Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Ebaibol Evaọ Itanẹte | EFAFA AKPỌ ỌKPOKPỌ ỌRỌ IKEREAKERE EFUAFO NA (ỌRỌ 1984)

1 Timoti 6:1-21

EWARE NỌ E RIẸ EVA

  • Jọ erigbo a rọ ọghọ kẹ ilori rai (1, 2)

  • Otu-iwuhrẹ erue gbe uyoyou ugho (3-10)

  • Ehrẹ kẹ odibo Ọghẹnẹ (11-16)

  • Hai ru eware ezi buobu (17-19)

  • Yọrọ oware nọ a muhọ owhẹ obọ na (20, 21)

6  Jọ enọ e rrọ erigbo a gbẹ hae kẹ ilori rai ọghọ odidi, re ahwo a gbẹ ta eme iyoma kpahe odẹ Ọghẹnẹ gbe iwuhrẹ riẹ hẹ.  Ofariẹ, jọ enọ ilori rai e rrọ Ileleikristi a rri rai vo ho fikinọ a rrọ inievo. Ukpoye, jọ a tubẹ gbodibo ziezi viere, keme enọ i bi wo erere no emamọ iruo rai ze yọ ibe Ileleikristi nọ e rrọ inievo iyoyou rai. Hai wuhrẹ ahwo eware nana jẹ hae kẹ ehrẹ nana.  Otẹrọnọ ohwo jọ o bi wuhrẹ uwuhrẹ ofa jọ yọ ọ rọwo kugbe omamọ uwuhrẹ* na ha, onọ u no obọ Olori mai Jesu Kristi ze gbe onọ u dhesẹ oware nọ omarọkẹ Ọghẹnẹ o rrọ,  ohwo yena o bi fu uke avọ omorro yọ o wo otoriẹ oware ovo ho. Avro-ọvro gbe ikẹ-isio kpahe eme e da riẹ oma fia. Eware nọ i re no enana ze họ ihri-eriọ, ohọre, ọtaraha,* iviẹro iyoma,  ẹwhọ ẹsikpobi fiki eme nọ i te oware ovo ho, onọ ezae nọ iroro rai i gbeku no nọ a gbe wo otoriẹ uzẹme na ha a rẹ wha ze, bi roro nọ omarọkẹ Ọghẹnẹ yọ oware nọ ohwo ọ rẹ rọ wha erere se omobọriẹ.  Ababọ avro, erere ologbo ọ rrọ omarọkẹ Ọghẹnẹ nọ ohwo o te wo edẹro.*  Keme ma wha oware ovo ziọ akpọ na ha, yọ ma sae wha oware ovo noi gbe he.  Fikiere, ma te wo emuore gbe iwu,* eware nana e rẹ da omai ẹro.  Rekọ ahwo nọ a gba riẹ mu nọ a re fe a re kie ruọ odawọ gbe agbefẹ gbe isiuru igheghẹ gbe erọ enwoma buobu nọ i re su ahwo kpohọ ọraha. 10  Keme uyoyou ugho yọ ehri oghẹrẹ eware iyoma kpobi, yọ fiki eware nọ uyoyou nana o be wọ ai ru, otujọ a reghe no ẹrọwọ na no jẹ wha edada buobu se omarai no.* 11  Rekọ, whẹ odibo Ọghẹnẹ, dhẹ siọ eware nana ba. Ukpoye, le ẹrẹreokie, omarọkẹ Ọghẹnẹ, ẹrọwọ, uyoyou, ithihakọ, gbe ẹwolẹ. 12  Họre emamọ ohọre ẹrọwọ na; dadabọ mu uzuazọ ebẹdẹ bẹdẹ nọ a rọ fiki riẹ se owhẹ na gaga, onọ whọ jọ ẹgbede whowho via evaọ iraro isisẹri buobu. 13  Evaọ aro Ọghẹnẹ ọnọ ọ be sẹro eware kpobi nọ e rrọ uzuazọ, gbe Kristi Jesu ọnọ ọ jọ ẹgbede se emamọ isẹri kẹ Pọntiọs Pailet, mẹ be ta kẹ owhẹ nọ, 14  koko ijaje na evaọ edhere nọ ọ kare epe jẹ kare afuẹwẹ ri bọo oke nọ Olori mai Jesu Kristi o ti dhesẹ oma via. 15  Nọ oke nọ a fihọ na u te te, Osu ọvo nọ o wo ogaga ulogbo je wo evawere na o ti dhesẹ oma via. Ọye họ Ovie enọ e rrọ ivie gbe Olori enọ e rrọ ilori, 16  ọye ọvo họ ọnọ o re whu hu, ọnọ ọ rrọ oria elo nọ a rẹ sai te he, ọnọ ohwo ọvo ọ re ruẹ hẹ hayo sae ruẹ hẹ. Jọ o wo ọghọ gbe ogaga bẹdẹ bẹdẹ. Ami. 17  Ta kẹ enọ i fe evaọ uyero-akpọ* nana inọ a wọ oma kpehru hu,* gbe nọ a du rọ ẹruore rai kpahe efe nọ o muẹro ho ho, rekọ a rọ ẹruore rai kpahe Ọghẹnẹ, ọnọ ọ be kẹ omai eware kpobi nọ ma be reawere rai buobu. 18  Ta kẹ ae nọ a hai ru ewoma, a hai ru eware ezi buobu, a hai ru ọghọ, siobọno kẹ amọfa, 19  a vẹ rọ ere bi koko efe nọ oware ovo u re ru hu họ kẹ omarai, onọ o rrọ emamọ otọhotọ kẹ obaro na, re a sae dadabọ mu uvi uzuazọ na. 20  Timoti, yọrọ oware nọ a muhọ owhẹ obọ na ziezi, kẹnoma kẹ eme ifofe nọ e wọso eware nọ e rrọ ọrẹri gbe eriariẹ erue nọ e wọso uzẹme na. 21  Otujọ a kie no ẹrọwọ na no fiki eriariẹ itieye na nọ a bi ro dhesẹ oma. Jọ Ọghẹnẹ o dhesẹ uwowou ulogbo riẹ kẹ owhai.

Oruvẹ-Obotọ

Hayo “uwuhrẹ omokpokpọ; uwuhrẹ nọ o rẹ kẹ erere.”
Hayo “ekela.”
Evaọ Griki, “nọ oware nọ ohwo o wo o tẹ dae ẹro.”
Hayo “oria nọ ma be rria.”
Hayo “duwu oma rai soso no.”
Rri oria Otofa Eme.
Hayo “wo okpiroro ho.”