Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Ebaibol Evaọ Itanẹte | EFAFA AKPỌ ỌKPOKPỌ ỌRỌ IKEREAKERE EFUAFO NA (ỌRỌ 1984)

2 Ahwo Kọrint 9:1-15

EWARE NỌ E RIẸ EVA

  • Ẹjiroro nọ a rẹ rọ kẹ okẹ (1-15)

    • Ọghẹnẹ o re you ọnọ ọ rẹ rọ evawere kẹ okẹ (7)

9  Whaọ kpahe obufihọ kẹ erezi na, u du gwọlọ nọ me re kere se owhai hi,  keme mẹ riẹ nọ u no owhai eva ze nọ wha re fiobọhọ, yọ mẹ be rọ onana seha kẹ inievo obọ Masidonia inọ inievo obọ Akeya a ruẹrẹ oma kpahe te ukpe no, yọ ajọwha rai o fi ọwhọ họ ibuobu rai oma no.  Rekọ me bi vi inievo na ze re eha nọ ma be rọ owhai se e gbẹ jọ ifofe he, gbe re wha sae ginẹ ruẹrẹ oma kpahe wọhọ epanọ mẹ ta kpahe owhai.  O gbẹ rrọ ere he, nọ inievo obọ Masidonia a te lele omẹ nyaze a jẹ ruẹ nọ wha ruẹrẹ oma kpahe he, oma o te vuọ omai gbe owhai fiki eha nọ ma rọ owhai se.  Fikiere mẹ ruẹ nọ u fo re mẹ tuduhọ inievo na awọ inọ a kake nya bru owhai ze re a mi okẹ nọ wha ya eyaa riẹ na kpahotọ, re nọ ma tẹ nyaze, yọ wha ruẹrẹ e riẹ kpahe no, u ve dhesẹ nọ unevaze wha rọ kẹ okẹ na orọnikọ ọgbahọ họ.  Rekọ kpahe onana, ohwo kpobi nọ ọ be kọ kakao o re vu kakao re, ohwo kpobi nọ ọ be kọ buobu o re vu buobu re.  Jọ ohwo kpobi o ru wọhọ epanọ ọ gba riẹ mu evaọ udu riẹ, orọnikọ avọ ẹgo ho hayo ọgbahọ họ, keme Ọghẹnẹ o re you ohwo nọ ọ rẹ rọ evawere kẹ okẹ.  Ofariẹ, Ọghẹnẹ ọ rẹ sai dhesẹ uwowou ulogbo riẹ kẹ owhai vọvọ re wha ruẹsi wo eware kpobi dobọ ziezi ẹsikpobi, je wo eware buobu nọ wha re ro ru iruo iwoma kpobi.  (Nwane wọhọ epanọ a kere nọ: “O siobọno kẹ ahwo buobu no; ọ kẹ iyogbere no. Ẹrẹreokie riẹ ọ rẹ jọ bẹdẹ bẹdẹ.” 10  Whaọ Ọnọ ọ rẹ rọ ibi buobu kẹ ọkibi jẹ kẹ ahwo ebrẹdi buobu nọ a rẹ re na, ọ te kẹ owhai ibi buobu nọ wha rẹ kọ, yọ o ti ru nọ eware iwoma buobu i ti ro no iruo ikiẹrẹe rai ze.) 11  O bi ru owhai fe evaọ eware kpobi re wha sai ru ọghọ evaọ kabọ kabọ, a vẹ rọ fiki okẹ unevaze rai nọ ma wha se ai ro yere Ọghẹnẹ; 12  keme iruo obufihọ nana orọnikọ o rrọ rọkẹ ẹruorote ẹgwọlọ erezi na ọvo ho rekọ re o jẹ lẹliẹ ibuobu yere Ọghẹnẹ. 13  Iruo obufihọ nana i bi ru ai jiri Ọghẹnẹ keme wha bi ru lele usi uwoma kpahe Kristi na, wọhọ epanọ wha whowho via, gbe fikinọ wha be rọ unevaze zọhọ eware ro fiobọhọ kẹ ae gbe ahwo kpobi. 14  Yọ a be lẹ roro owhai bi dhesẹ nọ a you owhai fiki uwowou ulogbo nọ Ọghẹnẹ o dhesẹ kẹ owhai. 15  Uyere u te Ọghẹnẹ fiki okẹ ọvọvẹ riẹ nọ a rẹ sae ruẹ unu gbiku riẹ hẹ.

Oruvẹ-Obotọ