soso keme okie o kie rie. 34  Pita ọ tẹ ta kẹe nọ: “Ineas, Jesu Kristi o siwi owhẹ no. Kpama re whọ ruẹrẹ ehwa ra.” Ẹsiẹvo na ọ tẹ kpama. 35  Nọ ahwo kpobi nọ a be rria Lida gbe Otọ-Opraprara Sharọn kpobi a ruẹ e riẹ, a te kurẹriẹ bru Olori na ze. 36  Whaọ olele jọ ọ jọ Jọpa nọ a re se Tabita, onọ otofa riẹ o rrọ “Dọkas.”* Ewoma oruo gbe ekẹ ohrọ nọ ọ jẹ kẹ e da riẹ oma fia. 37  Rekọ ẹyao o te ti kru rie, o te ti whu. A tẹ họe, a tẹ wọe fihọ ubruwou obehru jọ. 38  Nọ o rọnọ Lida o kẹle Jọpa na, nọ ilele na a yo nọ Pita ọ rrọ ẹwho ọyena, a te vi ezae ivẹ bru ei re a lẹe nọ: “Ivie nya bru omai ze vẹrẹ vẹrẹ.” 39  Pita ọ tẹ kpama o te lele ai. Nọ o te etẹe, a te su ei kpohọ ubruwou obehru na; eyae-uku na kpobi a tẹ nya bru rie ze, be viẹ je bi dhesẹ iwu buobu nọ Dọkas o ko kẹ ae evaọ okenọ ọ jọ uzuazọ. 40  Pita ọ tẹ ta kẹ ahwo na kpobi inọ a ruọ otafe, o te kigwẹ, ọ tẹ lẹ. Kẹsena nọ ọ rẹriẹ ovao rri ori na, ọ tẹ ta nọ: “Tabita, kpama!” O te rovie aro riẹ, nọ ọ ruẹ Pita, ọ tẹ kpama keria. 41  Pita ọ tẹ riẹ obọ kẹe, o te kru rie dikihẹ, o te se erezi na gbe eyae-uku na, o te dhesẹ iẹe kẹ ae inọ ọ ziọ uzuazọ no. 42  Usi nana u te do ruọ Jọpa soso, ibuobu i te kurẹriẹ bru Olori na ze. 43  Ọ tẹ gbẹ jọ Jọpa edẹ buobu evaọ uwou Saemọn ọnọ o re ru oviẹ-erao lọhọ.

Oruvẹ-Obotọ

Koyehọ, edhere uzuazọ Ileleikristi gbe iwuhrẹ rai.
Evaọ Griki, “gba; fi họ uwou-odi.”
Evaọ Griki, “re ọ gba ae ọ vẹ rehọ ae.”
Hayo “rroro.”
Rri oria Otofa Eme.
Otofa odẹ Griki na Dọkas gbe odẹ ẹvẹrẹ Aremia na Tabita họ “Ugbosu.”