Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Ebaibol Evaọ Itanẹte | EFAFA AKPỌ ỌKPOKPỌ ỌRỌ IKEREAKERE EFUAFO NA (ỌRỌ 1984)

Iruẹru 1:1-26

EWARE NỌ E RIẸ EVA

  • Eme ro se Tiofilọs (1-5)

  • Wha ti se isẹri rite ọnyaba otọakpọ na (6-8)

  • Jesu o muvrẹ kpobọ odhiwu (9-11)

  • Ilele na a kokohọ evaọ okugbe (12-14)

  • A salọ Matayas fihọ ẹta Judas (15-26)

1  O Tiofilọs, mẹ jọ obe ọsosuọ mẹ kere kpahe eware kpobi nọ Jesu o ru je wuhrẹ,  ri bọo ẹdẹ nọ a rọ rehọ iẹe vrẹ kpohọ ehru, nọ ọ rehọ ẹkwoma ẹzi ọfuafo nọ ọ jẹ kpọe kẹ ikọ nọ ọ salọ na ehrẹ no.  Nọ ọ ruẹ uye je whu no, o dhesẹ oma riẹ kẹ ae avọ imuẹro ivevẹ buobu inọ ọ kparoma ze no. A ruẹ e riẹ evaọ edẹ udhuvẹ soso, yọ ọ jẹ ta ẹme kpahe Uvie Ọghẹnẹ.  Ẹdẹjọ nọ ọ jọ kugbe ae ọ ta kẹ ae nọ: “Wha no Jerusalẹm ho, rekọ wha hẹrẹ oware nọ Ọsẹ na ọ ya eyaa riẹ, onọ wha yo mi omẹ na;  keme Jọn ọ rọ ame họ ahwo ame, rekọ a te rọ ẹzi ọfuafo họ owhai ame nọ emedẹ jọ e tẹ vrẹ no.”  Fikiere nọ a kokohọ, a tẹ nọe nọ: “Olori, kọ who bi zihe uvie na ziọ Izrẹl evaọ oke nana?”  Ọ tẹ ta kẹ ae nọ: “U du gwọlọ nọ wha rẹ riẹ oke hayo ezi na ha onọ Ọsẹ na ọvo o wo udu riẹ.  Rekọ wha ti wo ogaga nọ ẹzi ọfuafo na o te bru owhai ze no, wha ve ti se isẹri kpahe omẹ evaọ Jerusalẹm, evaọ Judia soso gbe Sameria, je rite oria nọ o mai thabọ* evaọ otọakpọ na.”  Nọ ọ ta eme nana no, nọ a gbe bi rri na, o te bi muvrẹ kpohọ ehru, ẹgho o te ruru ei, a gbẹ ruẹ e riẹ hẹ. 10  Epanọ a je ro rri ehru nọ o bi muvrẹ na, ezae ivẹ nọ i ku iwu efuafo họ a tẹ nwani dikihẹ kẹle ae, 11  a tẹ ta nọ: “Whai ezae Galili, fikieme wha ro dikihẹ bi rri ehru? Jesu nana nọ a rehọ vrẹ kpohọ ehru siọ owhai ba na, ọ te nyaze evaọ oghẹrẹ ovona nọ wha ruẹ nọ ọ be rọ nyavrẹ kpohọ ehru na.” 12  A te zihe kpobọ Jerusalẹm no ugbehru nọ a re se Ugbehru Olivi ze, onọ o kẹle Jerusalẹm, nọ o rehọ oware wọhọ ikilomita ọvo* thabọ no etẹe. 13  Nọ a zihe ze no, a te kpobọ ubruwou ehru nọ a jọ. Enọ e jọ etẹe họ Pita, Jọn, Jemis, Andru, Filip, Tọmọs, Batolomio, Matiu, Jemis ọmọ Alfiọs, Saemọn ohwo ajọwha na, gbe Judas ọmọ Jemis. 14  Aikpobi a jẹ rọ ẹjiroro ọvo ruabọhọ olẹ, eyae jọ e jọ kugbe ai gbe Meri oni Jesu avọ inievo riẹ. 15  Evaọ edẹ yena, Pita ọ tẹ kpama evaọ udevie inievo na (ahwo na kpobi a bu te oware wọhọ udhozeza [120]) ọ tẹ ta nọ: 16  “Whai ahwo, inievo, o roja nọ ikereakere na i re rugba onọ ẹzi ọfuafo ọ rọ ẹkwoma Devidi ruẹaro fihọ otọ kpahe Judas na, ọnọ o dhesẹ edhere kẹ enọ i mu Jesu. 17  Keme ọ jọ omọvo mai yọ o wobọ re evaọ odibọgba nana. 18  (Ọzae nana ọ rọ igho osa oware umuomu dẹ otọ, ọ tẹ nyai thuru whu, nọ o kie galuzovi ọ tẹ sa bẹre, ekwakwa eva riẹ kpobi e tẹ lahwe. 19  Ahwo kpobi nọ a be rria Jerusalẹm a tẹ te riẹ onana, fikiere a tẹ rọ ẹvẹrẹ rai se otọ na Akẹldama, koyehọ, “Otọ Azẹ.”) 20  Keme a jọ obe Ilezi kere nọ, ‘Jọ oria ẹria riẹ o jọ ofofe, ajọ ohwo ọvo ọ rria etẹe he,’ gbe nọ ‘Jọ omọfa ọ rehọ iruo ọsẹro riẹ.’ 21  Fikiere, o roja nọ a rẹ rọ ohwo jọ nwene iei evaọ usu ezae nọ e jọ kugbe omai evaọ etoke kpobi nọ Olori na Jesu o ro ru iruo riẹ evaọ udevie mai na, 22  muhọ no oke nọ Jọn ọ rọ họe ame rite oke nọ a rọ rehọ iẹe vrẹ kpobọ odhiwu siọ omai ba na. Ọ rẹ jọ ohwo nọ o lele omai ruẹ e riẹ nọ ọ kparoma ze no.” 23  Fikiere a te fi imava họ otọ, Josẹf nọ a re se Basabas, ọnọ a je se Jọstọs re, ọdekọ kọ Matayas. 24  Kẹsena a tẹ lẹ nọ: “O Jihova,* whẹ nọ ọ riẹ udu ahwo kpobi, dhesẹ ọnọ whọ jọ usu ezae ivẹ nana salọ 25  re ọ rehọ oria odibọgba nana gbe ọkwa ukọ, onọ Judas o gbabọkẹ ọ tẹ nya kpohọ oria obọriẹ.” 26  A tẹ yare Ọghẹnẹ nọ ọ kẹ ae oka, Ọghẹnẹ ọ tẹ kẹ ae oka nọ u dhesẹ nọ Matayas ọ salọ, a te kele iei kugbe ikọ ikpegbọvo na.

Oruvẹ-Obotọ

Hayo “ọnyaba otọakpọ na.”
Evaọ Griki, “sabbatou . . . odon,” koyehọ, ugbo nọ ohwo Ju ọ rẹ sai kpohọ erẹ thabọ te evaọ Ẹdijala.
Rri oria Otofa Eme.