Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Ebaibol Evaọ Itanẹte | EFAFA AKPỌ ỌKPOKPỌ ỌRỌ IKEREAKERE EFUAFO NA (ỌRỌ 1984)

2 Timoti 4:1-22

EWARE NỌ E RIẸ EVA

  • “Ru iruo odibọgba ra gba ziezi” (1-5)

    • Rọ ọwhọ vuẹ ẹme na (2)

  • “Mẹ họre emamọ ohọre na no” (6-8)

  • Eware nọ ọ ta kpahe omariẹ (9-18)

  • Uyere urere (19-22)

4  Mẹ be ta kẹ owhẹ evaọ aro Ọghẹnẹ avọ Kristi Jesu, ọnọ o ti bruoziẹ enọ e rrọ uzuazọ gbe enọ i whu no evaọ oke omarọvia riẹ gbe okenọ ọ te tha evaọ Uvie riẹ:  Vuẹ ẹme na; rọ ọwhọ ru ei, evaọ oke uwoma gbe oke obẹbẹ; kẹ ọwhọkuo, kẹ unuovẹvẹ ogaga, kẹ uduotahawọ avọ odiri gbe onaa ewuhrẹ kpobi.  Keme oke o te tha nọ ahwo a gbẹ te jẹ emamọ iwuhrẹ* na rehọ họ, rekọ wọhọ epaọ isiuru obọrai, a ti koko iwuhrẹ họ kẹ omarai re a wuhrẹ ae eware nọ e rẹ were ai ezọ.*  A te gbẹ gaviezọ kẹ uzẹme na ha, ukpoye a te gaviezọ kẹ iku erue.  Rekọ rọkẹ owhẹ, sẹro iroro ra evaọ eware kpobi, thihakọ uyero obẹbẹ, ru iruo ọtausiuwoma,* ru iruo odibọgba ra gba ziezi.  Keme a mu omẹ họ eku no wọhọ idhe udi, yọ oke obusino mẹ o kẹle no.  Mẹ họre emamọ ohọre na no, mẹ dhẹ ohrẹ na te oka no, mẹ nya lele ẹrọwọ na no.  No umuo enẹna vrẹ, a ruẹrẹ etu-uvie ẹrẹreokie họ kẹ omẹ no, onọ Olori na, obruoziẹ okiẹrẹe na ọ te kẹ omẹ wọhọ osohwa evaọ ẹdẹ yena, yọ orọnọ omẹ ọvo ho rekọ te ahwo kpobi nọ a be rọ ọwhọ rẹro omarọvia riẹ.  Dawo ẹgba ra kpobi re whọ nya bru omẹ ze kẹle. 10  Keme Dimas ọ nyasiọ omẹ ba no fikinọ o you uyero-akpọ* nana, o kpobọ Tẹsalonika no, Krẹsẹns o kpobọ Galesha, Taitọs o kpobọ Dalmesha. 11  Luk ọvo ọ rrọ kugbe omẹ. Rehọ Mak kugbe oma ze keme o wo obufihọ kẹ omẹ evaọ odibọgba na. 12  Rekọ me vi Tikikọs kpobọ Ẹfisọs no. 13  Nọ whọ te nyaze, wha ogbru nọ mẹ rọ kẹ Kapọs kru evaọ Troas na ze, gbe iko-ebe na, maero erọ oviẹ-erao na. 14  Alẹkzanda odhogu-ẹroo na o ru omẹ eware iyoma buobu. Jihova* ọ te hwosa kẹe wọhọ epaọ iruo riẹ. 15  Yọroma kẹe re keme ọ wọso ovuẹ mai na thesiwa. 16  Evaọ oke ọsosuọ nọ me ro gu ẹkẹ-unu mẹ, ohwo ọvo ọ jọ abọ mẹ hẹ, rekọ aikpobi a nyasiọ omẹ ba—ajọ Ọghẹnẹ ọ rehọ oyena hwosa kẹ ae he. 17  Rekọ Olori na o dikihẹ gba omẹ ọ tẹ kẹ omẹ ogaga, re mẹ sai whowho usi uwoma na totọ, re erẹwho na kpobi a sai yoi; o siwi omẹ no unu okpohrokpo. 18  Olori na o ti siwi omẹ no eware imuomu kpobi, yọ ọ te sẹro mẹ re mẹ ruọ Uvie obọ odhiwu riẹ. Jọ oruaro u tei bẹdẹ bẹdẹ. Ami. 19  Yere Priska avọ Akwila gbe uviuwou Ọnẹsiforọs kẹ omẹ. 20  Ẹrastọs ọ daji obọ Kọrint, rekọ mẹ nyasiọ Trọfimọs ba obọ Malitọs fikinọ ọ jẹ mọ. 21  Dawo ẹgba ra kpobi re who te obonẹ taure oke uriri o te te. Yubulọs o bi yere owhẹ, Pudẹns gbe Laenọs gbe Klodia gbe inievo na kpobi a bi yere owhẹ re. 22  Ajọ Olori na ọ jọ kugbe owhẹ nọ who bi dhesẹ emamọ ẹzi na. Jọ o dhesẹ uwowou ulogbo riẹ kẹ owhai ẹsikpobi.

Oruvẹ-Obotọ

Hayo “iwuhrẹ omokpokpọ; iwuhrẹ nọ e rẹ kẹ erere.”
Hayo “eware nọ a gwọlọ yo.”
Hayo “hai whowho usi uwoma na.”
Rri oria Otofa Eme.
Rri oria Otofa Eme.