Orọ Ọsosuọ Ro Se Ahwo Kọrint 13:1-13
-
Uyoyou—edhere nọ o mai woma (1-13)
13 Mẹ tẹ be rọ erọunu ahwo-akpọ gbe orọ ikọ-odhiwu ta ẹme rekọ me wo uyoyou hu, yọ me zihe ruọ edo ẹgogo hayo ewẹ-odhe nọ a be rọ tehe ohwohwo no.
2 Yọ me te wo okẹ eruẹaruẹ je wo otoriẹ eware ididi ọrẹri na kpobi je wo eriariẹ kpobi,+ me te je wo ẹrọwọ ziezi te epanọ mẹ sai ro si igbehru no oria nọ e rrọ,* rekọ me wo uyoyou hu, mẹ yọ oware ovo ho.*+
3 Otẹrọnọ me siobọno eyero mẹ kpobi rọ kuọ amọfa,+ yọ me te siobọno oma mẹ, re mẹ ruẹsi seha, rekọ me wo uyoyou hu,+ me wo erere ọvo vievie he.
4 Uyoyou+ u re wo odiri,*+ o tẹ jẹ rrọ wowou.+ Uyoyou o rẹ re ihri hi.+ O rẹ ya-oma ha, u re fu uke he,+
5 u re ru ugberuo ho,*+ o rẹ gwọlọ ewoma obọriẹ hẹ,+ u re mu ofu hu.+ U re koko eware edada nọ a ru rie* fihọ eva ha.+
6 O rẹ ghọghọ fiki emuemu hu,+ rekọ o rẹ ghọghọ fiki uzẹme.
7 U re wo odiri evaọ eware kpobi,+ rọwo eware kpobi,+ rẹro eware kpobi,+ thihakọ eware kpobi.+
8 Uyoyou o rẹ jọ bẹdẹ bẹdẹ.* Rekọ otẹrọnọ ekẹ eruẹaruẹ e riẹ, a ti si ai no otọ; otẹrọnọ erọunu* e riẹ, i ti serihọ; otẹrọnọ eriariẹ e riẹ, a ti si ai no otọ.
9 Keme eriariẹ mai e gbunu hu+ yọ aruọruẹ mai ọ gbunu hu,
10 rekọ okenọ onọ o gbunu na o tẹ ze no, a ti si onọ o gbunu hu na no.
11 Okenọ mẹ jọ ọmaha, mẹ jẹ ta ẹme wọhọ ọmaha, je roro wọhọ ọmaha, je rri eware wọhọ ọmaha; rekọ enẹna nọ me te ohwo no na, me siobọno iruemu ọmaha no.
12 Enẹna ma be rọ ughẹgbe ayọno ruẹ eware bizi bizi,* rekọ oke yena o te jọ ovao dhe ovao. Enẹna umutho mẹ riẹ, rekọ oke yena mẹ te riẹ eware totọ* wọhọ epanọ Ọghẹnẹ ọ riẹ omẹ totọ na.
13 Rekọ eware esa nana e te gbẹ jariẹ: ẹrọwọ, ẹruore, uyoyou; rekọ onọ o mae rro evaọ usu rai họ uyoyou.+
Eme-Obotọ
^ Hayo “vi igbehru no oria jọ fihọ oria ofa.”
^ Hayo “me wo iruo ho.”
^ Hayo “uye-oruẹ-krẹkri.”
^ Hayo “eware nọ a ru rie thọ.”
^ Hayo “o rẹ whẹro ho; u re yiwi oyiwi hi.”
^ Hayo “u re re vievie he.”
^ Koyehọ, okẹ igbunu nọ a rẹ rọ jẹ evẹrẹ efa.
^ Hayo “ruẹ eware ẹvẹvo.”
^ Hayo “vọvọ.”
