Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Ebaibol Evaọ Itanẹte | EFAFA AKPỌ ỌKPOKPỌ ỌRỌ IKEREAKERE EFUAFO NA (ỌRỌ 1984)

1 Ahwo Kọrint 5:1-13

EWARE NỌ E RIẸ EVA

  • Ọzae jọ o mi ọsẹ riẹ aye (1-5)

  • Ẹvi ọsese o re ru ukulu soso fu (6-8)

  • A re si ohwo omuomu na no (9-13)

5  Me yo nọ ọfariẹ-ogbe* ọ rrọ udevie rai, oghẹrẹ ọfariẹ-ogbe* nọ a rẹ jọ udevie erẹwho na ruẹ dede he, inọ ọzae jọ o mi ọsẹ riẹ aye, aimava a tẹ be rria uwou.  Kọ onana o be were owhai oma? Kọ ogbẹrọnọ wha re weri, re wha si ọzae nọ o ru oware uyoma nana no udevie rai?  Dede nọ mẹ rrọ kugbe owhai evaọ ugboma ha, mẹ rrọ kugbe owhai evaọ ẹzi, yọ me brukpe ọzae nọ o ru oware nana no wọhọ ẹsenọ mẹ rrọ kugbe owhai.  Nọ wha te kokohọ evaọ odẹ Olori mai Jesu, jẹ riẹ nọ mẹ rrọ kugbe owhai evaọ ẹzi gbe ogaga Olori mai Jesu,  wha re siobọno ọzae otiọye na kẹ Setan hrọ re wha rọ ere raha ekpehre uruemu na no, re emamọ ẹzi ukoko na o sae gbẹ jariẹ evaọ ẹdẹ Olori na.  Ehaise rai na u woma ha. Kọ wha gbẹ riẹ nọ ẹvi* ọsese o re ru ukulu soso fu?  Wha gbolo ukulu anwae nọ ẹvi* ọ rrọ na kufiẹ, re wha sae jọ ukulu okpokpọ, nọ orọnọ wha kare umuomu na. Keme a rehọ Kristi omogodẹ Ọnyavrẹ mai na dhe idhe no.  Fikiere, wha joma ru ehaa na, orọnikọ avọ ukulu anwae nọ ẹvi* ọ rrọ họ, hayo ẹvi nọ o dikihẹ kẹ eyoma gbe emuemu hu, rekọ avọ ebrẹdi nọ ọ kare ẹvi nọ o dikihẹ kẹ oruọzewọ gbe uzẹme.  Evaọ ileta mẹ me kere se owhai nọ wha siọ usu ba ẹnya kugbe ahwo nọ a bi gbe-ọfariẹ,* 10  orọnikọ wha rẹ hẹrioma riẹriẹriẹ no ahwo akpọ nana nọ a bi gbe-ọfariẹ* hayo ahwo uvou-uthethei hayo enọ i re fru amọfa re hayo egedhọ họ. Keme o tẹ rrọ ere, kiyọ wha re ti no akpọ na no. 11  Rekọ enẹna me bi kere se owhai nọ wha siọ usu ba ẹnya kugbe ohwo kpobi nọ o se omariẹ oniọvo nọ o bi gbe-ọfariẹ* hayo ọnọ o wo uvou-uthethei hayo ọgẹdhọ hayo ọlahwo-eka hayo ọgba-udi hayo ọnọ o re fru amọfa re, wha tube lele ohwo otiọye na re emu hu. 12  Keme ovẹ u te omẹ nọ me re ro bruoziẹ enọ e rrọ ukoko na ha? Kọ ogbẹrọnọ enọ e rrọ ukoko na wha re bruoziẹ rai, 13  re Ọghẹnẹ o bruoziẹ enọ e rrọ ukoko ho? “Wha si ohwo omuomu na no udevie rai.”

Oruvẹ-Obotọ

Evaọ Griki, por·neiʹa. Rri oria Otofa Eme.
Evaọ Griki, por·neiʹa. Rri oria Otofa Eme.
Koyehọ, iyisti nọ a re ro ru ebrẹdi nọ u re ru ei fu.
Koyehọ, iyisti nọ a re ro ru ebrẹdi nọ u re ru ei fu.
Koyehọ, iyisti nọ a re ro ru ebrẹdi nọ u re ru ei fu.
Rri oria Otofa Eme, “Ọfariẹ-ogbe.”
Rri oria Otofa Eme, “Ọfariẹ-ogbe.”
Rri oria Otofa Eme, “Ọfariẹ-ogbe.”