Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Ebaibol Evaọ Itanẹte | EFAFA AKPỌ ỌKPOKPỌ ỌRỌ IKEREAKERE EFUAFO NA (ỌRỌ 1984)

1 Ahwo Tẹsalonika 1:1-10

EWARE NỌ E RIẸ EVA

  • Uyere (1)

  • O yere Ọghẹnẹ fiki ẹrọwọ inievo Tẹsalonika (2-10)

1  Mẹ Pọl, Silvanọs,* gbe Timoti, ro se ukoko obọ Tẹsalonika nọ o rrọ usu kugbe Ọghẹnẹ Ọsẹ na gbe Olori na Jesu Kristi: Jọ Ọghẹnẹ o dhesẹ uwowou ulogbo kẹ owhai jẹ kẹ owhai udhedhẹ.  Ma re yere Ọghẹnẹ ẹsikpobi nọ ma tẹ be fodẹ owhai kpobi evaọ elẹ mai,  keme ma be hae kareghẹhọ iruo nọ wha bi ru avọ ẹrọwọ gbe iruo egaga nọ wha bi ru fiki uyoyou, gbe ithihakọ rai fiki ẹruore nọ wha fihọ Olori mai Jesu Kristi evaọ aro Ọghẹnẹ gbe Ọsẹ mai.  Ma riẹ nọ ọye ọ salọ owhai, inievo nọ Ọghẹnẹ o you,  keme usi uwoma nọ ma ta kẹ owhai o jọ orọ ẹmeunu ọvo ho, rekọ avọ ogaga gbe ẹzi ọfuafo gbe imuẹro egaga, yọ wha riẹ oghẹrẹ nọ ma ru omamai evaọ udevie rai re o sae kẹ owhai erere.  Yọ wha be rọ aro kele omai gbe Olori na, keme ma ruẹ nọ wha jẹ ẹme na rehọ evaọ udevie ukpokpoma ogaga avọ oghọghọ nọ ẹzi ọfuafo na ọ kẹ owhai,  wha te ti zihe ruọ oriruo kẹ ilele Olori na kpobi nọ e rrọ Masidonia gbe Akeya.  Uzẹme riẹ họ, orọnikọ ẹme Jihova* ọ rọ ẹkwoma rai do ruọ Masidonia gbe Akeya no ọvo ho, rekọ ẹrọwọ nọ wha fihọ Ọghẹnẹ u do ruọ oria kpobi no, fikiere u gbe du gwọlọ nọ ma rẹ ta ẹme ọvo ho.  Keme ae omarai a gbẹ be ta kpahe epanọ ma rọ nya bru owhai ze evaọ oke ọsosuọ gbe epanọ wha rọ nyasiọ edhọ rai ba je kurẹriẹ bru Ọghẹnẹ uzẹme nọ ọ rrọ uzuazọ na ze, 10  nọ wha be rọ hẹrẹ Ọmọ riẹ nọ o bi no obọ odhiwu ze, ọnọ ọ kpare no uwhu ze, koyehọ Jesu, ọnọ o bi siwi omai no ofu nọ ọ be tha na.

Oruvẹ-Obotọ

Nọ a re je se Saelas.
Rri oria Otofa Eme.