Kpohọ eme nọ e riẹ eva

Kpohọ eme nọ e kẹle obọ emuhọ

Kpohọ oria izoẹme

Isẹri Jihova

Isoko

Ebaibol Evaọ Itanẹte | EFAFA AKPỌ ỌKPOKPỌ ỌRỌ IKEREAKERE EFUAFO NA (ỌRỌ 1984)

1 Ahwo Kọrint 16:1-24

EWARE NỌ E RIẸ EVA

  • Eware nọ a jẹ zọhọ fiki Ileleikristi obọ Jerusalẹm (1-4)

  • Omaa erẹ Pọl (5-9)

  • Omaa erẹ Timoti avọ Apọlọs (10-12)

  • Uduotahawọ gbe uyere (13-24)

16  Whaọ kpahe igho nọ wha be zọhọ fiki erezi na, wha rẹ sai ru wọhọ epanọ mẹ ta kẹ ikoko obọ Galesha.  Evaọ ẹdẹ ọsosuọ ọrọ oka* kpobi, jọ whai omomọvo ọ ruẹrẹ oware jọ fihọ wọhọ epanọ o wo te, re o gbẹ jọnọ okenọ mẹ nyaze wha re ro mu okẹ unevaze họ eruo ho.  Rekọ nọ me te te obei, me ti vi ahwo nọ wha kuenu kẹ evaọ ileta rai re a rọ okẹ unevaze rai kpobọ Jerusalẹm.  Rekọ u te fo nọ mẹ rẹ nya re, ma te gbẹ nya.  Rekọ mẹ te nya bru owhai ze nọ mẹ tẹ nya Masidonia duwu no, keme mẹ te nya Masidonia duwu;  yọ ẹsejọhọ mẹ te jọ kugbe owhai hayo tubẹ raha ezi uriri na kugbe owhai, re nọ mẹ te nyavrẹ kpohọ obonọ mẹ te nya, wha ve su omẹ họ aro omojọ.  Mẹ gwọlọ ruẹ owhai obọnana ha nọ owọ mẹ o rrọ onyonya na, keme me bi rẹro nọ mẹ te raha oke jọ kugbe owhai, o tẹ ruọ Jihova.*  Rekọ mẹ te gbẹ jọ Ẹfisọs rite oke Ehaa Pẹntikọst,  keme uvẹ ulogbo* ọrọ iruo u rovie fihọ kẹ omẹ, rekọ otu ọwọsuọ buobu e riẹ. 10  Nọ Timoti ọ tẹ nya bru owhai ze, wha ruẹ nọ udu u te rie otọ nọ ọ tẹ rrọ kugbe owhai, keme iruo Jihova* o bi ru wọhọ epanọ me bi ru na. 11  Fikiere jọ ohwo ọvo o rri rie vo ho. Wha vi ei ruọ edhere evaọ udhedhẹ, re ọ nya bru omẹ ze, keme mẹ avọ inievo na ma be hẹrẹ iẹe. 12  Whaọ kpahe Apọlọs oniọvo mai, mẹ tuduhọ iẹe awọ gaga inọ o lele inievo na nya bru owhai ze. Ọ gwọlọ nyaze obọnana ha, rekọ ọ te nyaze nọ o te wo uvẹ. 13  Wha jaja aro vi, wha dikihẹ ga evaọ ẹrọwọ na, wha wo udu, wha jọ egba. 14  Wha rehọ uyoyou ru eware kpobi nọ wha bi ru. 15  Wha riẹ nọ uviuwou Stẹfanas họ ahwo ọsosuọ nọ a jọ Akeya kurẹriẹ, gbe nọ a rọ oma rai kpobi gbodibo kẹ erezi na. Fikiere, inievo, mẹ be tuduhọ owhai awọ nọ: 16  Whai omarai wha romakpotọ kẹ oghẹrẹ ahwo otiọye na gbe ahwo kpobi nọ e rrọ ibe-iruiruo mai nọ i bi ru iruo gaga. 17  Rekọ eva e be were omẹ nọ Stẹfanas gbe Fọtunatọs gbe Akaikọs a rrọ kugbe omẹ,* keme a ru eware nọ wha hai ru o hae jọnọ wha rrọ etenẹ. 18  A sasa omẹ gbe owhai oma no. Fikiere, wha rri ezae itieye na ghaghae. 19  Ikoko nọ e rrọ Esia a bi yere owhai. Akwila avọ Priska* gbe ukoko nọ o rrọ uwou rai a yere owhai ziezi evaọ Olori na. 20  Inievo na kpobi a yere owhai. Wha rọ ẹviọlọ ọrẹri yere ohwohwo. 21  Mẹ Pọl ọ be rọ obọ mẹ kere eme uyere nana ro yere owhai. 22  Otẹrọnọ ohwo jọ o you Olori na ha, uye u re tei. O Olori mai, nyaze! 23  Jọ Olori na Jesu o dhesẹ uwowou ulogbo riẹ kẹ owhai. 24  Me you owhai kpobi nọ e rrọ usu kugbe Kristi Jesu.

Oruvẹ-Obotọ

Ẹdẹ nana ma bi se Ẹdoka nẹnẹ na. Rọkẹ ahwo Ju, ẹdẹ yena ọ jọ ẹdẹ ọsosuọ oka na.
Rri oria Otofa Eme.
Evaọ Griki, “ẹthẹ ologbo.”
Rri oria Otofa Eme.
Rri oria Otofa Eme, “Ọzino.”
A re je sei “Prisila”.