Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Ebaibol Evaọ Itanẹte | EFAFA AKPỌ ỌKPOKPỌ ỌRỌ IKEREAKERE EFUAFO NA (ỌRỌ 1984)

1 Ahwo Kọrint 8:1-13

EWARE NỌ E RIẸ EVA

  • Kpahe emu nọ a ro dhe idhe kẹ emedhọ (1-13)

    • Rọkẹ omai Ọghẹnẹ ọvo ọ rrọ (5, 6)

8  Whaọ kpahe emu nọ a ro dhe idhe kẹ emedhọ: Ma riẹ nọ mai kpobi ma wo eriariẹ kpahe onana. Eriariẹ i re ru ohwo fu uke, rekọ uyoyou o rẹ bọ ohwo ga.  Otẹrọnọ ohwo jọ o bi roro nọ ọ riẹ oware jọ, ọ re riẹe ziezi te epanọ u fo nọ ọ rẹ riẹe he.  Rekọ ohwo jọ o te you Ọghẹnẹ, ọ riẹ ọnana.  Whaọ kpahe ẹriọ emu nọ a ro dhe idhe kẹ emedhọ, ma riẹ nọ ẹmẹdhọ yọ oware ovuovo evaọ akpọ na ha, gbe inọ Ọghẹnẹ ọvo ọ rrọ.  Keme dede nọ ejọ e riẹ nọ a bi se eghẹnẹ, makọ evaọ obọ odhiwu hayo evaọ otọakpọ, wọhọ epanọ “eghẹnẹ” buobu gbe “ilori” buobu e riẹ na,  rọkẹ omai, Ọghẹnẹ ọvo ọ rrọ, Ọsẹ na, ọnọ eware kpobi i no obọ riẹ ze, ọnọ ọ ma omai re ma ru oreva riẹ; yọ Olori ọvo ọ rrọ, Jesu Kristi, ọnọ a rọ ẹkwoma riẹ ma eware kpobi jẹ rọ ẹkwoma riẹ ma omai.  Ghele na, orọnikọ ahwo kpobi a wo eriariẹ nana ha. Rekọ ejọ, fikinọ a jẹ gọ edhọ vẹre, a re rri emu nọ a be re wọhọ oware nọ a ro dhe idhe kẹ ẹmẹdhọ, yọ fikinọ obruoziẹ-iroro rai ọ ga ha, o vẹ jọ gbegbe.  Rekọ emu o re si omai kẹle Ọghẹnẹ hẹ; u re ru omai yoma vi amọfa ha nọ ma gbẹ re he, yọ u re ru omai woma vi amọfa ha nọ ma tẹ re.  Rekọ wha yọroma re udu nọ wha rẹ rọ salọ onọ u je owhai na o gbẹ jọ utho ezoruẹ kẹ enọ e ga ha ha. 10  Keme otẹrọnọ ohwo jọ ọ ruẹ owhẹ nọ o wo eriariẹ nọ ọ keria be re emu evaọ uwou ẹdhọ, kọ o gbẹ te kẹ ohwo yena nọ obruoziẹ-iroro riẹ ọ ga ha na udu re emu nọ a ro dhe idhe kẹ emedhọ? 11  Fiki eriariẹ ra ẹrọwọ ohwo nọ ọ ga ha ọ be raha no, oniọvo ra nọ Kristi ọ rọ fiki riẹ whu. 12  Nọ whọ tẹ be raha uzi wọso inievo ra jẹ be nwa obruoziẹ-iroro rai nọ ọ ga ha oma, whọ be raha uzi wọso Kristi. 13  Fikiere, otẹrọnọ emu o re ru oniọvo mẹ zoruẹ, mẹ rẹ gbẹ re arao vievie he, re me gbe ru oniọvo mẹ zoruẹ hẹ.

Oruvẹ-Obotọ