Kpohọ eme nọ e riẹ eva

“HAE GHỌGHỌ ẸSIKPOBI”!

Okokohọ Isẹri Jihova ọrọ 2020

Ma bi zizie owhẹ nọ who rri okokohọ ubrotọ edẹ esa nọ Isẹri Jihova a ti ru evaọ ukpe nana. Fiki ẹyao no a bi se coronavirus (COVID-19) nọ ọ rrọ akpọ na soso na, jw.org evaọ itanẹte ma fi bi eme okokohọ ubrotọ ukpe nana họ nọ ahwo a ti rri. Ma te hai fi eme na họ iẹe othotha evaọ amara Ahrẹ gbe Aria.

EWARE NỌ A TI RU

  • Abọ Edisoi-Oka: Whọ te ruẹ epanọ ezae, eyae, esẹgbini, gbe emọ a sae rọ jọ uwou rai wo oghọghọ. Whọ te jẹ ruẹ epanọ eware nọ Ọghẹnẹ ọ ma fihọ akpọ na gbe ugboma mai na i ro dhesẹ nọ Ọghẹnẹ ọ gwọlọ nọ ma wo evawere.

  • Abọ Ẹdẹ-Ọmaha: Fikieme Isẹri Jihova a be rọ vuẹ ahwo emamọ usi nọ o rrọ Ebaibol na evaọ akpọ-soso? Whọ te jọ eme sa-sa nọ a ti ru, ividio, gbe ekiẹriwo, wuhrẹ oware nọ o be lẹliẹ Isẹri Jihova ta usi uwoma je wuhrẹ ahwo.

  • Abọ Ẹdoka: Ebaibol na ọ ta nọ oghale Ọghẹnẹ “u re ru ohwo fe, yọ o re fi edada evuevo bae he.” (Itẹ 10:22) A te jọ ovuẹ nọ uzoẹme riẹ o ta nọ “Efe nọ Ọ rẹ Kẹ Uvi Evawere—Ẹvẹ Whọ Sai ro Woi?” ta kpahe ẹjiroro sa-sa nọ ma sai ro fievahọ eyaa yena.

  • Edrama nọ A Rehọ No Ebaibol Ze: Ẹvẹ oriruo udu gbe ajọwha Nehemaya nọ a gbiku riẹ evaọ Ebaibol na o sai ro fiobọhọ kẹ owhẹ? Who ti rri edrama nọ u wo abọ ivẹ evaọ Ẹdẹ-Ọmaha gbe Ẹdoka, uzoẹme riẹ họ: ‘Oghọghọ Jihova Họ Ogaga Ra.’Nehemaya 8:10.

ỌRUẸRẸFIHOTỌ NA ỌVỌVẸ

A RẸ REHỌ EPASWỌDO ROVIE RUEVA HA HAYO FI ODẸ HOTỌ TAO HO

Rovie etenẹ re whọ sae ruẹ iprogramo okokohọ na je rri ividio nọ o dhesẹ ikokohọ mai.

Rri Okokohọ Ubrotọ Na