Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Ebaibol Evaọ Itanẹte | EFAFA AKPỌ ỌKPOKPỌ ỌRỌ IKEREAKERE EFUAFO NA (ỌRỌ 1984)

2 Jọn 1:1-13

EWARE NỌ E RIẸ EVA

  • Uyere (1-3)

  • Gbẹ hae nya evaọ uzẹme na (4-6)

  • Wha rri otọ mu fiki eviẹahwohọ (7-11)

    • Wha yere ai hi (10, 11)

  • O rẹro nọ ọ te nya bru rai; uyere (12, 13)

1  Mẹ ọkpako na me bi kere se aye nọ a salọ na avọ emọ riẹ, enọ me you gaga, yọ orọnọ mẹ ọvo ho, rekọ te ahwo kpobi nọ a riẹ uzẹme na no.  Ma you owhai fiki uzẹme na nọ o rrọ eva mai, onọ o te jọ eva mai bẹdẹ bẹdẹ.  Ọghẹnẹ Ọsẹ na gbe Jesu Kristi, Ọmọ Ọsẹ na a ti dhesẹ uwowou ulogbo gbe ohrọ-oriọ kẹ omai je ru omai wo udhedhẹ, gbe uzẹme avọ uyoyou.  Mẹ be ghọghọ gaga keme mẹ ruẹ nọ emọ ra jọ a be nya evaọ uzẹme na, wọhọ epanọ Ọsẹ na o jie uzi kẹ omai.  Fikiere mẹ be lẹ owhẹ, aye, inọ joma you ohwohwo. (Orọnikọ ujaje okpokpọ me bi kere se owhẹ hẹ, rekọ onọ ma wo no emuhọ ze.)  Oware nọ u re dhesẹ nọ ma wo uyoyou ona, nọ ma tẹ ruabọhọ bi koko ijaje riẹ. Onana họ ujaje na, wọhọ epanọ wha yo no emuhọ ze, inọ wha ruabọhọ edhesẹ uyoyou.  Eviẹahwohọ buobu e romavia no evaọ akpọ na, enọ e be rọwo ho inọ Jesu Kristi ọ nyaze akpọ na wọhọ ohwo-akpọ. Ọnana họ ọviẹahwohọ na gbe ọnọ ọ rọ so Kristi na.  Wha rri otọ mu, re wha siọ eware nọ ma ruẹ uye wo tobọ no ba ekufiẹ, rekọ re wha wo osohwa ovọvọ.  Ohwo kpobi nọ o bi ru eware vrẹta, nọ ọ daji evaọ uwuhrẹ Kristi na ha ọ rrọ usu kugbe Ọghẹnẹ hẹ. Ohwo nọ ọ daji evaọ uwuhrẹ nana ọye ọ rrọ usu kugbe Ọsẹ na avọ Ọmọ na. 10  Ohwo jọ ọ tẹ nya bru owhai ze yọ o bi wuhrẹ uwuhrẹ nana ha, wha dede iei rehọ ruọ iwou rai hayo yere iei hi. 11  Keme ohwo nọ o yere i rie o bi lele iei wobọ evaọ iruo imuomu riẹ. 12  Dede nọ me wo eware buobu nọ mẹ rẹ ta kẹ owhai, mẹ gwọlọ rehọ ileta kere ai hi, rekọ me bi rẹro nọ mẹ te nya bru owhai ze, mẹ vẹ te ta ẹme kugbe owhai ovao dhe ovao re wha ruẹsi wo oghọghọ ziezi. 13  Emọ oniọvo-ọmọtẹ ra, ọnọ a salọ na, a bi yere owhẹ.

Oruvẹ-Obotọ