Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Ebaibol Evaọ Itanẹte | EFAFA AKPỌ ỌKPOKPỌ ỌRỌ IKEREAKERE EFUAFO NA (ỌRỌ 1984)

2 Ahwo Kọrint 7:1-16

EWARE NỌ E RIẸ EVA

  • Joma ru oma mai fo no eware nọ i re zue oma (1)

  • Paul’s joy over the CorinthianPọl o wo oghọghọ fiki inievo Kọrint (2-4)

  • Taitọs ọ wha emamọ iyẹrẹ ze (5-7)

  • Ọkora nọ o rọwokugbe oreva Ọghẹnẹ gbe ekurẹriẹ (8-16)

7  Fikiere iyoyou, nọ orọnọ a ya eyaa enana kẹ omai na, wha joma ru oma mai fo no eware kpobi nọ i re zue oma gbe ẹzi, re ma jọ fuafo ziezi nọ ma be dhozọ Ọghẹnẹ na.  Jọ wha jẹ omai rehọ evaọ udu rai. Ma ru ohwo ọvo thọ họ, ma raha uruemu ohwo ọvo ho, ma wha ohwo ọvo re he.  Orọnikọ mẹ be ta onana ro brukpe owhai hi. Keme mẹ ta vẹre no inọ, ma tẹ maki whu hayo ma rrọ uzuazọ, oware ovo o sai nwene uyoyou nọ ma wo kẹ owhai hi.  Mẹ be ta ẹme kẹ owhai ududu. Mẹ be rehọ owhai seha gaga. Me wo omosasọ; yọ oghọghọ o da omẹ oma fia ghelọ uye kpobi nọ ma be ruẹ.  Evaọ uzẹme, nọ ma te Masidonia, oma o fọ omai hi, rekọ ma jẹ ruẹ uye evaọ kabọ kabọ, enọ e rrọ ukoko ho a jẹ wọso omai, yọ ma jẹ ruawa.  Rekọ Ọghẹnẹ nọ ọ rẹ sasa enọ e rrọ ọkora oma na, ọ rehọ ẹnyaze Taitọs sasa omai oma;  yọ orọnikọ ẹkwoma ẹnyaze riẹ na ọvo ho, rekọ te omosasọ nọ ọyomariẹ o wo fiki rai, keme o gbiku kẹ omai kpahe epanọ wha bi ro rẹro mẹ, uweri ogaga nọ wha rrọ, gbe nọ wha be ruawa gaga kpahe omẹ; onana u ru omẹ ghọghọ gaga.  Keme o tẹ make rọnọ mẹ rọ ileta mẹ wha ọkora se owhai, o da omẹ hẹ. O tẹ make rọnọ o da omẹ vẹre (keme mẹ ruẹ nọ ileta na o wha ọkora se owhai, rekọ evaọ omoke gheghe),  enẹna mẹ be ghọghọ, orọnọ fikinọ wha jọ ọkora ọvo ho, rekọ fikinọ ọkora na u ru owhai kurẹriẹ. Ọkora rai o rọwokugbe oreva Ọghẹnẹ, fikiere eme mai e wha uye se owhai hi. 10  Keme ọkora nọ o rọwokugbe oreva Ọghẹnẹ o rẹ wha ekurẹriẹ ze onọ u re su kpohọ esiwo, yọ a rẹ vioja riẹ hẹ; rekọ ọkora akpọ na o rẹ wha uwhu ze. 11  Ọkora rai nọ o rọwokugbe oreva Ọghẹnẹ na o kẹ owhai ajọwha ọgaga, ẹhẹ, u ru owhai si afuẹwẹ no uzou rai, dheva kpahe oruthọ na, wo ozodhẹ Ọghẹnẹ, isiuru, ọwhọ, jẹ kpọ oware nọ o thọ na vi! Evaọ kabọ kabọ, wha dhesẹ nọ abọ rai ọ fo evaọ ẹme nana. 12  Dede nọ me kere ileta se owhai, orọnikọ fiki ọnọ o ru thọ na me ro kere iei hi, yọ orọnọ fiki ọnọ a ru thọ na ha, rekọ re ajọwha nọ wha wo kẹ omai o sai dhesẹ oma via evaọ aro Ọghẹnẹ. 13  Oyejabọ nọ ma ro wo omosasọ na. Rekọ, u te no omosasọ nọ ma wo na no, ma ghọghọ gaga re fiki oghọghọ nọ Taitọs o wo, keme whai kpobi wha sasa e riẹ oma. 14  Keme otẹrọnọ mẹ rehọ owhai seha kẹe, wha ru oma vuọ omẹ hẹ; rekọ wọhọ epanọ eme kpobi nọ ma ta kẹ owhai e rrọ uzẹme na, ere eha nọ ma rehọ owhai se kẹ Taitọs e rrọ uzẹme re. 15  Epọvo na re, uvi uyoyou nọ o wo kẹ owhai o be ga nọ ọ be kareghẹhọ epanọ whai kpobi wha ro yoẹme, gbe epanọ wha ro dede iei rehọ avọ ozọ gbe enuhu. 16  Mẹ be ghọghọ inọ evaọ kabọ kabọ me fievahọ owhai.*

Oruvẹ-Obotọ

Hayo o sae jọ nọ, “Udu o rrọ omẹ awọ fiki rai.”